Бичлэгийн тоо 85
Н.Очирхуяг: Мөнгөн хөрөнгөө ямар хэмжээгээр өсч буйг шууд харах боломжийг хадгаламжийн сертификат олгоно
Банкны мэдээлэл Уншсан 16316 vote 0 2011.08.12 16:20:28Н.Очирхуяг: Мөнгөн хөрөнгөө ямар хэмжээгээр өсч буйг шууд харах боломжийг хадгаламжийн сертификат олгоно
Хадгаламжийн сертификат... Бидний өдөр тутмын амьдралд төдийлөн хэрэглэгдээд байдаггүй банкны бүтээгдэхүүн үйлчилгээнүүдийн нэг болох Хадгаламжийн сертификатын талаар мэдээлэл авахаар Голомт банкны Маркетингийн Хэлтсийн захирал Н.Очирхуягтай ярилцлаа.
Ухаалаг хөрөнгө оруулалтын талаар яриагаа эхэлмээр байна? Учир нь танай банкны зах зээлд шинээр нэвтрүүлсэн хадгаламжийн сертификатын сурталчилгаанд энэ үгийг онцолж байгаа?
Бизнес эрхлэгч болон иргэдийн хувьд өөрт байгаа мөнгөн хөрөнгөө найдвартайгаар өсгөх шийдлүүдийн нэг болж байгаагаараа Хадгаламжийн сертификат нь ухаалаг хөрөнгө оруулалт юм. Голомт банк 10 гаруй жилийн өмнө энэ бүтээгдэхүүнийг Монголын зах зээлд анхлан нэвтрүүлж байсан. Одоо энэ бүтээгдэхүүнээ хөгжүүлж олон төрлөөр, илүү уян хатан нөхцөлтэй болгож байна. Өөрөөр хэлбэл Хадгаламжийн сертификат таны мөнгөн хөрөнгийг тодорхой хугацаанд өндөр хүүтэйгээр, хамгийн гол нь эрсдэлгүйгээр хадгалж байгааг баталгаажуулсан үнэт цаас бөгөөд энэ утгаараа харилцагчдын эрэлт хэрэгцээнд тохирсон цаг үеэ олсон бүтээгдэхүүн болсон.
Хадгаламж нээлгэж мөнгөө хадгалуулснаас сертификат худалдаж авах нь илүү ашигтай гэж ойлгож болох уу?
Шууд ингэж ойлгож болохгүй. Эдгээр бүтээгдэхүүнүүд нь таны мөнгөн хөрөнгийг өсгөж байгаа гэдэг утгаараа хоёулаа ашигтай. Хүн бүрийн хувьд өөрт байгаа мөнгөн хөрөнгөө өсгөх сонголтуудыг хийж байдаг. Хадгаламжийн сертификатын хувьд хүү өндөртэй хэдий ч үнэт цаас гэдэг утгаараа нэрлэсэн үнээс сонголт хийн худалдан авах бөгөөд хадгаламжтай адилхан нэмэлт орлого хийх боломжгүй бүтээгдэхүүн юм. Харин танд нэрлэсэн дүнгээр нэмж үнэт цаас худалдан авах боломж бол нээлттэй. Энэ утгаараа шийдвэр гаргалтыг бизнес эрхлэгчид болон иргэдэд илүү сонголттойгоор олгож байгаад ашигт чанар нь оршиж байгаа юм. Нэрлэсэн дүнгийн хувьд төгрөгийнх 10 сая, ам.долларынх 10 мянгаас эхэлж байгаа.
Хадгаламжийн сертификат банкны бусад бүтээгдэхүүн үйлчилгээнээс ямар ялгаа, давуу талтай вэ?
Дээр хэлсэнчлэн өндөр хүүтэйгээс гадна худалдаж авсан үнэт цаасаа хүү болон гэрээний дуусах хугацааг өөрчлөхгүйгээр бусдад худалдах, бэлэглэх, өвлүүлэх боломжтой хөрвөх чадвар өндөртэй бүтээгдэхүүн юм. Тухайлбал та жилийн хугацаатай 10 сая төгрөгийн нэрлэсэн үнэ бүхий энгийн хадгаламжийн сертификатыг худалдаж аваад 8 сарын дараа хэн нэгэнд худалдлаа гэж үзвэл нэрлэсэн үнэн дээрээ 8 сарын хүүг нэмээд худалдан борлуулж болох юм. Ингэснээр та 8 сарын турш мөнгөн хөрөнгөө харьцангуй өндөр хүүтэйгээр хадгалуулсан гэсэн үг.
