Хэл

Таны хэл бол таны эрүүл мэндийн толь юм. Хэл тань ямар байгаагаас үндэслэн өөрийн чинь эд эсэд болон эрхтэнүүдэд хэр их хорт бодисууд хуримтлагдсаныг амархан мэдэж болно.

Ягаан өнгөтэй , чийглэг цэвэр / өнгөгүй / , хөхлөгүүд нь хэвийн .

*
өнгөргүй хэл - эрүүл байгаагийн шинж,
*
өнгөртэй хэл - зузаан , нимгэн 2 янз байна.

Нимгэн өнгөр - амьсгалын замын эмгэгийг илэрхийлсэн бөгөөд уг өнгөр нь цагаан өнгөтэй байна. Хэлний уг орчмоор нимгэн цагаан өнгөр хальс байдлаар харагдвал сүрьеэг сэжиглэж болно.

Зузаан өнгөр - хоол боловсруулах эмгэгийг илэрхийлнэ.

* Цагаан зузаан өнгөтэй бол гастритууд ,
* Шар , шаргалдуу өнгөртэй бол элэг цөсний эмгэгүүдийг илэрхийлнэ.

Хэрвээ том хэлтэй бол дотоод шүүрлийн эмгэгийн шинж. Том хэлэнд дагалдах нэг шинж нь хэлний 2 захаар шүдний ором гарсан байдаг. Энэ нь дээд хөндийн венийг дарагдах , цусны эргэлтийн зогсонгишил , А гастрит , В гастритийн тархмал хэлбэр гипотириоз зэрэг бусад мэдрэл , дотоод шүүрлийн эмгэгүүдийн үед элбэг тохиолддог.

Хөхлөгүүд нь томорсон хэл - В гастридийн хэсэг газрын үрэвсэл , элэг цөсний эмгэгийн үед тохиолдоно.

Нүүр

Хүний нүүрэн дахь үрчлээсүүдийн гүн хэлбэр дүрс , нугалаа зэрэг нь тэр хүний эрүүл мэндийн талаар их зүйлийг өгүүлж байдаг.

Хэрвээ та тэдгээрийг уншиж тайлж сурвал эрүүл мэндтэй холбоотой үүссэн хямралыг засаж , хүндрэхээс нь өмнө урьдчилан сэргийлж чадна.

Юуны өмнө дээдсээс уламжлагдаж ирдэг нүүрний дүр төрхөө толинд харъя аа . Жишээ нь : аавын том хамар , давхар эрүү , онигор нүд гэх мэт. Эдгээрийг бол зөвхөн пластик операциар өөрчлөх боломжтой. Гэтэл бидний зан байдлын холбоотойгоор өөрөөр хэлбэл нүүрний хөдөлгөөнөөр үүссэн үрчлээсүүд бас байдаг.

Гэтэл эдгээр үрчлээсүүд нь бидний эрхтэн системүүдийн аль хэсэгт өөрчлөлт хямрал үүссэнийг үнэндээ бол хэлж өгж байдаг.

*
Нүүрний дээд хэсэг буюу дух , нүдний хэсгүүдийн үрчлээсүүд.

Тэгэхлээр энэ хэсгүүд бол цэвэр хүний сэтгэл зүй болон сэтгэлийн хөдөлгөөнтэй холбоотой байдаг.

Духан дээр үүссэн давалгаа хэлбэртэй параллель 2 үрчлээ бол үргэлж ямар нэг зүйлд санаа зовж байдаг , мөн байнга л нэг хүндрэлтэй асуудалтай тулгарч байдгийн илрэл юм. Зарим туршлагатай физиономиструуд эдгээр үрчлээсүүдийг айдас , зовлон шаналал , уур уцаараас болж үүссэн гэж нарийн ангилал хэлж чаддаг.

Мөн түүнчлэн духан дээр үүссэн үрчлээсүүд нь элэг , дэлүү , ходоод цөсөнд үүссэн хямрал өөрчлөлтүүдийг хэлэхээс гадна мөн остеохондрозтой болсныг хэлж өгч байдаг.

Хэрвээ хамрын угт бүдэг " крест " хэлбэрийн үрчлээсүүд гарсан байвал нурууны ноцтой өвчин туссан байна гэдгийг хэлж байгаа юм. Мөн нуруу нь бөгтөр , тахир болсон гэсэн үг.

