Нүүр

“Хөлөнд буруу байхгүй” гэсэн ардын зүйр цэцэн үг хоцрогджээ. Үнэн хэрэгтээ хөл Таны тухай маш олон зүйлийг хэлж чадна. Мэргэжилтнүүд таны хөлийн мөрийг хараад л аж байдал, зан чанарыг тань тодорхойлж болно гэж баталж байна. Хөлөөр унших нь бүхэл бүтэн шинжлэх ухаан боловч энэ талаар ерөнхий мэдлэгтэй байхад л хангалттай гэнэ.

- Хэрэв таны хөлийн хэмжээ гэнэт өсвөл /мэдээжийн хэрэг үлгэрийн Алисагийнх шиг биш/ Таныг амжилт хүлээж байна. Тиймээс авьяас билгээ гайхуулах шинэ арга замыг хайх цаг болжээ.

- Хэрэв хөл тань өргөн болсон бол Та хэтэрхий их ажиллаж байна. Хааяа ч гэсэн амарч байж болохгүй гэж үү? Сарын дараа хавчдаг болох шинэ гутал хайж амралтын өдрүүдээ өнгөрүүлээгүй биз дээ.

- Нарийн хөл танхил бөгөөд залхуугийн шинж. Та өөртөө хүндрэл учруулдаггүй, эвтэйхэн аргалчихдаг хүн юм.

- Гүн тод мөр байж ядсан хүнийг илтгэнэ. Үзэл бодлыг хүлээн зөвшөөрөхгүй хүмүүс таныг уурлуулж цухалдуулахад амархан. Яагаад ингэдгийн учрыг олохын тулд та юунд хамгийн их эмзэглэдгээ ойлгох хэрэгтэй.

1. Эрхий хуруу

Өөрийгөө үнэлэх хуруу. Энэ хуруу тань уг руугаа нарийн, үзүүр рүүгээ өргөссөн бол та үнэнч байхыг хичээх нь зүйтэй. Энэ хуруу бусад хуруу руу хэр их эргэсэн байна Та төдийчинээ хүрээлэн буй хүмүүсийнхээ санаа бодлоос хамааралтай байна. Ургасан хумс Таныг зуршлаасаа болон хуучин эд зүйлсээсаа салах дургүйг илтгэнэ. Таны хувцасны шүүгээнээс 10 жил хадгалсан зүйлс ч гарна. Мартахын аргагүй дурсамж үлдээсэн ч байсан тэр бүгдээс салах цаг болжээ. Эрхий болон долоовор хурууныхаа дунд эвэртэй бол бүх юманд оролцох дуртайг харуулж байна. Заримдаа сэтгэл хөдлөл, хүсэлдээ захирагдахгүй байх нь дээр байдгийг та мэдэх үү.

2. Нум

Өндөр нум маш бие даасныг тань илтгэнэ. Та бусдаас тусламж гуйх дургүй. Та дотоод хүч ихтэй, ганцаараа сэтгэл хангалуун байж чаддаг. Гэхдээ энэ нь таныг нийтэч биш гэсэн үг биш. Гэхдээ л хөл ихтэй үдэшлэгийн дараа та амрах хэрэгтэй, тийм үү?

3. Өсгий

Өсгий тань өргөн бол та эрч хүчийг мэдэрдэг, нарийн бол та маргаашдаа итгэх итгэлгүй нэгэн. Хэрэв өсгийний чинь гаднаа талд зузаан арьс байдаг бол Таны дархлаа сул байгаагийн шинж. С амин дэм ахиухан уугаарай.

4. Дунд хуруу

Энэ хуруу мэргэжлийн хүсэл эрмэлзлийг харуулна. Энэ нь урт байх тусмаа их зантайг тань илтгэнэ. Нарийхан хуруу илүү уран чадамгай болохыг, бүдүүн хуруу эгэл жирийн хүн болохыг илтгэнэ. Дунд хуруу чигчий хуруу руугаа хазайсан бол Та тэвчээргүй. Дунд болон долоовор хуруу хоорондоо зайтай бол дургүй ажлаа хийхээр зөвшөөрчихөөд сэтгэлээр унах нь олонтаа. Татгалзсан хариу өгч сур, тэгвэл энэ зай мэдэгдэхүйц багасч, таны сэтгэл санаа тогтвортой болно.

5. Ядам хуруу

Хүмүүстэй хэрхэн харьцдагийг харуулна. Эрхий хуруу тал руугаа харсан бол Та мэдрэмтгий, танд олон найз нөхөд бий. Харин бусад хуруунаасаа урт бол танд гэр бүл юунаас ч чухал. Үрчгэрдүү харагддаг бол Танд халамж хэрэгтэй байна гэсэн үг. Бага зэрэг дарагдсан бол Та цаг үргэлж хэн нэгтэй маргаж, муудалцахыг хүсдэг.

Түүнчлэн…

Хөлийн арьсны өнгө таны ертөнцийг үзэх үзэл, зан чанарыг илтгэнэ. Ногоовтор өнгө атаархууг, цагаан бол цөөнгүй уурладгийг, саарал – сэтгэл санааны хямрал, дарамттайг харуулна. Амьдралынхаа хэв маягийг хурдхан өөрчил! Хөл дээр чинь үү гэнэт гараад ирэх нь таныг дотроос чинь нэг юм зовоож байна гэсэн үг. Харин хуруун дээр булдруу гараад ирвэл өөрийгөө мартаад бусдын төлөө хэтэрхий ихийг хийж байгааг хэлж байна. Хорон муу санаагүйгээр хувиа хичээх нь таньд саад болдоггүй! Эрдэмтэн Жейн Шихен оддын хөлийг шинжжээ. Хэнийх нь хөл болохыг мэдэхгүйгээр шинжсэн ч хэн нь хэн болохыг яг л хэлсэн байна!

КЭМЕРОН ДИАС

Нарийн хуруунууд – бүтээлчийн шинж, гэр бүлийн харилцаагаа өндөр үнэлдэг.

ПЭРИС ХИЛТОН

Жижигхэн хуруунууд үймээн дэгдээгчийн шинжтэйг харуулж байна. Дунд хуруу уг руугаа нарийн, хумс руугаа өргөссөн нь хэл ам, шуугиан тарих хандлагатайг нотолж байна. Гэхдээ жижиг хуруунууд эмзэг болохыг харуулжээ.

БРИТНИ СПИРС

Маш бие даасан, гөжүүд болохыг нь эрхий хуруу бусдаасаа арай өндөр байгаа нь харуулж байна. Хэн нэг нь түүний хийх гэснийг зогсоож эсвэл анхааруулга өгөхийг тэвчдэггүй.