Хөлбөмбөг нь манай гарагийн хамгийн нэр хүндтэй спорт билээ. Ширэн бөмбөгийг тойрсон бүх зүйл алдартай болдог нь дуучин Шакирагийн 100 сая Like авснаар харагдаж байна. “Бразил 2014”-ын сүлд дууг дуулсан нь ийм их Like цулгуулсан аж. Колумбын алдарт дуучин маань өмнө нь “ӨАБНУ 2010”-ын сүлд дууг дуулж байсан. “Барселона” багийн хамгаалагч Ж.Пикегийн эхнэр тэрээр хөлбөмбөгийн ертөнц эмэгтэйчүүдийг төлөөлж олон зүйлээрээ алдартай болсонд сая сая шүтээн бишрэгчид нь баяр хүргэсээр байгаа аж. Мөн түүнийг 100 сая Like авсанд “Facebook”-ыг үндэслэгч М.Зукерберг баяр хүргэсэн байна.
Хоёр долоо хоногийн өмнө Бразилд зохиогдсон Хөлбөмбөгийн ДАШТ-ий хаалтын ёслолын ажиллагаан дээр дуучин Шакира өөрийн сүүлийн нэгэн хит дууг дуулсан билээ. Гэхдээ Колумбийн поп дуучны тоглолт өмнөх шигээ эрч хүчтэй байгаагүй юм. Дээр нь тэрбээр алдартай бүсэлхийний бүжгээ хийхдээ хөдөлгөөнөө арай хялбарчилсан болохыг шүтэн бишрэгчид нь анзаарсан аж. Яг тэр үед л 37 настай дуучин бүсгүй жирэмсэн болж гэсэн яриа гарсан.
Тэгвэл хэрэгт дуртай хүмүүсийн сэжиг таамгийг латин америк бүсгүйн ойрын найз, Колумбийн хөгжимчин Карлос Вивес нотлосон байна. Саяхан Флоридад болсон хөгжмийн шагнал гардуулах ёслолын үеэр Карлос үүнийг батлан ярьжээ. Тэрбээр Шакира болон түүний эр нөхөр Жерар Пике нар хоёр дахь хүүхдээ хүлээж байгаа гэж өгүүлжээ.