Та өөрийнхөө нүүрний хэлбэрийг мэдэх үү? Хүний нүүрний хэлбэрийг ерөнхийд нь 4 ангилдаг. Зүрхэн, дөрвөлжин, дугуй, зууван. Хэрэв та өөрийн нүүрний хэлбэрээ мэдэхгүй, эсвэл ямар хэлбэртэй юм болоо гэж эргэлзэж байгаа бол хэв шинжүүдийг нь харьцуулан өөрийн нүүрний хэлбэрээ тодорхойлоорой. Түүнчлэн нүүрний хэлбэр бүрт тохирсон, тохирохгүй үс засалт, мөн ийм хэлбэрийн төрхтэй одуудын зургийг тавилаа.

1. ЗҮРХЭН ХЭЛБЭР

Хэв шинж: Жижиг нарийхан эрүүтэй, шанаанаас дух руугаа өргөссөн байвал “зүрх” буюу доошоо харсан гурвалжин хэлбэр.
Ямар үс зохих: Ийм хүмүүст чихээр татсан богино эсвэл урт үс сайхан харагдана. Чихээр татсан үс өргөн дух, шанааг далдлаж, эрүүний хэлбэрийг тодотгодог. Өөрөөр хэлбэл зүрхэн хэлбэрийг “төгс” зууван луу дөхүүлэх өнгөлөн далдлалт болдог аж. Мөн шилэн хүзүүг өргөн харагдуулдаг болохоор эрүүний хэлбэрийг засаж, гадаад төрхийг санаанд оромгүй өөрчилдөг. Харин үсээ нэг тал руугаа илүү хагалж байхаа мартав аа. Өргөн духаа нуухын тулд үсний угийг босгох хэрэгтэй ба энэ нь урт эрүүтэй харагдуулдаг байна. Зүрхэн хэлбэрийн нүүртэй хүн үсээ хойш нь самнавал их ширүүн төрхтэй болдог.
Зүрхэн хэлбэрийн царайтай одууд:
Урт үс: Reese Witherspoon
Дунд зэргийн үстэй: Christina Ricci
Богино үстэй: Jenny McCarthy

Хэв шинж: Эрүү, хуйхны ирмэг нь дөрвөлжин хэлбэртэй байдаг ба ихэнхдээ адилхан өргөнтэй байдаг.
Ямар үс зохих: Нүүрний хэлбэр нь дөрвөлжин хүмүүст богино эсвэл дунд зэргийн урттай, нүүрийг эмжсэн долгионтой үс сайхан харагдана. Үсээ шатлуулж, духруугаа багц үс гаргавал илүү зохиомжтой. Үснийхээ угийг босгож байвал нүүрний хэлбэр урт, нарийхан харагддаг. Харин хагалж самнах хэрэггүй. Урт, шулуун үс хүнийг өндөр харагдуулдаг хэдий ч эрүүний хэлбэрийг илүү тодруулдаг. Тиймээс дөрвөлжин хэлбэрийн нүүртэй бол долгионтой, буржгар үс илүү зохино. Харин урт, шулуун үс таалагдаад байвал духруугаа мөн шулуун үс гаргаарай. Нэмж хэлэхэд шилэн хүзүү ил харагдуулдаг богино тайралтууд яасан ч зохихгүй. Гэхдээ ийм засалт таалагдаад байвал аль болох хөвсийлгөж, нүүрний хэлбэрт тохирсон зөв хэлбэртэй чёлк гаргахгүй бол сайхан харагдах талаар санах ч хэрэггүй.
Дөрвөлжин царайтай одууд:
Gwyneth Paltrow, Jennifer Garner, Sandra Bullock

3. ДУГУЙ ХЭЛБЭР

Хэв шинж: Ерөнхийдөө урт нарийхан, эрүү, дух, шанааны өргөний хэмжээ ойролцоо, хуйхны ирмэг нь дугуй байдаг.
Ямар үс зохих: Урт богино, буржгар шулуун гээд л бүх хэлбэрийн үс засалт зохидог болохоор зууван хэлбэртэй нүүр нь “төгс” хэлбэртэй хэмээн тооцогддог. Тиймээс үсний хэв маягийг өөрчлөхдөө “муухай харагдах вий” гэж санаа зовох хэрэггүй. Ихэнх үсний моделууд зууван царайтай байдаг. Аль болох үсээ хойш нь самнаж, нүүрнийхээ “төгс” хэлбэрийг тодотгож байх хэрэгтэй. Духруугаа өтгөн үс /чёлка/ гаргах хэрэггүй.
Зууван царайтай одууд:
Beyonce, Kate Winslet, Eva Longoria