Бичлэгийн тоо 3,329
Бекхэмийн гэр бүл эрхийн тэнэг хүүгээсээ болоод хэрүүлтэй байна
Уншсан 5713 vote 0 2015.12.15 16:09:41Бекхэмийн гэр бүл эрхийн тэнэг хүүгээсээ болоод хэрүүлтэй байна
Нийтэлсэн: 1 цагийн өмнө
Дэвид, Виктория Бекхэмийн 16 настай хүү Бруклин яггүй нөхөр гарч ирэх нь бололтой. Тэрбээр сайхан хүүхнүүдэд дуртай (ээжийнхээ найз Ева Лонгорияг биширдэг). Бас спортод нугасгүй. Тэрбээр аав шигээ хөлбөмбөг тоглохын хажуугаар “Формула-1” уралдаанд оролцож явсан.
Тэгвэл саяхан түүний талаар нэгэн эх сурвалж “Бруклин аав ээждээ өөрийн гэсэн спорт загварын “Porsche”-той болоод Лондоноор давхихыг хүсч байгаагаа хэлсэн. Вики энэ үгийг сонсоод төмөр хүлэг унах нь эрсдэлтэй гэж эсэргүүцсэн бол аав Дэвид нь харин ч хүү рүүгээ нүдээ ирмээд үлдсэн. Ингээд хүүхдүүдээ салхинд гарах хойгуур эхнэр нөхөр хоёр хэрэлдэж, бие биеийнхээ муу муухайг дэлгэж орхисон” гэж мэдэгджээ.
Викториягийн хувьд хүүгийнхээ аюулгүй байдалд санаа зовсоноос гадна машин гэдэг тоглоомоор тоглоход эрт байна гэж үзжээ. Тэрбээр хүүгээ даруу төлөв байж, бие дааж халаасны мөнгө олохыг үргэлж сайшаадаг. Өнгөрсөн жил дизайнер бүсгүй Бруклин хүүгээ Лондоны нэгэн мухлагт кофе чанадаг гэж бахархал төгс өгүүлж байсан юм.
Харин Дэвидийн хувьд ууган хүүгээ нас биед хүрсэн, “Бекхэм” хэмээх гэр бүлийн брэндээ хамгаалж чадна гэж үзжээ. Тиймээс Бруклиндээ их хэмжээний мөнгө зарцуулахад бэлэн байна. Тэрбээр уурлаж цухалдсан эхнэрээ аргадахын оронд саяхан Лондоны “Porsche”-гийн салоноор орж, шинэ загваруудыг сонирхоод амжсан гэсэн шүү.
Таны хувьд Бекхэмийн эхнэр, нөхөр хоёрын хэнийх нь зөв бэ.
