Moderator: mgl_300
Эрүүл саруул, сайн сайхан байхыг хүссэн хүн бүхэнд өглөөгүүр сексдэхийг Белфастын Хатан хааны их сургуулийн сексологичид уриалж байна. Долоо хоногийн гурван өглөө секс хийвэл зүрх судасны өвчтэй болох эрсдэлийг хоёр дахин багасгаж, гоолиг байдлаа хадгалахад тань тус болдгийг эрдэмтэд нотолжээ.
Секс хүний эрүүл мэндэд маш тустай гэдгийг эрдэмтэд нэг бус удаа нотолж байсан. Энэ удаа өглөөний сексийг онцгойлон судлаад өглөөний сексээр өглөөний гимнастикийг бүрэн орлуулж болохыг нотоллоо.
Сексийн үед бие махбодийн булчингууд бүгд ажиллагаанд ордог. Үүний сацуу энэ нь дотор эрхтэнүүдэд ч сайхан “аэробик” болдог.
Өглөөгүүр байнга сексдэх нь цусны эргэлтийг сайжруулж, цусны даралтыг хэвийн байлгана.
Байнгын хавьтагчтайгаа бэлгэвчгүй секс хийдэг эмэгтэйчүүд сэтгэлийн шаналалд орох нь ховор байдаг бөгөөд “аюултай өдрүүдийн” өмнөх сексийн идэвхи нь сарын тэмдгийн өмнөх синдромыг үлэмж багасгадаг болохыг энэ салбарт урьд нь хийсэн судалгаагаар нотолсон байна.
Секс, жирэмслэлт хоёр ямар холбоотой вэ?
Олон эмэгтэй жирэмсэн байхад секс хийх нь хэр аюултай бол гэж зовницгоодог. Аз болоход ихэнх бүсгүйчүүдийн хувьд жирэмсэн байхдаа секс хийх нь аюулгүй. Гэхдээ зарим тохиолдолд, жишээ нь хүүхэд дутуу төрөх магадлалтай гэж үзвэл эмч нэр жирэмсний үед сек хийхийг хориглодог. Учир нь үрийн шингэнд умайг агшаах чадалтай зарим нэг зүйл агуулагдаж байдаг ажээ. Ямартай ч гэлээ таныг хүүхдээ тээж байхдаа секс хийхэд болох эсэхийг чинь таны эмч л хэлж өгнө. Ер нь жирэмсэн үед секс хийхээс зайлсхийх ёстой дараахь зүйлүүдийг мэдэхийг эмч нар зөвлөдөг.
• Хүүхэд дутуу төрөх магадлалтай бол
• Савны гадуурх жирэмслэлтийн үед
• Үе үе бага зэрэг цусархаг зүйл гараад байдаг бол
• Та хоёр болон түүнээс дээш ирэх хүүхэд тээж байгаа бол жирэмсний сүүлийн гурван сард
• Ус нь гарчихсан бол
Танд жирэмсний аль нэг гурван сард дээрх шинэ тэмдгүүдээс аль нэг нь
илэрсэн л бол секс хийх, дур тавихаас зайлсхийх хэрэгтэй бөгөөд нэн
даруй эмчтэйгээ зөвлөөрэй.
Жирэмсэн үед секс хийсний дараа ямар байдал ажиглагддаг вэ?
Жирэмсэн үед секс хийсний дараа сав агшиж буй нь, мөн ургийн хөдөлгөөн эрчимжих нь мэдрэгдэх бөгөөд эдгээр нь хэвийн үзэгдэл юм. Гэвч сав агших нь 30 болон түүнээс дээш минут, үүнээс нь илүү удаан үргэлжлэх магадлалтай бөгөөд урагт муугаар нөлөөлөх зүйл байхгүй.
Сэрэл хөдөлснөөс үүдэн цусны эргэлт түргэссэнээс болж сексийн дараа бага зэрэг цусархаг зүйл гарч болзошгүй бөгөөд энэ нь жирэмсний сүүлийн гурван сард илүү ажиглагдана. Хэдийгээр энэ нь байж болох үзэгдэл боловч хэрвээ хэвийн хэмжээнээс их байвал эмчтэйгээ зөвлөлдөхөд гэмгүй.
Шүүмжлэлтэй бай гэхдээ бүдүүлэг бишХатуу бай гэхдээ дээрэлхүү биш
Хөгжилтэй бай гэхдээ тэнэглэж биш
Сайхан сэтгэлтэй бай гэхдээ зөөлөн биш
- Холбоотой бичлэг :
- http://www.mglclub.com/1684608/df5/trackback
