Монголд анх удаа халаалтын нэгдсэн систем болон халуун, хүйтэн цэвэр усны сүлжээнд холбосон, ариун цэврийн өрөөтэй харуулын байр ашиглалтад орлоо. АНУ-ын Элчин сайдын яамнаас америк загвараар барьсан цагдаагийн хамгаалалтын харуулын байрыг өчигдөр Цагдаагийн ерөнхий газарт хүлээлгэн өгөв.
Хүлээн авах ёслолын ажиллагаанд ЦЕГ-ын дарга, хошууч генерал Д.Сандаг-Очир, АНУ-ын Элчин сайдын яамны тэргүүн дэд дарга Николас Хилл нар болон албаны хүмүүс оролцлоо. ЦЕГ-ын дарга, хошууч генерал Д.Сандаг-Очир орчин үеийн тохилог харуулын байр барьж өгсөн АНУ-ын ЭСЯ-ныханд талархал илэрхийлж “Энэ байр нь гадаадын элчин, дипломатуудын газар, байрыг хамгаалж байгаа цагдаагийн хамгаалалтын байрны анхны үлгэр жишээ, загвар боллоо.
Цаашид цагдаагийн харуулын байрыг тав тухтай, тохилог байлгах талаар бид анхаарч ажиллах болно” гэв. Цагдаагийн хамгаалалтын харуулын байрыг барихад АНУ-ын Элчин сайдын яам наас 25 сая төгрөг зарцуулжээ.