Нүгэл хэмээн маяглаж Нүдээ таглахгүйгээр Нүцгэн биеийн гоо үзэсгэлэнг магтъя Шалиг завхай шунаг тачаалыг цааш нь түлхэж Шалдан биеийн тэнгэрлэг сайхныг алдаршуулъя Янаг минь чи хувцсаа тайл! Ялгаа байхгүй өмдөө ч бас тайл. Ядам хуруун дахь бөгжөө ч бүү үлдээ Яг л урд минь чи бүрмөсөн нүцгэл! Алдарт зураачийн зурсан Адам Ева хоёр шиг Ариухан хүйснийхээ ялгааг навчаар бүү хаа Рафаэлийн бийрээр амилсан Амирлангуй нэгэн дүр Алган дээрээ нар мандуулсан хүүгээ өргө Үүрийн гэгээг нэвт гийсэн дагина шиг Үзсэн харсан бүгдийн алаг нүдийг булаа Яргуй дэлгэрч ятга уянгалтал инээд алдан Янаг минь чи хувцсаа бушуухан тайл Ялдам хорвоотой анх ингээд мэндэлсэн Яг л урд минь чи бүрмөсөн нүцгэл Газрын холоос цанган анган тэмүүлсээр Гал халуун нулимсаа хаян мансуурдаг Гар хүрвэл хиртчихээр ариухан Гантиг чулуун цээжийг чинь бахадъя Залуу насны чадал дуудсан оргил шиг Замба тивийн тахилга нь болгон шүтмээр Гангар шаазан шилдүүлэн хөмөрсөн шиг Ганган товчлуурт мээмийг чинь бахадъя Занабазарын урласан Дарь эх шиг Заяасан биеийн гоо үзэсгэлэнг бахадъя Бүхэл зуунаар шагших найрагчийн Бүжин хар нүднээс албаар доошлон Бүлээн халуун эсээр цангаа тайлан Бүсгүй хүний нүцгэн биеийг алдаршуулъя Тансаг дээд нейлон капроныг Таар шуудай эсгийнээс би илүүтгэхгүй Нүдэнд минь тээр болсон хувцсыг мулталж Нүцгэн биеийг чинь онцгойлон магтъя Нүцгэн бие мандтугай! Нөмөрсөн хувцас нүд далд хаана Нүцгэн бие нүглээ нуудаггүй Нүцгэн бие нүцгэн биенээс тасарна Нүгэлтэй юм хаана байна? Гүйлсийн өнгөт сайхан биеийг чинь Гүйцэд харах хүсэл надад байна Усны цээлд жараахай шиг булгилан Уяханаар туялзах бэлхүүсийг чинь магтъя Жавартай шөнө зүрх халууртал энхрийлж Жавхаалаг биеийн чинь илчийг хүртэн хайрлаж Хуурын хялгас шиг уян зөөлөн Хун цагаан гарыг чинь магтъя Сар хүртэл сүүтэгнэн чичигнэх Сайхан цагаан хаcыг чинь алдаршуулъя Уруул хацрыг улам доошлуулж Уудам хорвоотой учран золгохоор Хайлан уйлан тэмүүлж гарсан Хамгийн анхны хаалгаа алдаршуулъя Хүн бүхэн энэ хаалгаар дуулалдан цуварч Хүж дэлхийн зоонд анх удаа мэндэлсэн Хүн бүхний яс цусанд шингэсэн Хүндтэй ариухан энэ хаалгаа алдаршуулъя Ертөнцөд урьд хэдийд ч гэсэн тэр Эр хүн эр хүнээс төрөөгүй Эгэл бие нь бүсгүй хүнээс тасарсныг Эрхгүй мөнхөд хичээнгүйлэн дурсаж Эр хүний итгэл хайранд ижилдэн дассан Эмэгтэй хүний шидэт цогцсыг магтъя Энэ орчлонд анх нүцгэн биеийг алдаршуулж Юм бүхнээс онцгойлон хайрлаж шүтэн Ертөнцийн эх болсон бүсгүй хүнийг алдаршуулъя Нүд булаам ургасан зуны гоо цэцэг ши Нүгэлгүй ариухан нүцгэн биеийг чинь алдаршуулъя!



Ингээд өөрийн амьдрал тэр тусмаа хос 2-ын амьдралыг аз жаргалтай байхад нөлөөлдөг чухал зүйлийн талаар өөрийн мэддэг өчүүхэн зүйлсээс хуваалцая гэж бодлоо.

