Асуулт: P.S. гелээр хөх томруулахад ямар нэгэн сөрөг нөлөө бий болов уу. Манайд ийм төрлийн үйлчилгээ үзүүлдэг эмнэлэг бий юу?

Хариулт: Аливаа гадны биетийн адил таарах, таарахгүй, харшлах мэт сөрөг нөлөө байж болно. Манайд яг хаана ийм үйлчилгээ байдгийг би мэдэхгүй. Өөрийн пациент бол ингэж хөхөө томруул гэж зөвлөхгүй.

Асуулт: Би 28 настай 8 настай нэг хүүхэдтэй нөхөргүй л дээ. Жил орчмын өмнөөс миний баруун талын хөхөнд бэрсүү тэмтрэгдээд хааяа өвдөөд байх болсон. Гэтэл дахиж төрвөл бэрсүү нь алга болно. Тэгэхгүй бол яваандаа томроод хавдар болж болзошгүй гээд байна. Хүүхэд төрүүлэхгүйгээр бэрсүүг эмчлэх аргагүй гэж

 

 

Xариулт: Бас л төөрөгдөл. Заавал хавдар болохгүй шүү. Эмэгтэй хүний хөхний булчирхай гэж дааврын өөрчлөлтөнд хамгийн мэдрэмжтэй байдаг онцлогтой. Тэгээд ч сарын тэмдгийн өмнө хөх хөндүүрлэх, чинэрэх зовиур элбэг байдаг. Бэрсүү гэж зүгээр шинж тэмдгийн нэр, онош эмгэг биш. Өөрөө түүнийгээ сайн мэддэг, тогтмол тэмтэрч үздэг, хянаж байдаг бол их сайн. Хэлбэр шинж өөрчлөгдөх, өвчин орох, нэг л хэвийн байдгаас биш болвоос эмчид сайн үзүүлж, зохих шинжилгээнүүдийг өгөх хэрэгтэй. Ууг нь хэвийн жирэмслэлт, төрөлт, хөхүүлсний дараа ихэнх бэрсүү гэх зүйл нь алга болдог нь үнэн. Шалтгааныг тодруулбал эмийн эмчилгээнд ч үр дүн өгнө.

Асуулт: Би 21 настай. Гэтэл миний хөх их жижигхэн. Бүр их том биш ч сэтгэлдээ нийцсэн сайхан хөхтэй болмоор байна. Вакум аппаратаар хөхөө томруулахад ямар нэг муу хор нөлөө бий юү? 21 настай А.Б

Хариулт: Сүүлийн үед иймэрхүү асуулт, хүсэлттэй хүмүүс олон ирэх боллоо. Вакум аппаратын хувьд хор нөлөөний талаар тодорхой судалгаа, мэдээлэл байхгүй. Гэхдээ үр дүн эргэлзээтэй гэдгийг хэлмээр байна. Цэвэр ургамлын гаралтай хөх томруулах уудаг, түрхдэг бүтээгдэхүүнтэй төстэй, хэрэглэж байх үед бага зэрэг томорсон болоод дараа нь буцаад хэвэндээ орчихдог талтай. Гэхдээ ургамалтай адил удаан хэрэглэхээр дааврын өөрчлөлт өгөх, сарын тэмдэг алдагдуулах нөлөөгүй нь ойлгомжтой юм. Хамгийн сайхан хөх бол том биш, эрүүл хөх гэж хэлмээр байна.