Босоо үүссэн үрчлээсүүд нь дух болон хамрын угыг огтолж байвал энэ хүн мигрентэй эсвэл удахгүй тусах болчихсон байна гэдгийг хэлж байгаа юм.

Хөмсөгний дунд байгаа гүн атираа нь тэр хүний эрхтэн системд хүчилтөрөгч байнга дутагдаж байдаг учир тийм атираатай хүн цэвэр агаарт алхаж байх хэрэгтэй гэсэн үг юм.

Мөн гутранги үзэлтэй , гутрангуй сэтгэлтэй хүний хөмсөгний дунд баруун талаасаа үүссэн босоо үрчлээс байдаг . Түүнээс гадна энэ үрчлээс нь доргилтоос үүссэн өөрчлөлт элэг цөсний хүүдийг хэлж өгдөг. Хэрвээ тэр үрчлээсүүд нь зүүн талруугаа чиглээд холилдсон байвал таны дэлүүнд өөрчлөлт орсон байна гэсэн үг юм. Духны дундуур байгаа босоо үрчлээс нь хамрын уг хүртлэх ходоодонд орсон өөрлөлтүүдийг заадаг.

*
Нүдний эргэн тойрон

Нидний ойрхон байгаа буюу зовхины үрчлээсүүд нь бөөрний бүх төрлийн өвчнүүд , давсаг , зүрхний өөрчлөлтүүдийг заадаг. Мөн гоо сайхны хувь ч гэсэн зовхины доод эдгээр үрчлээсүүд нь гүн хагас саран хэлбэртэй байвал царайг тань улам өтөлсөн харагдуулдаг. Түүнээс гадна энэ нь байнга цистит болдог , давсагны өрөвслүүдийг зааж байдаг.

Дээд зовхины хавдсан байдал нь таны бөөр тийм ч сайн биш , өөрчлөлттэй гэсэн үг юм. Хэрвээ таны зовхины доор хүүдийнцэр үүсвэл энэ нь зүрхний ажиллагаа хэвийн биш , өөрчлөлттэй байна гэдгийг зааж байгаа үг юм шүү.

*
Хамрын эргэн тойрон

Хамар хавиар арьсаар дэлүү , нойр булчирхай , уушиг , бүдүүн гэдэс , элэг , цөсний хүүдийний өөрчлөлт , үрэвслүүдийг хэлж өгч байдаг. Хамрын арьс хөхөвтөр туяатай харагдаж байвал уушиг , бүдүүн гэдсэнд өөрчлөлт орсон гэсэн үг юм.

Хамрын хоёр тал дахь зэрэгцээ гүн үрчлээсүүд нь хоол боловсруулах замын үйл ажиллагааны хямралуудыг заадаг. Хэрвээ зүүн талынх нь гүн атираатай байвал элэг цөсний үйл ажиллагаанд онцгой анхаарах хэрэгтэй.

Мөн түүнчлэн энэ үрчлээсүүд нь үргэлжлээд эрүүг хүртэл байвал хоол боловсруулалт муу , ходоодны хүчил ихэссэн , ходоод болон 12 нугалаа гэдсэнд шарх үүсэж , хатгуулж өвддөг гэсэн үг юм.

Хэрвээ хамар шанаа 2-ын хооронд арьс улайсан байвал хүний биеийн эрхтэн системүүдэд магни дутагдаж байна гэсэн үг . Мөн хацар хамрын өнгө өөрчлөгдвөл биед төмөр шимэгдэхгүй байна гэсэн үг. Энэ юу гэсэн үг вэ гэвэл хоол боловсруулах системд өөрчлөлттэй болсон гэсэн үг юм. Мөн ийм шинж тэмдэг илрэхэд бөөрөнд өөрчлөлт орж , үрэвссэн байдал ч ажиглагддаг. Гэвч бас өөр шалтгаануудаас болоод улайсан ч байж болох юм.

* Амны хэсэг

Босоо гүн үрчлээсүүд хэрвээ дээд уруул дээр байх юм бол энэ нь эмэгтэйчүүдйн өвчинтэй байна гэсэн үг юм. Амны булангаас доошоо явсан энэ нь ходоодны шүүс буурснаас үүссэн ходоодны үрэвсэл , мөн нойр булчирхай үрэвсэж өөрчлөгдсөн гэсэн үг .

Хэрвээ амны эргэн тойронд булчин агшсан , ам муруйсан байвал нэн нь юу вэ гэсэн үг вэ гэвэл бүдүүн гэдэс агшилт өгч нарийссан байна гэсэн үг. Амны эргэн тойрон цагаан хүрээтэй байвал зүрх нь өөрчлөгдсөн гэсэн үг.

