Өчигдөр санаандгүй тааралдахад яагаад ч юмбэ итгэж амжаагүй. Гэнэтхэн учирахад юу ч хэлж амжаагүй гэх гэсэн юм.... Харалгүй өнгөрч болох байсан ч яагаад ч юм бэ бид бие биенээ олж харсан... Олж харчихаад бас Сайн уу гэж л хэлсэн, гар барих юм шиг хэсэг хоёулаа зог туссан....
Анх удаа уулзахдаа бас тэгж зог туссанаа тодоос тод санаж байна... Тэгэхэд бол үнсүүлж уулзана гэж хүлээж байсын гэхдээ гар бариад дараа нь бие биерүүгээ инээмсэглэснээ миний барьж байсан зүйлийг аваад цааш хамт алхсанаа.... Алхаж байхдаа яагаад ч юмбэ инээмсэглэл нүүрэнд минь тодорч бас жаахан ичсэндээ хацар минь халуу оргиж байснаа санаж байна....
Хоёр дах удаагаа санаандгүй уулзахдаа анхныхаасаа илүү сандарч явж байсан зүгээ бараг мартчихсан тэрхэн хоромд...
Би нь чамайгаа санаад үгүйлээд байна гэж бичдэг байсан захиа тэр л дотно сэтгэгдэл үлдээгээд биднийг энэ л манан дунд орхичихлоо. Тэр л дотно үгийг чинь үгүйлж санаж байгаа ч бид анх уулзахдаа юунаас ч айхгүйгээр анх төрсөн сэтгэгдлээрээ уулзсан болохоор өчигдөр санаандгүй тааралдсандаа битүүхэндээ баяртай байсан...
Яагаад юу ч хэлэхгүй бас захиа ч бичихгүй байгаа юмбэ гэж асууж байсан, үнэнийг хэлэхэд хэлэх үг зөндөө байна, сэтгэл зүрхээр дүүрэн байна гэхдээ яг хаанаас нь эхэлж хэлэхээ мэдэхгүй дэмий дотроо өөрөөсөө асуун сууна....
Юу ч болоогүй юм шиг бас яваад өгч бас чадахгүй нь дэндүү богинохон хугацаанд ийм дотно санагдсан болохоор тэгээд бид бие биедээ хэлэх үггүй болчихсон юм болов уу гэж бодогдоод... Миний бодол буруу ч байж магадгүй гэхдээ энэ бол миний л энэ хугацаанд бодсон бодол...
Гэхдээ сайхан үг харамгүй хэлж сэтгэл зүрхийг минь богинохон ч гэсэн тэр л өдрүүдэд гэрэл гэгээ баяраар дүүргэж байсанд баярлалаа....
Бие биенээ хараагүй байж тэгж сайхнаар бас гэгээлгээр төсөөлж байсан тэр л өдрүүд юугаар ч солишгүй үнэтэй мэдрэмж....
Ямартай ч буурал хорвоогийн жамаар болзоотой юм шиг бид хоёр учирсан
Буцааж болохгүй дурсамжийг бид эргээд өөрчлөхгүй гэхдээ
Би чиний хувьд хэн гэдгээ мэдэхгүй ч мэдэхийг ч бас хүсэхгүй
Чи миний хувьд хэн гэдгээ мэдэхгүй ч хэн гэдгээ бас анзаарахгүй
Цаг хугацаа улиран өнгөрч цагаахан сэтгэлээр уулзсан тэр үеийг бид хожим дурсах байхаа
Аз жаргал, ариун хайр ямар байдгийг төсөөлж тэмүүлж байсан шигээ
Анх уулзсан тэр л мөчийг мартахгүй
Уулзаад шууд үнсүүлэх юм шиг итгэсэн гэнэхэн мөрөөдөл
Одоо бодоход сайхан дурсамж юмаа
Ахиж тэгж андуурахгүй гэсэндээ зүрх сэтгэлээ далд гэгч нь нуугаад
Алдуурч гэгэлзсэн сэтгэлээ анхны уузалттайгаа хамт үдээд
Аз жаргал сайн сайхан бүхнийг Андууралгүй чамд би хүсье......