Мобиком корпораци мэдэгдэл хийлээ

Өнөөдөр үдээс өмнө мобикомын дугаараас иргэдэд улс төрийн агуулгатай мессежүүд ирсэн. Энэ асуудлаар Мобиком корпорацийн гүйцэтгэх захирал Дэвид Холлидэй болон тус корпорацийн дэд захирал М.Энхсайхан нар мэдээлэл хийлээ. Тэд мэдээллийнхээ түрүүнд  энэхүү болсон үйл явдалд маш их харамсаж буйгаа хэлээд тус компанийн хэрэглэгчдийн нэрийг ашиглан хууль бусаар иргэдэд мессеж илгээж буй гэмт этгээдүүдийг илрүүлэхийн тулд шуурхай ажиллаж байгаагаа дуулгасан юм.

Тэдний зүгээс энэхүү хэргийн талаар ҮАБЗ болоод бусад холбогдох бүх газруудад нь мэдэгдэн бусад үүрэн холбооны оператор компаниудтай хамтран ажиллаж байгаа аж. Хэрэглэгчдэд энэхүү мессеж ирж эхэлсэн  даруйд тус компанийн инженерүүд түргэн шуурхай ажиллаж уг мессежүүдийг Румын улс дахь Водафон , Мальт улсын үүрэн холбооны операторын сүлжээг ашиглан ирүүлсэн болохыг олж тогтоожээ. Ингээд энэхүү улстөрийн агуулгатай хууль бус мессежийг ирэхийг  зогсоосон байна. Энэ хэрэг явдал нь манай улсын бусад үүрэн  холбооны операторуудад нөлөөлсөн бөгөөд тэд ижил төрлийн арга хэмжээ аван ажиллаж байгаа аж. Одоогийн байдлаар 20 орчим хүний нэрийг ашиглан иргэд рүү мессеж илгээснийг илрүүлсэн бөгөөд яг хэдэн хүнд уг мессеж очсон болохыг олж тогтоохоор ажиллаж байгаа юм байна. Тус компанийн зүгээс хэрэг явдалтай холбогдуулан:

1. Юуны өмнө уг үйл явдал нь манай компани дээр хадгалагдаж буй хэрэглэгчдийн хувийн мэдээлэлд халдсан, задруулсан. ил болгосон асуудал огт биш юм.

2.Мобиком Корпораци нь Олон улсын Мэдээллийн аюулгүй байдлын удирдлагын тогтолцооны ISO 27001 болон Чанарын удирдлагын тогтолцооны ISO 9001 стандартуудаар баталгаажсан бөгөөд энэ жил Герман Улсын ISO байгууллагын шалгалтаар дахин баталгаажсан билээ.

3.Манай компанийн сүлжээ нь хамгийн найдвартай харилцаа холбоо болон мэдээллийн технологийн төхөөрөмжөөр тоноглогдсон тул хэрэглэгчийн хувийн мэдээллийг аюулгүй байдлыг бүрэн хангасан болно.

4.Манай компанийн сүлжээний мэргэжилтнүүд энэхүү мессеж нь Румын Улсын Водафон \үрэн операторын сүлжээнээс ирсэн болохыг тогтоосон бөгөөд одоогийн байдлаар Румын Улсаас ирж буй бүхий л хөдөлгөөнийг хязгаарласан болохыг дуулгахад таатай байна.

5.Юнител компанийн зүгээс тэдний хэрэглэгчдэд мөн ижил төрлийн мессежийг Мальта Улсаас илгээсэн болохыг бидэнд мэдэгдсэн бөгөөд бид Мальта Улсаас ирэх бүх хөдөлгөөнийг зогсоогоод байна.

6.Бид Румын Улсын Водафон болон Мальта Улсын үүрэн холбооны операторын үйл ажиллагааг судалж байгаа бөгөөд уг мэдээллийг МонгОл Улсын холбогдох хууль хяналтын байгууллагад мэдэгдсэн болно.

7.Уг үйл явдлын учир шалтгааныг бид дараах зүйлсээс үүдэлтэй болов уу хэмэн үзэж байна. Үүнд:
     1.Румын улс болон Мальта Улс лахь хэн нэгэн хэрэглэгч зарим гар утас үйлдвэрлэгчдийн сул талыг ашиглан. ямар нэгэн компьютерийн програмаар дамжуулан. мессеж бичиж буй жинхэнэ дугаарыг нууцлан, өөр дугаараас илгээж байгаа мэтээр харагдуулж байгаа.
     2.Дугаараа нууцлан мессеж илгээх боломжийг олгодог маш олон үйлчилгээ байдаг бөгөөд хэн нэгэн этгээд Монгол Улсад ямар нэгэн асуудал үүсгэх зорилгоор уг үйлчилгээг ашиглаж байна.

8.Энэхүү хууль бус үйлдлийг хийсэн этгээд Манай Улсын Хууль тогтоох дээд байгууллагад т иллаж албан тушаалтнуудыг олон нийтэд ил байдаг утасны дугаарыг сонгон, тэдгээр албан тушаалтнууд өөрийн утаснаасаа мессеж илгээж буй мэтээр харуулахыг зорьсон байна.

9.Мобиком Корпораци ийм төрлийн мессежийг Монгол Улсын нутаг дэвсгэрт үүсгэн, илгээх боломжийг хаасан бөгөөд одоогийн байдлаар Румын Улсаас ирэх бүх хөдөлгөөнийг зогсоосон. Мөн бид яг одоо Румын Улсын Водафон операторын чухам ямар дугаараас уг мессежийг илгээсэн болон Монгол Улсын үүрэн операторын сим карт, эсвэл ямар нэгэн өөр электрон төхөөрөмж ашигласан эсэх зэргийг тогтоохоор ажиллаж байна.

10.Мобиком Корпораци нь Үндэсний аюулгүй байдлын зөвлөл болон бусад холбогдох хууль хяналтын байгууллагуудтай бүхий л талаараа хамтран ажиллахад бэлэн байгаа бөгөөд хууль ёсны дагуу олгогдсон өөрийн эрх үүргийн хүрээнд олон улсын сүлжээгээр дамжуулан шалгах ажлыг хийж. буруутай этгээдийг тогтооход дэмжлэг үзүүлэн ажиллах болно.

11.Румын Улсаас ирж буй хөдөлгөөнийг хязгаарлах арга хэмжээг авахуулах зорилгоор бид манай улсын бусад үүрэн холбооны операторуудад энэхүү мэдээллийг илгээсэн. Мобиком компани нь бусад өрсөлдөгч компаниудтайгаа хамтран манай улсын нийт хэрэглэгчдэд ийм төрлийн асуудал үүсэхгүй байх чиглэлээр хамтран ажиллах бэлэн байгаагаа мэдэгдлээ.