Асуулт: Миний хөх анх ургаж эхлэхдээ бусад найз охидын минь адил ургаж эхэлсэн боловч удахгүй хөгжил нь зогсонги байдалтай болчихсон. Тэгээд тухайн үедээ эх нялхасын эмэгтэйчүүдийн эмчид үзүүлэхэд даавартай холбоотой гээд дааврын эм авж ууж байсан боловч нөлөөлөөгүй. Би одоо 27 настай. Жижиг хөхтэй хүмүүс байдаг л даа гэхдээ миний хөх дөнгөж ургаж байгаа охины хөхтэй л адилхан. Би тийм ч махлаг биш ер нь туранхай талдаа л даа. Миний сарын тэмдэг хэвийн тогтмол хугацаандаа ирдэг. Сарын тэмдэг ирэхийн өмнө хөх бага зэрэг хүндүүр болдог. Ээж, хамаатны эгч дүүс бүгд л хөх нь хэвийн хөгжилтэй. Гэтэл миний хөх бараг юу ч байхгүй гэж хэлж болно тэгээд би дотроо л гутаж явдаг даа аль эсвэл эрэгтэй хүн болоод төрчихгүй гээд л …. Энэ тал дээр хэнтэй ч сэтгэлээ хуваалцаж байгаагүй. Харин мэргэжлийн эмч та энэ тал дээр зөвлөгөө өгж тусал на уу ? Үүнтэй холбоотой уудаг ямар эм байдаг вэ? Хаана хандах вэ?

Хариулт:Уг нь бэлгийн бойжилтийн үед зохистой эмчилгээ авсан бол хөхний хөгжилд нөлөөлж болдог, одоо 27 настай тул ямар ч эмчилгээ гүйцэд үр дүн гарахгүй, та үүнээсээ болоод сэтгэл санааны хямралтай, сэтгэл зүйн хувьд “комлекстой” байгаа юм байна. Юуны өмнө үүнээсээ сал, эрүүл хөх гэдэг заавал том байх албагүй, өвчингүй байх нь чухал, хүн болгон өөрийнхөөрөө сайн сайхан. Хэрэв заавал том хөхгүй амьдарч болохгүй байгаа бол хиймэл суулгацаас өөр бодитой үр дүнтэй юм байхгүй шүү.

Асуулт: Анхны хүүхдээ авахуулсан хүнд хөхний хавдар үүсэх нь хэдэн хувьтай байдаг бол хэлж өгч туслаач. 

Хариулт: Аборт хийлгэснээс болж хөхөнд өөрчлөлт орох тохиолдол олон бий. Хөхний эмгэгшил үүсч, цаашид хоргүй хавдар үүсэх боломжтой. Энэ нь цаашилбал аюултай өвчин болох суурь болдог учраас эмчид үзүүл.

Асуулт: Би 28-тай, төрж байгаагүй. Уг нь миний хөх ямар ч өвчингүй л дээ. Гэтэл сүүлийн нэг сар хоёр хөхний толгой маш их загатнах боллоо. Энэ ямар учиртай юм бол? Хөхний хавдар гэх мэт өвчний шинж тэмдэг мөн үү?

Хариулт:Хөхний хавдрын сонгодог шинж биш. Зовиур арилахгүй байгаа бол маммограм хийлгээд үзээрэй. Ихэвчлэн түр зуурын шалтгаанаар хөх мэдрэг болж, мөн загатнах шинж илэрдэг, харшлын ч асуудал байж болох тул өмсөж зүүж байгаа зүйлдээ бас анхаарахад илүүдэхгүй.

Асуулт: Би 28-тай, төрж байгаагүй. Уг нь миний хөх ямар ч өвчингүй л дээ. Гэтэл сүүлийн нэг сар хоёр хөхний толгой маш их загатнах боллоо. Энэ ямар учиртай юм бол? Хөхний хавдар гэх мэт өвчний шинж тэмдэг мөн үү?

Хариулт:Хөхний хавдрын сонгодог шинж биш. Зовиур арилахгүй байгаа бол маммограм хийлгээд үзээрэй. Ихэвчлэн түр зуурын шалтгаанаар хөх мэдрэг болж, мөн загатнах шинж илэрдэг, харшлын ч асуудал байж болох тул өмсөж зүүж байгаа зүйлдээ бас анхаарахад илүүдэхгүй.