Хүүхдийн арьсыг наранд түлэгдэхээс яаж сэргийлэх вэ? [ 2009.06.17 ]
Хүүхдийн арьс маш нимгэн, зөөлөн байдаг. Өөрөөр хэлбэл маш мэдрэмтгий гэсэн үг. Зун болохоор эцэг эхчүүд хүүхдийнхээ биеийг борлуулах гэдэг. Гэтэл нар ус хоёр нэг дор зохицолдохоороо арьсыг тулдэг. Хүүхдийн биеийг шарахад зориулалтын тос түрхэх ёстой. Хүүхэд өдөржин наранд байсан бол орой арьс нь улайж, цэврүү үүсэн улмаар хорсож, загатнадаг.
Toлгойноосоо наршаагүй байлаа ч хүүхэд халуурах магадлалтай.
Хэрэв хүүхдийн биеийн байдал тааруу, халуунтай байвал хүүхдээ сэрүүн шүршүүрт оруулж болно. Дараа нь түлэгдсэн хэсэгт нь тос түрхээрэй. Зориулалтын тос байвал маш сайн. Байхгүй бол хүүхдийн тос хэрэглэж болно.
Хэрэв хүүхэд наранд түлэгдэж цэврүү үүссэн бол өөрсдөө дураараа янз бүрийн арга хэмжээ авах гээд хэрэггүй. Эмчид хандах нь зүйтэй.
Арьс нь түлэгдсэн хүүхдийг унтлагын хувцас өмсүүлэлгүй нүцгэнээр нь хөнгөн хөнжилтэй унтуулах нь зүйтэй.
Хоёр, гурван хоногийн турш хүүхдийг нарнаас хол байлгах нь чухал. Арьс нь түлэгдсэн хүүхдийг гэрт нь байлгах, эсвэл огт нар тусдаггүй сүүдэрт байлгаж болно.
Нэгэнт түлэгдсэн арьс хууран унаж эмзэг мэдрэмтгий болдог тул наранд гарах нь хүүхдээ илүү хүндрэлтэй бай болно.
Хүүхдээ гадаа тоглуулахдаа нарны тос заавал түрхэж өгч бай.
Хүүхдийнхээ арьсыг наранд түлэгдсэн хойно нь эмчлэх гэхээсээ илүү наранд гаргахаасаа өмнө зориулалтын тосыг түрхэх ёстой.
Гадаа гарсан хойноо нарны тос түрхвэл шингэж амжихгүй учир үйлчилгээ үзүүлэхгүй. Иймд нарны тосыг заавал урьдчилж түрхээрэй.
Далай, нуур, гол мөрний эрэг дээр амрах сайхан ч нарны илч том хүнийхээс илүү хүүхдийн арьсанд аюултай байдаг.