Лууван  витамины хаан

Лууванг бүх төрлийн ялангуяа А витамины хаан гэж нэрлэдэг. Лууванд каротин хэмээх будагч бодис бусад хүнсний ногоог бодвол хамгийн их байдаг бөгөөд энэ нь хүний биед орохоороо А амин дэм болон хувирдаг байна. Лууван хэдий чинээ тод улаан өнгөтэй байна каротин төдий чинээ их хэмжээгээр агуулагддаг. Лууван нь хорт хавдраар өвчлөх магадлалыг 40 хүртэл хувиар бууруулдаг гэнэ. 

     Лууванг яаж хадгалах вэ?

 Гэвч лууван нь хадгалалтын нарийн горим шаарддаг ногоо. Бага зэрэг дулааны хэм алдах, чийгшил үүсэх зэрэгт урвалд орж чанараа алдах талтай. Тиймээс лууванг гялгар уутанд хийн хөргөгчний доод тавиурт хадгалбал шинээрээ удаан байдаг.

Лууван ямар ашиг тустай вэ?

Хий ханиадыг эмчлэхийн тулд буцалгасан луувангийн шүүсийг чихэр юмуу зөгийн балтай хольж уухад сайн.

Хүүхдэдээ өдөр бүр луувангийн нухаш, шүүс, луувангийн шүүсэнд хийсэн зутан өгч байвал янз бүрийн өвчин эмгэг тусах нь бага байдаг.

Бөөр болон давсагны чулууг эмчлэх зорилгоор үрж жижиглэсэн лууванг хоолныхоо өмнө иднэ. Учир нь лууван бие мах бод дахь чулууг элс болгон гадагшлуулдаг увидастай.

Архаг мэнгэр өвчнийг анагаахын тулд түүхий улаан луувангийн шүүсийг бага зэрэг элсэн чихэртэй хутган ууна.

Цус багадалттай хүн өдөр бүр өлөн байхдаа 100 грамм лууван, цөцгий болон ургамалын тостой хольж идвэл сайн байдаг.

Түлэгдэлтийн үед луувангийн нухаш тавьж бооход тустай.

Луувангийн шүүс хоол идэх дур хүслийг төрүүлж хоол боловсрох ажиллагааг сайжруулна.

Ходоодны хүчил ихэдвэл луувангийн шүүс хэдий хэмжээтэй ууна төдий чинээ сайн гэлцдэг.

Чанасан лууван сайн ид. Учир нь ийм лууванд бие организмыг ходоодны хорт хавдраас сэргийлэх бодис түүхий луувантай харьцуулахад гурав дахин их байдаг.

Чанасан лууван, луувангийн нухашийг хөргөгчинд хадгалахад муудах нь бүү хэл хорт хавдрын эсрэг бодис нь 34 хувиар дээшилж, эрчимждэг байна.

              Лууванг яаж нөөшлөх вэ?

Улаан шаргал өнгөтэй жижгэвтэр луувангууд сонгож авна. Луувангаа угааж цэвэрлэсний дараа халуун усанд 2-4 минут байлгана. Зөөлөрсөн луувангаа хальслаад дугуй хэлбэрээр хэрчин савандаа хийнэ. 0,5 литрийн саванд 300 грамм лууван, давсны уусмал 200 грамм ордог. Луувангийн нөөшийг 40 минут жигнэдэг бөгөөд 2-3 хоногийн дараа хоолонд хэрэглэж болно. Лууванг нөөшлөхөд янз бүрийн амтлагч хэрэггүй.