Эдгээр модод яагаад ингэж хачин ургасныг хэн ч тайлбарлаж чаддаггүй
Энэхүү ой нь Польш улсад байх бөгөөд Грыфино хотоос холгүй 1,7 га талбай эзэлдэг бөгөөд “далий ой” нэрээр алдаршжээ.
Далий ойг 1930-аад оны үед тарьж суулгасан ба 10 жилийн дараа тайлбарлах аргагүй хэвийн бус байдал нь мэдрэгдэж эхэлсэн байна. Модны иш нь далийж, тахийж эхэлсэн энэхүү үзэгдлийг янз бүрээр тайлбарлаж, таамаглаж эхэлсэн бөгөөд шинэ тайлбар гарах тусмаа улам бүр ер бусын таамаг дэвшүүлж байв. Энэ хачин ойд 400 гаруй нарс тахийсан байдаг.
Орчин цагт энэ өвөрмөц нарсан ой үүссэн байж болох хэд хэдэн сонирхолтой таамаг бий бөгөөд эхнийх нь энэ нутагт Дэлхийн 2-р дайн эхлэхээс өмнө амьдардаг байсан Германчуудтай холбоотой юм. Тэд энэ нутагт янз бүрийн шинжлэх ухааны туршилт явуулж байсан байж болох юм. Гэхдээ тийм эсэхийг одоогоор хэн ч тогтоож чадаагүй бөгөөд учир нь энэ талаар дурдсан архивын ямар ч бичиг баримт олдоогүй билээ.
Дараагийн таамаг бол энд нутгийн нэгэн цэцэрлэгч хэн ч хэзээ ч төөрмөөргүй ой мод тарихаар шийдсэн ба бүх л мод хойд чиглэл рүү далийж ургах ёстой байсан боловч Дэлхийн 2-р дайн эхэлснээр энэ төлөвлөгөө гүйцэд биелэх хувьгүй болсон байна.