Аминдэм микро элементээр баялаг энэ бүтээгдэхүүнийг тогтмол хэрэглэвэл гадна дотно аль ч талаасаа эрүүл, үзэмжтэй харагдахад шууд нөлөөлдөг. Гол нь чанартай, цэвэр балыг сонгох нь чухал
2. Далайн гаралтай бүтээгдэхүүн хүнсэндээ түлхүү хэрэглэ
Ийм бүтээгдэхүүн их хэмжээний иод агуулагдаж байдаг учир хүний арьсанд тэжээл өгдөг. Мөн далайн давстай усанд ороход оюун ухаан сайжирч, арьс булбарай зөөлөн болж, ядаргаа тайлагддаг байна
3.Жимсний хольцтой гоо сайхны бүтээгдэхүүнийг сонго
Гүзээлзгэнэ, үхрийн нүд, усан үзэм, өргөст хэмх зэрэг нь арьсыг цайруулж, сэвх батгыг бүдгэрүүлдэг байна
4. Цөцгийн тосоор нүүрэндээ маск тав
Ингэх нь хуурай, үрчлээтэй арьсанд гайхалтай үр дүн өгдөг
5.Хэрэглэсэн цайныхаа ууттай хандыг бүү хая
Хуучин ууттай хандыг хөргөгчиндөө хадгалаад, нүдэн дээрээ жин тавих хэрэгтэй. Энэ нь нүдний дор үрчлээ үүсэхээс сэргийлж, ядаргаа тайлдаг бөгөөд арьсны өнгийг толигор, өнгөлөг болгодог гэнэ
6.Хуйхандаа ургамлын тос түрх
Үсээ угаахаас 20 минутын өмнө ургамлын тосоор массаж хий. Үүний дараа гялгар уут углаад 10 минут байлга. Дараа нь үсээ цэвэр усаар зайлан угаагаарай. Энэ нь нарны хэт ягаан туяанаас үсийг хамгаалдаг. Мөн тархийг амрааж, ядаргааг тайлах үйлчилгээг давхар үзүүлдэг байна.
Сайхан хооллоорой: Наашаа цаашаа (Хятад хоол)
2012 оны 11 сарын 13
Орц: /3/
75 мл шарах тос (газрын самар,
эсвэл эрдэнэ шишийн тос)
300 гр өөхгүй гахайн мах
3 аяга агшаасан будаа
Маринэид-нд (махыг болгохоос
өмнө хийж амталдаг соус)
¼ ц/х давс
1 ц/х зөөлөн шар буурцгийн соус
1 х/х хүйтэн ус
1 х/х төмсний гурил (цардуул)
1 ц/х Shaoxing вино
(байхгүй бол ямар нэгэн дарс)
Соус
1½ ц/х цагаан элсэн чихэр
1½ ц/х Chinkiang цуу, эсвэл Хятад хар цуу (бальзамик цуу)
¾ ц/х зөөлөн шар буурцгийн соус
½ ц/х давс
¾ ц/х төмсний гурил (цардуул)
3 х/х тахианы хар шөл, эсвэл ус
Вааран аяга 1
2 х/х чинжүүний нухаш (чили паста)
Вааран аяга 2
2 ц/х нарийхан хэрчсэн сармис
2 ц/х нарийхан хэрчсэн цагаан гаа
Вааран аяга 3
75 гр хулсны нахиа
1 атга хатаасан мөөг
Вааран аяга 4
1 ш ногоон сонгино, хэрчсэн
Маринэидээ бэлтгээд, гахайн махаа 3мм x 3мм x 3см харьцаатай нарийхан хэрчиж Маринэидэндээ хийж хутгана. Махандаа бүрэн нэвчтэл нь байлгах хэрэгтэй (30 минутаас доошгүй хугацаа шаардлагатай). Энэ хооронд будаагаа агшаана.
Мөөгнүүдээ маш халуун усанд 30 минут дэвтээнэ. Мөөгийг дэвтэж байх хооронд тусад нь давстай ус буцалгаж хулсыг хийгээд 1-2 минут болгож гаргана. Ингээд хүйтэн усаар зайлж гахайн мах шиг хэмжээтэйгээр нарийхан хэрчинэ.
Одоо вааран аяганд байх орцуудаа бэлтгэнэ. Мөөгийг бэлэн болмогц гаргаж мөн нарийхан хэрчинэ.
Хайруулын саванд шарах тосоо хийж өндөр хэмд халаана. Тосыг халмагц махаа хийж ширхэг бүр нь 4 талаараа цагаан болтол нь хуурна (ойролцоогоор 1-2 минут). Галыг багасгалгүйгээр махыг хайруулын савны нэг тал руу болгоод хайруулын савыг эсрэг тийш нь 30° хазайлгаж тосыг махны эсрэг талд тунгаана. Чинжүүний нухшийг тосон дээрээ хийж 30 секунд орчим хутгаж сайтар холино (махыг тос, чинжүүний холимгоос тусад нь байлгахыг хичээгээрэй).
Дараа нь сармис, цагаан гааг чинжүү тосны холимогт нэмээд, үнэртэх хүртэл нь хутгана. Хайруулын савыг тэгшлээд зуухан дээрээ байлгана. Хулс, мөөгөө нэмж хийгээд 30 секунд орчим шарна.
Соусаа дээрээс нь хийж түргэн хутгана. Ингээд сонгиноо нэмж 10-20 секунд хутгахад хоол маань идэхэд бэлэн болно.