ГЭДСЭЭ ЦЭВЭРЛЭ
Хүний гэдэс хоол хоол боловсруулах системийн гол эрхтэн. Түүний хананд элдэв хэрэггүй бодис, хоол ундны боловсорч гүйцээгүй хүнсний зүйл хөө тортог мэт хуримтлагдах явдал бий. Түүнээс болж нүүр царай батгаших, харлах, улмаар хоол боловсруулах эрхтний элдэв өвчинд өртдөг. Тиймээс эдгээрийг бие организмаас зайлуулахын тулд 0,5 кг шинэхэн лууван, 0,5 кг манжин авч хэрчээд буцалсан усанд нь ногоог дөнгөж далдалж байхаар хийгээд /ус нь ногооноос 2 хуруунаас илүүгүй байх ёстой/ манжингаа зөөлөртөл буцалгана. Дээр нь чимх үзэм нэмнэ. Бэлэн болсны дараа хоолны нэг халбага зөгийн бал нэмээд 12 цагийн турш сэрүүн газар хадгална. Дараа нь шүүж 1 сарын турш өдөрт 3 удаа аяганы дундуур хэмжээгээр ууж хэрэглэнэ.
ӨТГӨНӨӨ УДААН ХАДГАЛАХГҮЙН ТУЛД ХОЁРДУГААР ГУРИЛ ИД
Хар тарианы гурил нь цардуул бага, хивэг ихтэй байдаг. Хивэг ходоодонд боловсрохгүй нарийн гэдсэнд очоод задралд орохдоо дулаан ялгаруулдаг. Тэр дулаан нь гэдэсний нянгийн үржлийг саатуулдаг. Мөн бие махбодид дотоод энергийг хуримтлуулж улмаар дархлаа идэвхждэг. Мөн бүдүүн гэдэсний гүрвэлзэх хөдөлгөөнийг ихэсгэж, өтгөнийг гаргадаг. Ер нь бүдүүн гэдсэнд өтгөн удаан хадгалагдах нь биед хорт бодис үүсгэх сөрөг нөлөөтэй. Үүнээс толгой дүйрэх, нойр хүрэх, нүүр улайх өөрчлөлтүүд үүсдэг. Иймээс хар талх өтгөнийг хөөх, энерги хуримтлуулах, бүдүүн гэдсэнд дулаан үүсгэж, нянгийн үржлийг зогсоох зэрэг эмчилгээний ач холбогдолтой. Тиймээс хоёрдугаар гурил хүнсэндээ голлон хэрэглэхийг танд зөвлөж байна.
Гэдэсний гүрвэлзэх хөдөлгөөнийг сайжруулах иллэг хий
1. Хэвлийн баруун доод талаас нь эхлэн нар зөв тойруулан иллэг хийнэ. Баруун гар зүүн гарын араас явна. Зүүн гарын иллэг өнгөц хөнгөн, баруун гарынх ялимгүй гүн хүндхэн явагдана.
2.Хэвлийд ромбо маягаар шугам гаргана. Эхлээд баруун доод, дараа нь баруун дээд, зүүн дээд, зүүн доод шугамын дагуу хоёр гараа давхарлан гүнзгий иллэг хийнэ.
3.Аюулхайн доор байрлах хөндлөн гэдсийг нар буруу чиглэлд хагас тойрог маягаар хурууны өндөгөөр огцом илнэ. Гэдсийг эсрэг тал руу нь шулуун шугам маягаар илнэ.
4.Хоёр гараа давхарлан алгаараа нэлээд хүчтэй хүйсний хоёр талаас шахах гүнзгий тэмтрэлт хийнэ.
ГЭДСЭЭ ЭМЧЛЭХҮЙ
Гэдэсний үйл ажиллагаа суларсан хүмүүст зориулсан зууш
а. 400 гр бөөрөнхий байцааг жижиглэн давслаад, гарын хуруунуудаар базлан жижиглээд ургамлын тос, 1ш өргөст хэмх, 1ш амтат чинжүү, 1 ш улаан лооль, 1 багц майлз /хэрвээ даршилсан эрдэнэ шиш байвал бүр сайн/ нэмнэ. Үүний дараа хольцоо сайтар хутган жигд болгоно.
б. Хоолны 2 халбага хошуу будаа авч зөгийн бал, 3-4 халбага үзэм болон 2ш хушга хийнэ. Ингэж бэлтгэсэн зууш таны гэдэсний үйл ажиллагааг сэргээж идэвхжүүлээд зогсохгүй арьс, хумс болон үсний өнгө зүсийг гайхалтай сайн болгодог.
в. Хоол шингээлтэд онцгой сайн нөлөө үзүүлж чадах зууш бол лууван өргөст хэмх, улаан лооль, яншуй болон гоньд тэргүүтнийг ижил хэмжээтэй авч жижиглэн сайн чанарын ургамлын тосонд хутгана. Ингээд давс тун бага хийвэл зохино.