Уруул хагарах нь эрхтэн системүүдийн ус , давсны солилцоо алдагдсан . Магадгүй бөөр шингэнээ ялгаруулахад өөрчлөлт орсон буюу гидронефрит болсон байна.

Дархлааны системд өөрчлөлт орсон тохиолдолд уруул цайвардуу өнгөтэй болохоос гадна амаа үргэлж хагас онгорхой явдаг.

*
Хүзүү ба эрүүний хэсэг

Хэрвээ шанааны арьс үлбэгэр , унжсан байвал давсганд өөрчлөлт орсныг харуулж байна. Мөн бөөрөнд өөрчлөлт орсон байвал эрүү хавагнаж , овгор болдог. Мөн шанаанд үүссэн олон жижиг үрслээссүүд нь ходоод болон нойр булчирхайн үйл ажиллагаанд өөрчлөлт орсныг харуулна. Элэг шээс дамжуулах сүвэнд цусны эргэлтийн удаашрал үүссэнийг хэлж байна.

Шанаан дээр тунгалаг нимгэн арьсыг санагдуулмаар зүйл ажиглагдвал та элгээ шалгаарай. Хэрэв үргэлж эрүү хөшөөд , мэдээ алдаад байвал зүрхний эмчид очиж , зүрхний бичлэг хийлгээрээ. Яагаад гэвэл зүрхэнд ноцтой өөрчлөлт оржээ.

Түүнээс гадна нүүрний үрчлээсүүдээр эрхтэн системүүдийн өвчин өөрчлөлт , хямралыг заагаад зогсохгүй мөн тэр хүний зан төлөвийг бас тодорхойлж өгдөг.

Эерэг сэтгэлгээтэй , хөгжилтэй хүний амны болон нүдний угийн үрчлээсүүдээр нь таньж болно.

Ичимхий хүний амны эргэн тойронд цацраг хэлбэртэй үрчлээс байдаг. Ийм хүмүүс амьдралдаа өөрчлөлт хийх , ямар нэг зүйлийг туршихаас айдаг , хэн нэгний хамгаалалт дор байхыг хүсдэг.

Нүдний эргэн тойронд байгаа нугасны сарвуу шиг үрчлээсүүд нь уг хүний жижиг зүйлд ч гэсэн анхааралтай ханддаг , бүх зүйлийг нэг бүрчлэн тодорхой ойлгомжтой болгох дуртай занг илтгэдэг.

Хөмсөгний дээд талын захаар байгаа хэвтээ шугаман үрчлээсүүд нь тэр хүний үнэнч шударга занг илэрхийлдэг. Мөн ичимхий болон боловсролтой эрдэмтэй хүний 2 хөмсөгний хооронд гүн босоо шугаман үрчлээсүүд байдаг.

Мөн болгоомжтой , урьдчилан бүхнийг тооцдог , эелдэг хүмүүсийн духан дээр үргэлжилсэн тасраагүй зураасууд байдаг. Хэрвээ жижигхэн олон тооны хэвтээ зураасууд байвал ямар нэг ажлыг дуустал хийдэггүй , бас хов живэнд дуртай гэсэн үг юм.

Хэрвээ хамрын нүхний хажуугаас үүсээд уруулын зах хүртэл үргэлжилсэн зураас үрчлээсүүд байвал амьдралд зовлон үзсэн , урам хугарсан , гутранги сэтгэлгээг харуулна. энэ бол ер нь үүсдэг ердийн л үрчлээсүүд , хэрвээ нүдний гадна захаас үрчлээсүүд эхэлсэн байвал тэр хүн өөрийн боломжий хязгаарт байна. Хэрвээ үрчлээсүүд нь ам хүртлээ үргэлжилбэл энэ бие мах бодь зовиуртай өвчинтэй байна гэсэн үг юм.

Хөмсөгний дээр өнцөг үүсгэсэн хэлбэртэй 2 хос үрчлээс нь ямар нэг зүйлд сэтгэл түгшиж явдгийг харуулж байна.

Хэрвээ хөмсөгний дээр хурц өнцөгтэй гүн 2 хос зураас үүссэн байвал энэ нь хэрцгийдүү хүнийг илэрхийлж байгаа юм. Мөн хажуугаар нь бас жижиг үрчлээсүүд ч байдаг.