Дэлхийн эрүүл мэндийн байгууллага, Сэтгэцийн эрүүл мэндийн үндэсний төв, Эрүүл мэндийн яам зэрэг таван байгууллага хамтран, өнгөрсөн өв лийн зудад нэрвэгдсэн 12 аймгийн малчдын дунд энэ оны гуравдугаар сарын 22-ноос тавдугаар сарын 18-нд судалгаа хийжээ. Энэ үеэр 1652 малчин сэтгэл зүйч, эмчээс зөвлөгөө авсан байна.
Үүнээс гадна 357 малчин ганцаарчлан уулзаж, зөвлөгөө хүсчээ. Тэд “мөсөн зуд” болж, эх малынхаа 90- 100 хувийг алдсан тухай ярьж байсан агаад малаа бөөнөөр нь алдсандаа ичих, сэтгэлээр унах, хүнтэй дуугарахгүй болж ганцаардах, нойр хоолондоо муудан, хар дарж зүүдэлдэг болсон нь илэрсэн байна. Түүнчлэн өөрийгөө болон бусдыг үзэн ядаж, архи тамхинд нэвт орсон малчид цөөнгүй таарчээ. Энэ нь сэтгэл гутралын тод илрэл гэнэ.
Завхан аймгийн Идэр суманд гурван малчин амиа хорлосон ноцтой хэрэг гарсныг судалгааны багийнхан бүртгэж авсан байна.
Ийм бодолтой долоо, өөрийгөө егүүтгэхээр оролдсон есөн малчинд зөвлөгөө өгсөн аж. Тухайлбал, Төв аймгийн Алтанбулаг сумын нэгэн малчин “Өөрийнхөө арчаагүйгээс бүх малаа алдсан. Хүний нүүр харахаас ичээд, цааш яаж амьдрахаа мэдэхгүй байсан тул хоёр сарын турш амиа хорлох тухай бодож явсан” гэж ярьжээ.
Малчдаас гадна тэдний хүүхд үүдийн зүрхэнд зуд хар толбо үлдээжээ. Зүсэлж авсан хайртай малаа алдсан хүүхдүүд орондоо шээн, хар дарж зүүдэлдэг болсон байх юм.