Бичлэгийн тоо 497
Эрт цагт Манжийн хаана эгэл олноос алт, мөнгө, адуу мал аваад ч ханахгүй уул ус, газар нутгаас түрээс авахаар шийджээ. Тэгээд Хөвсгөл чинь далай биш нуур тул түрээс авна хэмээн зарлиг буулгасан аж. Нутгийн зон олон :
-Хаантан минь болгоож хайрла. Монгол хүн хэзээнээс далай хэмээн нэрлэсээр ирсэн юм гэхэд хаан ихэд уурсаж, "Юуны чинь далай гэж, үнэхээр далай юм бол зуун гол цутгасан байх ёстой. Хэрвээ цутгаагүй бол Хөвсгөл нуур минийх болно" гэжээ. Тэгээд элч явуулж бүх голыг тоолуулсанд зуу хүрч түрээсээн чөлөөлөгдсөн гэдэг. Тэр цагаас хойш хотол даяар Хөвсгөл далай хэмээн өргөмжлөн дээдлэх болжээ.