Нийслэл хот үүссэний 371 жилийн ойг угтан Чингэлтэй дүүргийнхэн “Иргэдийн талархлын баяр”- аа өчигдөр тэмдэглэлээ. “Нэг цонхны үйлчилгээ” төвд зохион байгуулсан арга хэмжээний үеэр тус дүүргээс хэрэгжүүлж буй үйл ажиллагаа, бодлого, хөрөнгө оруулалт, бүтээн байгуулалт, тохижилтын ажлын талаар иргэдэд мэдээлэл өгөхөөс гадна үйлчилгээгээ чирэгдэлгүй, шуурхай болгох үүднээс санал асуулга явуулав. Дүүргийн Тамгын газар болон харьяа хэлтсүүд иргэдэд хүссэн мэдээлэл, зөвл өгөөг нь өглөө. Тухайлбал, дүүргийн Цэргийн штабынхан цэрэг тат лага, цэргийн алба хаах сонголтуудын талаар зөвлөгөө өгөхөөс гадна цэргийн дүйцүүлэх алба хаах сонирхолтой хүмүү сийн өргөдлийг авч байв.
Дүүргийн татварын хэлтсийнхнээс иргэдийн хамгийн ихээр сонирхсон асуудал нь амьдран суух зориулалтаар хувьдаа орон сууц худалдаж авсан хувь хүнд үзүүлэх орлогын чөлөөлөлт болон гадаад дотоодын их дээд сургуульд элсэн суралцагчдын сургалтын төлбөрийн хөнгөлөлтийн асуудал байв. Харин Эрх зүйн туслалцааны төвөөс гэр бүл салалт, салсны дараах тэтгэлгийн талаар зөвлөгөө ихээр авч байсан. Тус төвийн өмгөөлөгч Ц.Тунгалаг “Онц ноцтой бус, анх удаа хэрэг хийсэн иргэдийг Цагдаагийн байгууллагынхан бүртгэхдээ бодолцох хэрэгтэй байна.
Тухайн хүний сурч боловсрох эрх нь нээлттэй байх ёстой. Гэтэл цагдаагийн тодорхойлолтоос болоод олон эрх ашиг нь хаагдахад хүрдэг тул хүмүүс энэ талаар байнга асуудаг” гэв. Тус төв нь эрүүгийн хэрэгт холбогдсон төлбөрийн чадваргүй иргэдэд хууль зүйн зөвлөгөө үнэ төлбөргүй өгдөг аж. Иргэд дээрх мэдээлэл зөвлөгөөг заавал “Иргэдийн талархлын баяр”-аар бус, хүссэн үедээ мэргэжилтнүүдэд хандаад авах боломж той аж. Чингэлтэй дүүргийнхэн цаашид энэ өдрөөр иргэний үүргээ сайтар биелүүлсэн иргэн, өрх гэрийг сурталчилж, урамшуулдаг болох юм байна.
