БНСУ орчин үеийн дуу хөгжмөөрөө дэлхий нийтийг байлдан дагуулж буй гэхэд хилсдэхгүй. Тэгвэл тус улсад гэрээгээр ажилладаг нэгэн монгол залуу тэднийг бишрүүлж эхлээд байгаа аж. Н.Идэрмөнх КBS телевизээс ард түмнийхээ дунд жил болгон зохион байгуулдаг “Дууны гайхамшгийг орон даяар” уралдаанд өнгөрсөн онд оролцож гуравдугаар байр эзэлжээ. Мөн Солонгос дахь шилдэг гадаадын дуучин шалгаруулах уралдааны 800 гаруй оролцогчдоос тусгай байрын шагнал хүртээд зогссонгүй олон улсын чанартай хэд хэдэн тэмцээнд тэргүүн байр эзэлсэн байна. Одоо тэрбээр “Migrants art center” нэртэй гадаад иргэдийн урлаг, соёлын байгууллагад ажилладаг. Түүнтэй интернэтээр холбогдлоо.

-Сайн байна уу. Танай байгууллага ямар чиглэлээр үйл ажиллагаа явуулдаг вэ?

- Манай байгууллага Солонгос дахь гадаадын уран бүтээлчдийг дэмжиж, эх орноо сурталчлахад нь тусалдаг юм. Би энд зохиогддог томоохон уралдаан тэмцээнд Монгол орноо төлөөлөн урлагийн тоглолт үзүүлдэг. Мөн Солонгос улс дахь элэг нэгт уран бүтээлчдийнхээ хамт “Соёмбо” нэгдлийг байгуулсан.

-Та ямар урсгал чиглэлээр дуулдаг вэ?

-Тэмцээнд оролцохдоо Кpop урсгалын дуу дуулдаг. Цаашдаа Монгол поп стилээр дуулах сонирхолтой байгаа. Уран бүтээлээ эндээ хийгээд Монголдоо цацах бодол бий.

-Өмнөд Солонгосын урлагийн салбар өндөр босготой гэдэг. Нэр хүндтэй студи, продакшнд шалгуулах бодол байна уу?

-Бэлтгэлээ сайн хийж байгаад хүчээ сориод үзнэ ээ. Гэхдээ миний оролцох гол зорилго бол урлагаар дамжуулан Монголынхоо нэрийг олон улсад гаргах явдал. Солонгосчууд бидний талаар сөрөг ойлголттой байх нь элбэг. Тиймээс “Соёмбо” нэгдлийнхэнтэйгээ хамтран аль болох том шоу,