Хүн бүр өөрийгөө оюун ухаан, зүрх сэтгэлдээ үнэн зөв, өөдрөг сайхнаар төсөөлж байх хэрэгтэй. Энэ удаад бид өөрийгөө өөдрөг сайхнаар болон маш тааруухнаар үнэлдэг хүмүүсийн дүр төрх ямар байдаг талаар нийтэлж байна. Та өөрийгөө сонжоод үзээрэй. Танд доорх шинж чанаруудын аль нь ажиглагдаж буйг анзаарч мэдээд засаж залруулах зүйл байвал анхаарна уу. Үүнд:

Өөрийгөө тааруухан үнэлдэг хүний шинж -Бусдад атаархдаг,
-Өөрийгөө чамладаг,
-Өөрийнхөө сайн сайхан талыг олж харах чадваргүй,
-Өөртөө сэтгэл хангалуун бус байдаг,
-Өнгөрсөн алдаагаа байнга эргэн санагалздаг,
-Үнэн сэтгэлээсээ талархал илэрхийлж чаддаггүй,
-Бусдаас талархлын үг хүлээж авахдаа нэрэлхдэг,
-Аливаа зүйлд байнга эргэлзэж тээнэгэлзэж байдаг,
-Өөрийнхөө тухай элдэв яриа гарахаас айдаг,
-Өөрийнхөө эрх ашгийн төлөө дуугарахаас эмээдэг. /Ийм хүнд яаж эх орон, ард түмэн, бусдын эрх ашгийн талаар ярих вэ дээ/
-Чин сэтгэлээсээ баярлаж хөөрч чаддаггүй,
-Бусадтай баяр хөөрөө хуваалцаж чаддаггүй,
-Алдаа дутагдалдаа зөвхөн бусдыг буруутгадаг
-Эсвэл алдаа дутагдлаа зөвтгөх шалтгаан хайдаг,
-Бусад хүнтэй үргэлж барьцдаг,
-Биеэ байнга чагнадаг,
-Байнга ямар нэгэн өвчин эргүүлдэг...

Өөрийгөө өөдрөгөөр үнэлдэг хүний шинж чанар -Талархлыг зөв хүлээн авдаг,
-Бусдад талархал илэрхийлж чаддаг,
-Баяр хөөрөө бусадтай хуваалцаж чаддаг,
-Өөрийнхөө талаар үргэлж сайн сайхнаар төсөөлж ярьдаг,
-Өөртөө урам хайрладаг,
-Хийсэн алдаагаа ялгаж салгаж чаддаг,
-Биеэ сайтар тордож чаддаг,
-Өөртөө анхаарал тавьдаг,
-Өөрийнхөө ямар хэрэгтэй болохыг бусдад мэдрүүлэх чадвартай,
-Сайн хүмүүстэй ойр дотно байхыг эрмэлздэг,
-Зөв санаа бодолтой хүмүүстэй нөхөрлөдөг,
-Ажлаа хийхдээ баяр хөөртэй байдаг,
-Өөрийн ард түмний болон дэлхийн бусад орны зохиолчдын бадрангуй, өөдрөг цоглог ном зохиолыг уншдаг,
-Сэтгэл зүрхэндээ өөрийнхөө ирээдүйн эерэг дүр зургийг ямагт ургуулан бодож явдаг,
-Өөрийгөө хайрлаж хүндэлдэг шигээ бусдыг ч бас хайрладаг,
-Өөрийгөө өөдрөгөөр бодож үнэлж явбал бүх зүйл сайн тийшээ өөрчлөгдөх эхний алхам болно гэдгийг ухаарсан л өөрийгөө үнэлж чаддаг байна.