Би 28 настай,нөхөртэй болоод 2 жил болж байна, миний нөхөр жирийн сайхан монгол залуу би үргэлж нөхрийхөө сайн талыг харж дутагдалтай талыг нь бага харахыг хичээдэг. Энэ нь надад амар байдаг, энэ хүнийг би сайн хүн гэж сонгож суусан болохоор өчүүхэн жижиг алдааг нь шүүмжилж өө хайж амьдрах ямар ч утгагүй. Ийм байх тусам нөхөр минь намайг улам хайрлаж намайг хүндэлж бүр илүү сайн байх гэж хичээдэг юм, түүнийг нь би мэдэрдэг.

Бид 2 өглөө гарах бүртээ бие биенээ үнсэж өдрийн ажилд нь амжилт хүсэж, орой уулзахдаа үнсэн угтаж өдрийн ажлаа уралдан ярьж жижигхэн амжилт гаргах бүрт бие биедээ урам өгч бахархаж байгаагаа илэрхийлдэг. Энэ нь улам их амжилт гаргахад хэн хэнд нь түлхэц болдог гэж боддог.

Бас миний бодлоор гэр бүлийн аз жаргалд эмэгтэй хүний үүрэг маш их гэдгийг ухаарсан. Эмэгтэй хүн нөхөртөө үнэнч найз нь байж, хамгийн хэцүү үед ч сонсож хүлээж авч чаддаг нөхөр нь, хайрлан энхрийлэгч байх их чухал шүү гэж хэлмээр байна. Нөхөр маань надад эрхлэх дуртай яг жаахан хүүхэд шиг нүдэн дээрээ үнсүүлээд, нуруугаа илүүлээд, сайхан үг сонсоод хэвтэх дуртай би ч хэзээ ч үүнд татгалздаггүй. Татгалздаггүй болохоор намайг ч бас эрхлүүлж хайрладаг. Битгий нөхрөөсөө хайраа халамжаа харамлаарай, эргээд чамд маш их хайр халамж ирнэ.

Мөн хамгийн чухал зүйл бол хос 2-ын нандин зүйл болох сексийн талаар бичихгүй өнгөрч болохгүй байх. Энэ хамгийн чухал шүү, эмэгтэй хүн өөртөө арчаатай цэвэрч цэмцгэр бас эмэгтэйлэг санаачлагатай байх хэрэгтэй. Сайхан хувцасладаг, нөхөртөө үнэнч ханддаг, нөхрийнхөө жинхэнэ амраг байж чаддаг эмэгтэйг эр нөхөр нь хайрладаг, харамладаг бас эргээд үнэнч байдаг юм шүү.

Орондоо ороод нөхрөө санаачлахыг хүлээлгүй өөрөө эхэлж энхрийлэхэд миний нөхөр маш дуртай, заримдаа зөөлөн үнсэж бүх бие эрхтэнд зөөлөн хандахад маргааш нь яг галзуу эм арслан шиг дураараа омголон байхад бас л дуртай. Мөн эр хүний бахархал болсон эрхтэнг нь эргэлзэлгүйгээр таалж сураарай. Бид 2 хамтдаа Камасутра уншдаг эндээс өөрсдийн мэдэхгүй зүйлийг их сурсан. Энэ бүхнээс би эмэгтэйчүүд та бүхэндээ хэлэхэд чи өөрөө амьдралд, эр нөхөртөө яаж хандана чиний амьдрал аз жаргалтай байх эсэх нь хамаардаг юм шүү. Нэгэнт хүний сайхан хүүгийн гэргий болсон бол эмэгтэй хүний сайхан чанар, чадварыг өөртөө цогцлоож жинхэнэ бахархал нь байгаарай. Тэр цагт чамайг нөхөр чинь хуурч бусад эмэгтэйчүүд элэг доог хийхгүй.

Бид 2 эд хөрөнгө мөнгөөр баян биш гэхдээ бид 2 бие биенээ хүндлэх хүндлэлээр баян, хайраар баян залуу хосууд байж чадаж байгаадаа би сэтгэл дүүрэн байдаг.

Миний бичлэгийг унших хүмүүст аз жаргалыг хүсэж цоглог сайхан амьдраарай гэж ерөөе