Умард Солонгосын шумбагч онгоцноос харвасан баллистик пуужингийн туршилт амжилттай боллоо гэж тус улсын төрийн мэдлийн Солонгосын төв цахилгаан мэдээний агентлаг /KCNA/ өнөөдөр мэдээлжээ.
Шумбагч онгоцноос баллистик пуужин харвасан талаар анх удаа албан ёсны мэдээлэл хийсэн юм.
Туршилтыг яг хаана, хэзээ хийсэн талаар тус агентлаг мэдээлээгүй боловч эргээс зайтай газарт туршилтыг хийх тухай тушаалыг Умард Солонгосын удирдагч Ким Жөн Ун өгсөн бололтой.
Хиймэл дагуулаас авсан зургаас үндэслэн, Умард Солонгос шинэ төрлийн шумбагч онгоц бүтээж байгаа тухай АНУ-ын судалгааны баг анхааруулжээ.
Умард Солонгос шумбагч онгоцноос харвах баллистик пуужин зохион бүтээж байгаа тухай АНУ-ын армийн өндөр албан тушаалтай албан хаагч хоёрдугаар сард мэдэгдэж байсан.
Шумбагч онгоцноос харвасан пуужинг хянах нь хүндрэлтэй байдаг учраас Умард Солонгосын зүгээс өдөөж буй заналхийлэл улам бүр нэмэгдэх магадлалтай гэж шинжээчид үзэж байна. Гэвч энэ зэвсгийг байлдааны бэлэн байдалд оруулахад багагүй хугацаа шаардлагатай ажээ.