болзоонд уригдав
Өнөөдөр 11 цаг 21 минут

Америкийн Виржини мужид амьдардаг Дэлхийн хоёрдугаар дайны ахмад дайчин Норвуд Томас удахгүй болох Гэгээн Валентины баярын өдрийг Австралид залуу насныхаа дурлалт бүсгүйтэй 71 жилийн дараа уулзаж тэмдэглэхээр болсон аж. Жойс Моррис гэдэг эмэгтэйтэй түүнийг уулзуулахын тулд эртний танил хүмүүсийг зуучлан уулзуулдаг үйлчилгээ эрхлэгч GoFundMe байгууллага бүхэл бүтэн аян өрнүүлээд замынх нь зардал зэргийг олж өгсөн байна. Хэдхэн сарын дотор тэд 7000 гаруй доллар цуглуулжээ. Энэ мөнгөөр Томас удахгүй Австрали руу нисэх юм.

Агаарын тээврийн Air New Zealand компани түүнийг нэгдүгээр зэрэглэлийн суудалд суулган үнэгүй тээвэрлэх саналыг тавив. Өнгөрөгч оны 11 дүгээр сард хосууд энэ олон жилийн дараа Skype-аар харилцсан аж. Дайны дараагаар Австралид очиж амьдрах болсон Моррис хэдэн жилийн өмнө шүхрээр бууж, цахим сүлжээг тун давгүй ашигладаг гэх ахмад дайчны тухай нэвтрүүлгийг үзээд залуу насныхаа хайрыг түвэггүй таньжээ. Тэрбээр хүүгээсээ тэр хүнийг олж өгөхийг гуйсан байна. Ингээд хэд хоногийн дараа 93 настай Томас, 88 настай Моррис нар интернэтээр харилцаж нэг нэгнийгээ харсан гэнэ. Тэд 1944 оны хавар Лондон хотод танилцжээ. Хэдэн сар үерхсэний эцэст Норвуд Францад алба хаахаар илгээгдэж, дайн дууссаны дараа АНУ-д эргэн очжээ. Хосууд хэсэг хугацаанд харилцаатай байсны эцэст холбоо тасарсан аж.

- See more at: http://www.wikimon.mn/content/66432.shtml#sthash.xNgi32ES.dpuf