Нууц амрагаа гэж муу нэртэй хирнээ хүний амьдралын нэг хэсэг байх юм даа. Би бол хувьдаа нэг удаагын нууц амрагыг зөвшөөрдөг л дөө. Энэ нэг удаагынх гэдэг маань мэдээж амьдралдаа ганцхан удаа л гэр бүлээ араар нь тавихыг хэлж байгаа юм шүү. Нөхөртөө хүртэл хэлдэг байсан. Хүн хорих тусмаа улам тэмүүлдэг юм. Тэгээд ч эр хүн амьдралдаа үздэг юмнуудын нэг. Яахав би чамайг ямар нэг байдлаар нууц амрагтай болохыг үгүйсгэхгүй ээ.

Харин чи амьдралаа алдахгүй,надад баригдахгүй л байх хэрэгтэй. Би үнэхээр чамд өгөх ёстой бүхнээ өгч чадахгүй,чи түүнийг өөр хүнээс мэдэрч байвал одоо яая гэхэв….ингэж хэлээд л нөхрөө гайхшруулж,найзууддаа мангараараа дуудуулж байсан хүн дээ.

Гэхдээ би боддын. Хэрвээ нөхөр минь нууц амрагтай болоод тэр нь ямарч сайхан,ямар ч сайн хүүхэн байлаа гээд би л байгаагаарай нөхөртөө түүнээс нь илүү санагдвал тэр үед хань минь дахин өөр сонголт хийхгүй насан туршдаа надад үнэнч байж намайг бүр илүү ойлгож,мэдэрч хайрлах байхаа гэж. Магадгүй мөчөд бодсон ч байж болно.

Тэгвэл яагаад заавал нууц амраг гэдэг юм гарч ирээд байна. Хүн гэдэг амьтны хүсэл хязгааргүй ихээ. Харин тэрхүү хүслийг нь хясал л хязгаарладаг. Гэтэл нууц амрагууд заримдаа нууц эхнэр болчих гээд,тийм ч үүднээсээ өчнөөн гэр бүлийн амьдрал утга учраа алдаж байгааг бид бүхэн мэдээд тэрэндээ нууц амрагыг жигшин зэвүүцэцгээх юм. Үнэхээр л нууц амраг гэдэг утгаараа байж чадвал бас ч гэж яадгаа алдсан нийгмийн гажуудал биш шиг л санагддаг юм.

Нууц амрагууд хэзээ ч суудаггүй л байхгүй юу. Суусан нэг нь хэзээ ч тэндээс амьдрал олж харахгүй. Хэн хэнийгээ дэндүү мэдээд,хэн нэгнийг хуураад нийлсэн хоёр нэг гэрт ороод бие биендээ итгэж,сайхан амьдарна гэж үү.

Зарим нэг нь нууц амраг дэмий амьдралын дайсан,арчаагүй,биеэ үнэлэгч,эсвэл эрчүүд ингээд л найдваргүй хэнд итгэж амьдрахын гээд л,эсвэл би хэзээ ч нууц амрагтай болохгүй,би гэр бүлдээ үнэнч гээд…

Тиймээ тийм хүмүүс байгаа гэхдээ цөөхөн л хувь нь байх. Нууц амраг гээд л шууд учраад унтаж хэвтээд,эсвэл зөвхөн бэлэгийн харьцаагаар нь тусгаж авч болохгүй л байх.

Таныг хэн ч ойлгохгүй,та нэг л юмаар дутаад ч байгаа юм шиг,та өөрийгөө ч мэдэхээ больсон үед чинь хэн нэг нь таныг маш сайн сонсож,ойлгож,сайхан сэтгэлийн дэм өгч,та түүнээс сайхан урьд мэдрээгүй нэгэн мэдрэмжийг авлаа. Дараа дахиад л тэр хүнээсээ тэр л юмыг хүсээд. Эхлээд хэн хэн нь сайхан найзууд байгаад эцэстээ би чам шиг л хүнтэй суух байсан юм. Чи миний хаагуур зөрчихвөө. Яг ийм надтай адилхан хүнтэй суувал би жаргах байсан юм гээд л…Гэтэл бидний хэлдэгээр бурхан цаанаас нь зохицуулсан юмуу гэр бүлийн хоёрын характер эсрэг тэсрэг байдаг даа. Энүүгээрээ ч нэг нь нөгөөгөө нөхөөд байдагт гэр бүлийн учир оршиж байгаа байхаа.

хүний амьдрал уудам та өнөөдөр,маргааш,нөгөөдөр ер нь хэзээ ч юм яг одоо байгаагаасаа тэс өөр ертөнцийг ганц удаа ч болов хүсэж байгаагүй,хүсэхгүй гэж үү.

Гол нь эцсийн мөчид бид хэн бэ,энэ байдал маань хэмжээнээсээ хальж байна уу,одоо хангалттай гээд аль аль нь зогсож чадаж л байвал яахав дээ ер нь…

Ямарч юманд хэмжээ байдаг гэдгийг л ямагт санаж явах хэрэгтэй юм байна гэдгийг би ойлгосоон…