Говь-Алтайд П.Н.Шастины нэрэмжит клиникийн төв эмнэлгийн мэс засалч Г.Баяраа, мэдээгүйжүүлэг, эрчимт эмчилгээний эмч П.Чулуунцэцэг, Увсад ЭНЭШТ-ийн Хүүхдийн мэс заслын их эмч Р.Нуржанар, мэдээгүйжүүлэлт, эрчимт эм чил гээний сувилагч Х.Сувд-Эрдэнэ нар томилогджээ.
Харин Өмнө- говьд ЭНЭШТ-ийн мэдээгүйжүүлэлт, эрчимт эмчилгээний эмч Л.Хорлоо, сувилагч Б.Бэрцэцэг, эх барих, эмэгтэйч үүдийн эмч Ц.Мөнхбаяр нар багаараа явж байна. Тэд орон нутагт гурван сар ажиллах бөгөөд эмч нар цалингаасаа гадна сар тутам 1.5 сая төгрөг, сувилагч нэг сая төгрөгийн урамшуулал авах гэнэ.
Хөдөөгийн сувилагч, эмч нарын ЭХО оношлогооны мэргэжил дээшлүүлэхээс гадна хөдөөд зонхилж байгаа өвчлөлийн судалгаа хийж ирэх юм байна. Алслагдсан орон нутгийн эмчийн мэргэжил дээшлүүлэхэд хотод сургалт явуулахаас гадна нарийн мэргэжлийн эмч нарыг хөдөө ажиллуулах илүү үр дүнтэй нь харагдсан. Өнгөрсөн жил бид нэг аймагт нэг эмч явуулж байсан. Харин энэ удаа орон нутгаас ирсэн саналыг харгалзан багаар нь явуулж байна гээд хөдөө эмнэлэгт дутаг далтай тоног төхөөрөмжийн судалгаа хийгээд ирэхийг Эрүүл мэндийн сайд С.Ламбаа даалгав.
Хөдөө ажиллах эмч нарын оронд Улаанбаатарт тухайн аймгийн эмч нар ажлаа солилцох маягаар мэргэжил дээшлүүлэх юм билээ. Өмнөговь аймгийн Эрүүл мэндийн газрын дарга Ч.Баяржаргал эмч нараа авахаар иржээ. Тэрбээр “Манай аймагт өвчлөл сүүлийн таван жилд аймгуудын дунджаас өндөр байгаа. Эх барих, эмэгтэйчүүдийн өвчлөл, хавдар ихсэж байна. Тиймээс эх барих, эмэгтэйчүү- дийн тусламжийг сайжруулах зорилгоор салбарын яамандаа захиалга өгсөн.
Нарийн мэргэжлийн эмч нар манай аймгийн нэгдсэн эмнэлэгт ажиллах юм” гэв. Мэдээгүйжүүлэлт, эрчимт эмчилгээ ний эмч П.Чулуунцэцэг “Би эрүүл мэндийн салбарт 27 жил ажиллаж байна. Ажлын гараагаа Дорноговийн Зүүнбаянгийн цэргийн ангийн эмчээр эхэлсэн. Мөн Сүхбаатар аймагт томилолтоор ажиллаж байсан. Хөдөөгийн эмнэлгийн нөхцөл байдлыг сайн мэднэ. Энэ удаа Говь-Алтайд ажиллахаар боллоо. Хүүхдийн өвчлөл, хавдрын өвчин газар авсан гэж дуулсан.Хөдөөгийнхөнд эмнэлгийн нарийн мэргэжлийн тусламжийг чанартай хүргэх, нэг ч гэсэн хүний алтан амийг аврахын төлөө цуцалтгүй ажиллах болно” гэж ярилаа.
www.mongolnews.mn - Эх нутгийн чимээ
