LifeNews-ийн сурвалжлагчид Борис Немцовыг алагдах үед хамт байсан Анна Дурицкаягийн ойр дотныхонтой уулзаж амжжээ.

Украины фотомоделийн Киев дахь найз нөхөд нь түүний талаар тодорхой ярьсан байна. Загвар өмсөгч бүсгүйн эцэг эх Киевт амьдардаг бөгөөд охиноо өөрөөсөө 30 гаруй насаар ах хүнтэй холбоотой болохыг мэдээд ихээхэн дургүйцэж, Немцовтой хамтран амьдрахыг нь болиулах гэж хичнээн удаа оролдоод ч дийлээгүй гэнэ.  Иймэрхүү саад тотгорыг үл харгалзан Анна ихэнх цагаа “хайрттайгаа” Москвад өнгөрүүлдэг байсан аж.

Анна Дурицкаягийн дотны найз бүсгүй Юлия өөрийн найз болон Борис Немцов тэр хоёрын дурлалын романы талаар тодорхой өгүүлсэн байна.

Тэд гурван жилийн өмнө анх танилцсан бөгөөд тэр дороо бие биедээ татагдан, хамт амьдрах болсон аж. Янз бүрийн нөхцөл байдлаас шалтгаалан тэд Москва, Киевт ээлжлэн амьдардаг байсан бөгөөд Украины нийслэлд Аннагийн байранд, харин Москвагийн төвд Немцовын эзэмшлийн байранд амьдардаг байжээ.

Дурицкаягийн найзын баталж буйгаар, залуу бүсгүй, хижээл улстөрч хоёр бие биедээ чин сэтгэлээс хайртай байсан ба бараг л салж хагацахгүй, байнга хилийн чанадад явж амарч зугаалдаг байсан гэнэ. Аяллын зардлыг мэдээж Немцов даадаг байсан аж.

Оросын улстөрчтэй танилцахаасаа өмнө модель бүсгүй дан “залуу хүмүүстэй” уулзаж учирдаг байсан бөгөөд харин түүнд хартай “эргүүлдэг” залуу байсан эсэх талаар найз Юлия нь тодорхой мэдэхгүй гэжээ.

55 настай Борис Немцов залуу амрагаа эрхлүүлэн байнга үнэтэй бэлэг сэлт өгдөг байсан талаар Юлия ярьсан байна. 23 настай Дурицкая Швейцарийн Цюрихийн нэгэн эмнэлэгт аборт хийлгэж байсан талаар LifeNews-д мөн дурджээ.

1

2

3

4

5

6

7