Хамгийн сүүлийн үеийн Samsung Gear ухаалаг цаг нь дугуй загвартай болсон бөгөөд хэрэглэгчиддээ дэвшилтэт, эвтэйхэн, зугаатай хэрэглээг амлаж байна

Самсунг электроникс компани нь Зүүдэг төхөөрөмжийн төрөлд олон жилийн турш тасралтгүй хийсэн туршилт, хөгжүүлэлтийн үр дүн болгож 2015 оны 9-р сарын 1-ний өдөр Солонгос улсын нийслэл Сөүл хотноо Samsung Gear S2 ухаалаг цагны цоо шинэ загвараа танилцууллаа.

Samsung Gear S2 нь дугуй хэлбэрийн, эргэдэг дэлгэцтэй, өөрчлөх боломж бүхий өнгө дизайны шийдэлтэйгээр хийгдсэний зэрэгцээ илүү сонирхолтой хэлбэрээр, үр дүнтэй ашиглах олон боломжуудыг өөртөө шингээсэн байна. 

Хэрэглэгчдийн хүсэл сонирхолд нийцүүлэх үүднээс Samsung Gear S2 загвар хоёр төрөлтэйгээр зах зээлд танилцуулагдаж байгаа бөгөөд эхний хувилбар болох Gear S2 classic нь ямар ч үед зүүж хэрэглэж болох уламжлалт цагны дизайнд дуртай хэрэглэгчдэд зориулагдсан бол Gear S2 нь орчин үеийн, минимал загварт дурлагсдад зориулагджээ.

 “Сүүлийн хэдэн жилийн хугацаанд Самсунг Зүүдэг төхөөрөмжүүдийн технологид манлайлагч гэдгээ нотлон харуулж, жижиг хэмжээтэй, ухаалаг төхөөрөмжүүдийн шинэлэг, зоригтой шийдлүүдийг танилцуулсаар ирсэн” хэмээн Самсунг электрониксын Мэдээллийн технологи, Гар утасны хэлтсийн Гүйцэтгэх захирал, Ерөнхийлөгч Жей Кей Шин хэлсэн байна. Мөн тэрээр “Samsung Gear S2 нь Самсунгийн хамгийн дэвшилтэт шинэчлэлийн төлөөлөл юм. Энэ нь өдөр шөнө, албан ажил болон дасгал сургуулилалт гээд ямар ч үед таны хэрэгцээг бүрэн хангахуйц ухаалаг бас хэрэглэхэд сонирхолтой бүтээгдэхүүн болж чадсан” гэжээ.  

Ердөө 11.4 мм зузаантай уг ухаалаг цаг таны бугуйнд маш хөнгөн, тав тухтай мэдрэмж төрүүлэхийн зэрэгцээ 360х360 нягтрал бүхий (302 ppi) 1.2 инч дугуй дэлгэц нь гайхалтай өнгөний ялгарлыг харуулах нь гарцаагүй. Мөн хамгийн сүүлийн үеийн Tizen OS болон сайжруулсан 1 GHz dual core процессор нь үйлдлийг түргэн хугацаанд, үр дүнтэй гүйцэтгэх нөхцлийг бүрдүүлж өгсөн.

Хэрэглэгчид маш хялбараар календарь, цахим шуудан болон бусад мэдээ мэдээллээ шалгахаас гадна чухал и-мэйлүүдээ бугуйнаасаа шууд илгээх боломжтой. Мөн хамгийн анхны e-SIM ашиглан 3G сүлжээнд холбогддог Gear S2-оос сонголт хийх боломжтой болж байгаа юм.  

Фитнесс-д зориулсан шинэ функцүүд нь хэрэглэгчдийн эрүүл, идэвхитэй байх хүсэлд урам зориг өгнө. 24 цагийн турш ажиллах тус систем нь өдөр тутмын дасгал хөдөлгөөний үзүүлэлтийг харуулахаас гадна, дохио, мэдээлэл өгч зорилгодоо хүрэхэд нь дэмжлэг болно.

Бас нэгэн гайхалтай шийдэл болгож Samsung Gear S2-т NFC технологи суурилуулсан бөгөөд түүний тусламжтайгаар мобайл төлбөр тооцоо гүйцэтгэх боломжтой болсон тул түрийвчинд баяртай гэж хэлэх цаг иржээ. Түүгээр ч зогсохгүй хэрэглэгчдийн бүхий л хэрэгцээг хангах зорилгынхоо хүрээнд машины ухаалаг түлхүүр, орон сууцны түлхүүр мөн төрөл бүрийн алсын удирдлага болгон ашиглах боломжуудыг хүртэл нээж өгсөн.

Энэ бүхнийг гүйцэтгэхийн тулд батерейгаа 2-3 өдөр барих чадвартай болсон бөгөөд цэнэглэх шаардлага гарахад утасгүй цэнэглэгч дээрээ түүнийг байрлуулахад л хангалттай.

Samsung Gear S2 нь өмнөх загваруудын адил оосрын маш олон төрлийн загварын сонголттойгоор худалдаанд гарч байгаа бөгөөд нэг товч дараад л оосрыг солих боломжтойгоос гадна нүүрний дизайныг тухайн үеийн нөхцөл байдал, өөрийн хэв маягт тохируулан өөрчлөх боломжтойгоор хийгдсэн.

Самсунг нь өөрийн нэвтрүүлсэн шинэ технологиудаараа дамжуулан хэрэглэгчдэд өргөн боломжийг бий болгохыг зорьдог тул аппликейшн хөгжүүлэгчидтэй нээлттэй хамтран ажиллаж, дэмжлэг үзүүлдэг. Тиймээс маш олон сонирхол татахуйц, өвөрмөц хэрэглээнүүд бий болсоор байна.

Samsung Gear S2 загвар нь бараан саарал эх бие болон оосортой, мөн мөнгөлөг эх бие болон цагаан оосортойгоор худалдаанд гарч байгаа бол Gear S2 classic загвар нь хар эх бие болон арьсан оосортойгоор худалдаанд гараад байна.

Дэлгэрэнгүй мэдээллийг дараах линкээс авах боломжтой. www.samsungmobilepress.com.

Samsung Gear S2 and Gear S2 classic үзүүлэлтүүд:  

Samsung Gear S2 3G загварын үзүүлэлтүүд:

* Батарейн үзүүлэлт нь сүлжээний онцлог, холболт, хэрэглээ зэргээс хамааран өөрчлөгдөх боломжтой.