Бичлэгийн тоо 3,329
Тулаант, инээдмийн киногоороо үзэгч бидний эртний танил жүжигчин Жэки Чан манай улсад удахгүй ирэхээр болжээ. Тэрбээр Энэтхэг, Японы уран бүтээлчдийн хамтарсан “Найр сан” кинонд тоглож байгаа бөгөөд киноны зураг авалтын багагүй хэсгийг манай говь талд авах гэнэ.
Кинонд эрх чөлөөний төлөө тууштай тэмцэгч Энэтхэгийн үндэсний баатар Найрын тухай өгүүлнэ. Гол дүрд Жэки Чантай хамтран Болливудын нэрт жүжигчин Моханлал тоглож буй. “Найр сан” кино үзэгчдийн хүртээл болох хугацаа тодорхойгүй байгаа бөгөөд зураг авалтын ажлыг 160 хоногт гүйцэтгэхээр төлөвлөжээ.
Япон, англи хэлээр гарах уг киног хятад, төвд, хинди, монгол хэлээр албан ёсоор хөрвүүлэх аж.