Moderator: mgl_300
Бичлэгийн тоо 42,366
Ихэнх хүүхэд заримдаа гулгиж байдаг. Энэ нь сэтгэл зовоох асуудал биш юм. Хүүхдийн гулигалт өөр өөр шалтгаантай. Хүүхэд хэрэгцээнээсээ ихийг хөхсөн үед илүү хөхсөнөө гулигаж гаргадаг. Тайван бус, уйламтгай хүүхэд маш их агаар сороод их гулигах хандлагатай байдаг. Хүүхэд их идээд идсэнийхээ дараа хэхрүүлвэл гэдэс дотор чихцэлдэх нь багасч гулигах нь багасна. Гулигалт нь их гулигаж байгаа мэт харагдаж байвч харагдаж байгаагаасаа бага байдаг. Хүүхдээ аль болох босоодуу байрлалд хооллож байгаарай. Хүүхдээ хооллож дууссаны дараа 20 минут орчим босоо байрлалаар барьж яваарай. Хэвтүүлэхдээ баруун талаар нь толгойг нь үл ялиг дээр байхаар хэвтүүлээрэй. Сүү ихтэй эхийн хувьд нэг талынхаа хөхийг дангаар нь нэг удаад хөхүүлэх боломжийг хангаснаараа хүүхдийн хөхөх чинэсэн болон тэжээллэг сүүнийн харьцаа хэвийн болно. Нэг талын хөхөөрөө 3-4 цаг хөхүүлж, дараагийн 3-4 цагт нь нөгөө хөхөө хөхүүлэх нь хүүхэд сүүг их хэмжээгээр идэхээс сэргийлдэг юм. Таны хүүхэд бусад талаараа эрүүл, сэргэлэн цовоо, өсөлт нь хэвийн байвал гулигалт нь санаа зовоох зүйл бишээ. Харин хүүхэд чинь гэдсэндээ байгааг хүчтэй олгойдуулж цацаж гаргах, ханиалгах, гулигасныхаа дараагаар цацах зэрэг байдал ажиглагдвал энэ нь юунаас болоод байгаа учрыг олохын тулд эмчдээ хандаарай. Таны хүүхэд сууж, зогсох зэргээр ерөнхийдөө босоо байрлалтай болоод томроод эхэлбэл гулигалт нь аяндаа буурах болно. |