ГАДААД ХҮН ГЭХЭЭР Л БӨӨН ДОЛЛАР ХАРАГДДАГ ЮМ БАЙХ ДАА... ЯАНА ДАА ХҮНИЙ ҮРҮҮД......ХАР ӨВӨӨГӨӨС БОЛЖ ....

Нуган үр нутгаа эзэмшиж охин үр өнгө шилэгддэг гэж эртний их хаад өгүүлсэн нь бий. Ардын дуунд ч “Бусдын газар очноо гэдэг нь бүсгүй хүний заяа юмаа хөө” хэмээн дуулсан байдаг юм.

Сүүлийн үед халх нутгийн хацар гоо охид харийн улс гүрэнд хадмын хаяа түших нь олноор сонсогдох болжээ. Гадаадын иргэнтэй гэр бүл болсон манай улсын иргэдийн тоо сүүлийн арван жилийн дотор хорин нэг дахин нэмэгдэж 200 гаруй охид гадаадын иргэнтэй гэр бүл болжээ. Тэдний ихэнх нь Солонгос улсын иргэнтэй гэр бүл болсон байна гэсэн судалгаа гарсан байна. 18-25 насны цэцэг цэврүү шиг балчир охид 35-60 насны хэдэн үе мултарч, үрчлээ суусан хөгшидтэй гэрлэж, хөлийг нь угааж байгаа гутамшигтай дүр зургийг төсөөлөхөд бэрх.

“Гадаадын иргэнтэй гэр бүл болоход зуучилна” насны хэмжээ, өнгө зүс, өндөр нам заасан ийм төрлийн зарыг уншаагүй, сонсоогүй хүн монголд байхгүй гэвэл хилсдэхгүй. Гэр бүл зуучлалын нэгэн компаниар зуучлуулан Солонгос иргэнтэй суусан охин ээжтэйгээ утсаар ярих бүртээ “-Ээжээ намайг аваач ээ, энд үнэхээр хэцүү байна. Намайг монголоос арван хоёр мянган доллараар худалдаж авсан, явуулахгүй гээд байна гэдэг байж. Харин ээж нь зуучлах төвд хандахад “-Танай охин өөрөө буруутай ааш муутайдаа тэгж байна. Тэгээд ч өөрөө дуртайдаа яваа биз дээ, бидэнд хамаагүй гээд огт халгаадаггүй байж. Охин тэндээс арай гэж оргон эх орондоо ирсэн баримт хүний эрхийг хамгаалах үндэсний комисст тэмдэглэгдсэн байна. Энэ жишээнээс үзэхэд хэдэн халтар төгрөгний төлөө үр хүүхдээ харийн иргэнд өгөөд явуулж байгаа эцэг эхчүүд даанч дээ. Өвөг дээдэс маань охид бүсгүйчүүдийг харийн хүнтэй гэр бүл болохыг цээрлэдэг байсан юм. Монгол хүний цус, эр зориг, уужуу тайван сэтгэл монгол хүндээ л үлдээх нандин хүсэл өвгөдийн минь сэтгэлд нэвт шингээстэй байжээ. Тиймдээ ч эмс садарлавал улс мөхнө гэсэн үг гарсан байх.

Орой бүр телевизээр Солонгосын савангийн дуурь гинжин хэлхээ мэт тасралтгүй гарч монгол охидын тархийг угааж, гадаадын иргэнтэй суун хилийн дээс алхаж л байвал диваажиңд хүрэх мэтээр төсөөлж, хууртагдаж яваа тэдний ахархан бодлыг орчин үеийн боолчлолын сүүдэр дагаж байгааг ойлгоосой.
Эх орны торгон хил, эмс охидын бүсний даруулгатай хамт хиллэдэг гэдэгсэн.