Энэ захидлыг би тэр нэгэн хөвгүүнд зориулж бичиж байлаа. Даанч эзэндээ очоогүй.

Хайрламаар бас харамсмаар гэнэн тэнэгхэн насны минь энхрийхэн дурсамж бүхэн минь энэ захианд бий.

Цонхоор тусах гэрэл бүүдгэр агаад гунигтай яг л миний сэтгэл шиг галзуурах нь...

Хэнээс ч илүү чамайг хүсэж хэнээс ч илүү чамайг хайрлаж байсан болохоор би галзуурах нь. Хайртай гэдэг үгийг чамд нэг шивнэж үзэхсэн.Хархан нүд дулаахан харцанд чинь тогтож нэг өртөхсөн. Даанч бүтэшгүй чи хүнийх ...

Зүрх сэтгэл минь бусдаар амьсгалж зөрөг зам амьдралын жамаар чи надад тохиосонгүй Гомдохгүй ээ.

Минийх болоогүй чамд би хэзээ ч гомдохгүй

Надад захирагдаагүй сэтгэлдээ би гомдохгүй.

Нулимс минь зүрхэндээ урссаар л...

Чамайг бодож чамайг хүсэж чамайг хулээсээр л

Би хайртай гэхдээ харамсахгүй ээ.

Зүрхэндээ уйлсан нулимсандаа харамсахгүй

Зүүдэндээ жаргасан сэтгэлдээ харамсахгүй

Нэхэж авахгүй хорвоо ертөнцийн жамаас чамайг би аваад жаргасан бас зовсондоо мөнхлөөд л буцахаас.Чамд хайртай байсныг минь чи хэзээ ч мэдэхгуй. Мэдээд ч ях вэ минийх болохгуй Хатуу дэндүү хатуу гашуун дэндуу гашуун хайр дурлал чи минийх.Харахад энгийн дөлгөөн хажуугаар чинь зөрөхөд ихэмсэг бардам. Чи даанч хүнийх.

Минийх болоогүй тавиланг би сөхөж уйлахгүй ээ. Мөнхөд биш амьдралаасаа уйдахгүй би буцна  Хавар хаврын цэцэгс шиг хайр минь харин мартагдахгүй Хар бэх цагаан цаас хоёроор хүмүүний сэтгэлд мөнхөрнө.Урьд нь чиний нүд намайг хайраар бялхаж хардаг байсан одоо чиний нүд хайж намайг харахаа больсон.Чамайг би мэднэ ээ.Сайн мэднэ. чи жинхэнэ эр хүн хэлсэндээ хүрдэг хийе гэснээ хийдэг нэгэн гэвч чи хүнийх. минийх биш...

Хавар намрын шувууд буцах шиг надад дэндүү гунигтай. Гэхдээ хориод дийлдэггүй сэтгэл зүрх минь чамд хайртай. Харамсахгүй бас гомдохгүй Олон жил өнгөрчээ. Одоо явах цаг нь болж. Чамайг орхиод л явахаас .сүүлчийн үг сүүлчийн харц сүүлчийн амьсгал сүүлчийн зүрхний цохилт минь хүртэл чиний л төлөө л цохилж энэ хорвоогийн тоосыг хөдөлгөж явсан юм..одоо ишин дээрээ дөнгөж тоггтсон сарнай үхэж энэ л сэтгэл минь чамайг мөнхөд хайрлах болно.Хайрласаар ..

Салхины аясаар нулимсаа нууцхан арччихаад хажуугаас чинь би бослоо Баяртай.Гэнэхэн тэнэгхэн насны ариун хайр дурлал минь.гэрэлт орчлонд хүн болж төрсөний утга учир минь гольдрол тавиланд үл баригдаагүй дэнгийн бяцхан эрвээхэй минь баяртай.Сэтгэл минь урагдаж зүрх минь уйлж сэвгүй ариун хайр чамаасаа би холдлоо.Тэврэн зогссон охин чинь чамд хөөрхөн байх.Тэвчээр итгэл гуниг хайрыг минь тэр орлож чадах юм болов уу?