“Facebook” дэх нэгэн хуудсаар орвол төрсөн өдрийн мэндчилгээ хөвөрчихөж. Энэ бол дуучин Д.Болдыг сонсдог хүмүүст зориулан нэгэн шүтэн бишрэгчийнх нь үүсгэсэн хуудас аж. 1978 оны энэ өдөр хорвоод мэндэлсэн Болдод зориулан шүтэн бишрэгчид нь чин сэтгэлийн үгээ эл хуудсанд үлдээжээ. Монгол, англи, франц хэлээр баяр хүргэсэн мэндчилгээний цуваа бүр энэ сарын 11-нээс эхэлсэн байх юм.
Өчигдөр 17.00 цагийн үед баярын зурвас 34 байсан бөгөөд хамгийн богино нь “Happy birthday” гэх үгийн товчлол “HB” байсан бол хамгийн урт нь “Ийн мэндчилгээ дэвшүүлсэн ч Болд өөрөө уншихгүй л байх даа. Гэхдээ яах вэ. Төрсөн өдрийн мэнд хүргэж, аз жаргал, эрүүл энх, уран бүтээлийн амжилт, сайн сайхан бүхнийг чин сэтгэлээсээ таны нэгэн шүтэн бишрэгч хүсэн ерөөе. Үргэлж ийм хөдөлмөрч, эрч хүчтэй байгаарай.
Сайхан
баярлаарай. Одонгуа” хэмээсэн байлаа. Түүнчлэн эл хуудсаар зочилбол
“Камертон” хамтлагийн ахлагчийн төрсөн өдөр, гэр бүлийн байдал,
сонирхол, хийж бүтээсэн уран бүтээлийн жагсаалт, товч намтар төдийгүй 16
жилийн өмнө 340 төгрөгөөр дугуй авсан нь түүний хувьд хамгийн анхны
үнэтэй зүйл байсан болон анх “Siemens S4” загварын утас хэрэглэж байсан
зэрэг сонирхолтой баримттай танилцах боломжтой юм билээ.
