Баянзүрх дүүргийн нутагт одоогоос хоёр жилийн өмнө Н.Чулуунбаатар гэдэг хүн амь насаа алдсан хэрэг гарсан бөгөөд уг хэргийг өргөж авсан ээж нь захиалсан хэмээн тухайн үед дуулиан шуугиан тарьж байсан. 90 гаруй настай ээж нь архи ууж, агсам тавьдаг хүүгээ “Хашраагаад өгөөч” хэмээн хөрш айлын Э.Цогбаяр гэх залууд хэлж, уг залуу үеэл Б.Золбаярынхаа хамтаар “ТМ” телевизийн чатад хүн зодох захиалга өгч хэсэг оюутан дээрх хоёр залуутай нийлэн зодож амь насыг нь хохироосон юм.
“Чатны эмээгийн” гэх тодотголтой уг хэрэгт холбогдсон өндөр настай хөгшинд холбогдох хэргийг Нийслэлийн шүүхээс хэрэгсэхгүй болгож, найман оюутны хэргийг 2009 оны Өршөөл үзүүлэх тухай хуульд хамруулсан юм. Улмаар Э.Золбаяр, Б.Цогбаяр нарт холбогдох хэргийг Баянзүрх дүүргийн шүүхээр дахин шийд вэрлүүлэхээр өнгөрсөн долдугаар сард шилжүүлсэн.
Тэдэнд холбогдох хэргийг тус шүүх өнгөрсөн есдүгээр сард хэлэлцэн тус бүрт нь 16 жил хорих ял оноожээ. Нийслэлийн шүүх өчигдөр шүүгдэгч хоёр залуу болон тэдний өмгөөлөгчдийн гаргасан гомдлыг хянан хэлэлцээд Баянзүрх дүүргийн шүүхээс оноосон ялыг хэвээр баталлаа.
www.mongolnews.mn - Эх нутгийн чимээ