Тэгвэл худалдаж авах хүний хувьд ямар ашигтай юм бэ?
Худалдаж авсан хүнд ямар ашигтай вэ гэхээр гэрээний үлдсэн 4 сарын хугацаанд гэрээнд заагдсан өндөр хүүгээр мөнгөн хөрөнгөө хадгалуулах боломж бүрдэж байна гэсэн үг. Үүнээс гадна бид хадгаламжийн сертификатаа барьцаалан өөр хаана ч байхгүй бага хүүтэйгээр зээл авах боломжийг харилцагчиддаа бүрдүүлж өгч байгаа.
Та сая энгийн хадгаламжийн сертификатын талаар жишээ авч ярилаа. Тэгэхээр хадгаламжийн сертификат нь олон төрөл, сонголттой байна гэсэн үг үү?
Тийм ээ. Голомт банкны зүгээс харилцагчиддаа зориулж энгийн, купоноор олгох, хямдруулсан үнэтэй гэсэн үндсэн 3 төрлийн хадгаламжийн сертификатыг зах зээлд гаргаж байна. Купоноор олгох мөнгөн хадгаламжийн сертификатын хувьд та сар бүр хуримтлагдсан хүүгээ аваад явах боломжтой, харин Хямдруулсан үнэтэй хадгаламжийн сертификатын хувьд хямдруулсан үнээр үнэт цаасыг худалдан аваад хугацааны эцэст өссөн дүнгээр буцаан банкинд зарах боломжтой буюу таны мөнгөн хөрөнгө ямар хэмжээгээр өсч буйг шууд харах боломжтойгоороо онцлог юм.
Сертикат эзэмшигч болоход ямар шалгуур тавигдаж байгаа юу?
18 нас хүрсэн, эрх зүйн хариуцлага хүлээх чадвар, чадамжтай, Монгол Улсын болон гадаадын иргэн байна. 18 нас хүрээгүй иргэний хувьд өөрийн хууль ёсны асран хамгаалагчаар дамжуулан хадгаламжийн сертефикатыг нээлгэж болно. Энэхүү бүтээгдэхүүнийг сонирхож буй хүмүүст манай бүх салбар нэгжийн үүд хаалга нээлттэй бөгөөд дансанд байршуулах мөнгөн хөрөнгө болон иргэний үнэмлэх, 1 хувь цээж зурагтайгаа ирэхэд хангалттай.
Б.Солонго
Хадгаламжийн сертификат... Бидний өдөр тутмын амьдралд төдийлөн хэрэглэгдээд байдаггүй банкны бүтээгдэхүүн үйлчилгээнүүдийн нэг болох Хадгаламжийн сертификатын талаар мэдээлэл авахаар Голомт банкны Маркетингийн Хэлтсийн захирал Н.Очирхуягтай ярилцлаа.
Ухаалаг хөрөнгө оруулалтын талаар яриагаа эхэлмээр байна? Учир нь танай банкны зах зээлд шинээр нэвтрүүлсэн хадгаламжийн сертификатын сурталчилгаанд энэ үгийг онцолж байгаа?
Бизнес эрхлэгч болон иргэдийн хувьд өөрт байгаа мөнгөн хөрөнгөө найдвартайгаар өсгөх шийдлүүдийн нэг болж байгаагаараа Хадгаламжийн сертификат нь ухаалаг хөрөнгө оруулалт юм. Голомт банк 10 гаруй жилийн өмнө энэ бүтээгдэхүүнийг Монголын зах зээлд анхлан нэвтрүүлж байсан. Одоо энэ бүтээгдэхүүнээ хөгжүүлж олон төрлөөр, илүү уян хатан нөхцөлтэй болгож байна. Өөрөөр хэлбэл Хадгаламжийн сертификат таны мөнгөн хөрөнгийг тодорхой хугацаанд өндөр хүүтэйгээр, хамгийн гол нь эрсдэлгүйгээр хадгалж байгааг баталгаажуулсан үнэт цаас бөгөөд энэ утгаараа харилцагчдын эрэлт хэрэгцээнд тохирсон цаг үеэ олсон бүтээгдэхүүн болсон.
Хадгаламж нээлгэж мөнгөө хадгалуулснаас сертификат худалдаж авах нь илүү ашигтай гэж ойлгож болох уу?
