МҮЭХ-ны ерөнхийлөгч С.Ганбаатар Дорнод аймгийн Дашбалбар сумын нутагт үйл ажиллагаа явуулдаг БНХАУ-ын хөрөнгө оруулалттай “Шинь Шинь” компанийн “Улаан”-ы баяжуулах үйлдвэрт биечлэн очиж монгол ажилчдын эрх ашгийг хамгаалаад ирлээ.
Тус
үйлдвэрт орон нутгийн 300 орчим залуу ажилладаг бөгөөд хятад эзэд нь
ажилчдынхаа хөдөлмөрийн аюулгүй байдалд анхаарал хандуулдаггүй, цалин
хөлсний хэмжээ нь хэт бага байснаас эрхээ хамгаалуулахаар МҮЭХ-д хандсан
юм.
Энэ дагуу С.Ганбаатар тус үйлдвэрийн монгол ажилчидтай уулзаж, тэдний хүсэлтээр ҮЭ-ийн салбар хороо байгуулан эрх ашгийг нь хамгаалахаар боллоо. Мөн энэ үеэр монгол ажилчдын цалинг олон улсын уул уурхайн компаниудын жишигт хүргэх талаар ярилцаж, эхний удаад 33 хувиар нэмэгдүүлэхээр тохиролцов.