Шууд ингэж ойлгож болохгүй. Эдгээр бүтээгдэхүүнүүд нь таны мөнгөн хөрөнгийг өсгөж байгаа гэдэг утгаараа хоёулаа ашигтай. Хүн бүрийн хувьд өөрт байгаа мөнгөн хөрөнгөө өсгөх сонголтуудыг хийж байдаг. Хадгаламжийн сертификатын хувьд хүү өндөртэй хэдий ч үнэт цаас гэдэг утгаараа нэрлэсэн үнээс сонголт хийн худалдан авах бөгөөд хадгаламжтай адилхан нэмэлт орлого хийх боломжгүй бүтээгдэхүүн юм. Харин танд нэрлэсэн дүнгээр нэмж үнэт цаас худалдан авах боломж бол нээлттэй. Энэ утгаараа шийдвэр гаргалтыг бизнес эрхлэгчид болон иргэдэд илүү сонголттойгоор олгож байгаад ашигт чанар нь оршиж байгаа юм. Нэрлэсэн дүнгийн хувьд төгрөгийнх 10 сая, ам.долларынх 10 мянгаас эхэлж байгаа.
Хадгаламжийн сертификат банкны бусад бүтээгдэхүүн үйлчилгээнээс ямар ялгаа, давуу талтай вэ?
Дээр хэлсэнчлэн өндөр хүүтэйгээс гадна худалдаж авсан үнэт цаасаа хүү болон гэрээний дуусах хугацааг өөрчлөхгүйгээр бусдад худалдах, бэлэглэх, өвлүүлэх боломжтой хөрвөх чадвар өндөртэй бүтээгдэхүүн юм. Тухайлбал та жилийн хугацаатай 10 сая төгрөгийн нэрлэсэн үнэ бүхий энгийн хадгаламжийн сертификатыг худалдаж аваад 8 сарын дараа хэн нэгэнд худалдлаа гэж үзвэл нэрлэсэн үнэн дээрээ 8 сарын хүүг нэмээд худалдан борлуулж болох юм. Ингэснээр та 8 сарын турш мөнгөн хөрөнгөө харьцангуй өндөр хүүтэйгээр хадгалуулсан гэсэн үг.
Тэгвэл худалдаж авах хүний хувьд ямар ашигтай юм бэ?
Худалдаж авсан хүнд ямар ашигтай вэ гэхээр гэрээний үлдсэн 4 сарын хугацаанд гэрээнд заагдсан өндөр хүүгээр мөнгөн хөрөнгөө хадгалуулах боломж бүрдэж байна гэсэн үг. Үүнээс гадна бид хадгаламжийн сертификатаа барьцаалан өөр хаана ч байхгүй бага хүүтэйгээр зээл авах боломжийг харилцагчиддаа бүрдүүлж өгч байгаа.
Та сая энгийн хадгаламжийн сертификатын талаар жишээ авч ярилаа. Тэгэхээр хадгаламжийн сертификат нь олон төрөл, сонголттой байна гэсэн үг үү?
Тийм ээ. Голомт банкны зүгээс харилцагчиддаа зориулж энгийн, купоноор олгох, хямдруулсан үнэтэй гэсэн үндсэн 3 төрлийн хадгаламжийн сертификатыг зах зээлд гаргаж байна. Купоноор олгох мөнгөн хадгаламжийн сертификатын хувьд та сар бүр хуримтлагдсан хүүгээ аваад явах боломжтой, харин Хямдруулсан үнэтэй хадгаламжийн сертификатын хувьд хямдруулсан үнээр үнэт цаасыг худалдан аваад хугацааны эцэст өссөн дүнгээр буцаан банкинд зарах боломжтой буюу таны мөнгөн хөрөнгө ямар хэмжээгээр өсч буйг шууд харах боломжтойгоороо онцлог юм.
Сертикат эзэмшигч болоход ямар шалгуур тавигдаж байгаа юу?
18 нас хүрсэн, эрх зүйн хариуцлага хүлээх чадвар, чадамжтай, Монгол Улсын болон гадаадын иргэн байна. 18 нас хүрээгүй иргэний хувьд өөрийн хууль ёсны асран хамгаалагчаар дамжуулан хадгаламжийн сертефикатыг нээлгэж болно. Энэхүү бүтээгдэхүүнийг сонирхож буй хүмүүст манай бүх салбар нэгжийн үүд хаалга нээлттэй бөгөөд дансанд байршуулах мөнгөн хөрөнгө болон иргэний үнэмлэх, 1 хувь цээж зурагтайгаа ирэхэд хангалттай.
Б.Солонго
- Холбоотой бичлэг :
- http://www.mglclub.com/4974421/693/trackback
