Moderator: mgl_300
Намрын улиралд хүний бие үлбийж, сэтгэл санаагаар унах нь их байдаг. Үүнээс яаж сэргийлэх талаарх зөвлөгөөг хүргэе.
1. Цусны эргэлтийг сайжруулах. Шөнө хүний бие эрхтний үйл ажиллагаа "амарч" байдаг. Тийм учраас өглөө сэрсний дараа бие эрхтэн бүрэн сэргэх хүртэл хугацаа хэрэгтэй. Жишээ нь, хүний даралт нойрноос сэрэхээс нэг цагийн өмнө 10-20 нэгжээр өдрийн нормоос доогуур байдаг.
Тийм учраас өглөө сэрүүлэгний дуугаар огцом босох үед толгой эргэх, зүрх дэлсэх, нүдэнд оч үзэгдэж болно.
Зогсч байгаад гэнэт хэвтэхэд ч иймэрхүү өөрчлөлт ажиглагддаг. Өөрөөр хэлбэл, энэ нь даралттай холбоотой юм. Энэ бүгдээс зайлсхийхийн тулд эхлээд толгойн цусан хангамжийг идэвхжүүлэх хэрэгтэй. Орноосоо босон харайхаасаа өмнө нэг сайн суниагаад авахад гэмгүй. Удаан суниах хөдөлгөөн нь эрч хүч өгөхөөс гадна бодисын солилцоог идэвхжүүлж, эндерфин буюу "баяр баяслын даавар"-ыг ихээр нэмэгдүүлдэг байна. Хэн нэгэнд уур чинь хүрч байсан бол толины өмнө зогсч байгаад бокс тоглох маягийн хөдөлгөөн хийх хэрэгтэй. Уур хүргэсэн болгоныг навс цохиж унагах гэж байна гэж бод. Ийм хөдөлгөөн зүрхний судсанд тамир нэмж, тархи мэдрэлийг сэргээж, чиг баримжааг мэдрэх мэдрэмж сайжирдаг.
2. Биеэ халаа. Өглөө босонгуутаа л хүйтэн шүршүүрт орох, хүйтэн усаар биеэ норгох нь нэг их сайн юм биш гэнэ. Учир нь шөнө биеийн халуун хэвийн үеэс 0,6 градусаар буурдаг. Өглөө сэрэхэд бие халж амжаагүй байдаг. Ийм үед хүйтэн шүршүүрт орох нь нэг ёсондоо өөрийгөө дайрлагад өртүүлж байна гэсэн үг. Хүйтэн ус нойр сэргээж, биеийн арьсны цусны эргэлтийг бага зэрэг сайжруулж болох авч, сэтгэл санааг өдөржин өөдрөг авч явах дасгал болохгүй. Хэрэв биеийг сайн халаавал тэр тусмаа дотроосоо сайн халаавал бие махбодь түргэн хэвийн нормдоо ордог байна. Тийм учраас өглөөгүүр халуун шүршүүрт орж, халуун унд уух нь дээр.
Даралтаа хэмжиж үз. Өглөөгүүр бага байх вий. Тийм учраас өглөө кофе ууснаас өтгөн чихэртэй цай уувал зүгээр. Ер нь цайнд байдаг таний /талхадсан холтос/ сэтгэл санааг кофенээс илүү удаан хугацаагаар өөдрөг байлгадаг байна. Тархины идэвхийг сэргээхийн тулд глицины нэг үрэл нэмж хийж болох юм.
3. Сэтгэл сэргээх хоол унд идэж уу. Өтөө сэрэхээс нэг, хоёр цагийн өмнө биед инсулины боловсруулалт нэмэгддэг байна. Энэ нь глюкозыг эрч хүч болгон хувиргана. Нойрноос сэрэх үед биед байх сахарын нөөц дууссан байдаг. Долоогоос есөн цагийн хооронд хүний цусан дахь сахарын хэмжээ хамгийн бага. Тийм учраас сахарын шинжилгээг өглөөгүүр өгөх хэрэгтэй юм. Хэрэв та өглөөгүүр сайн хоол идэхгүй бол сахарын дутагдалд орж, үүнээс болж толгой эргэх, нозоорох, бие сулбайж уур уцаар хүрдэг байх юм. Ингэхээр өглөө сайн идэж авах нь биед сайн. Сайн хооллох төдийгүй амттай зүйл идэх хэрэгтэй. Бие хүч тамираа сэлбэн авахад шоколад, какао, гадил тустай. Элдэв амттан болон шарсан гадил, халуун шоколад зэрэг нь сэтгэл өөдрөг болгодог.
4. Ногоон алим аваад гараарай. Ажил дээр өдрийн турш эрч хүчтэй байхад чинь юу тус болох вэ?
-Гашуун ногоон алим ид. Ногоон алиманд төмөр, С аминдэм их агуулагддаг.
-Усан үзэм мэтийн жимс бие ядрах сульдах үед тустай.
-Е, С аминдэмээр баялаг хүнсий бүтээгдэхүүн нь уруу дорой байдлаас салахад тань тусална.
Буудай, овъёос, мөөг, самар, хүргэн гуа, цоохор майлз, далайн ургамал, хясаа мэтийн бүтээгдэхүүн нь биеэс элдэв хүнсний зүйлийн исэлдлэгийг зайлуулах, задалдаг онцгой ферментийг нэмэгдүүлдэг байна.
5. Хүчээр өөрийгөө баясгах гэж бүү хүчил. Хүн өөрийн эрч хүчнийхээ ихэнх хэсгийг шал дэмий үрдэг. Учир нь бид цаг хугацааг өөртөө зөв хуваарьтай зарцуулж чаддаггүй. Эрч хүчээ хэмнэх талаар эмч нар дараахь зөвлөгөөг өгч байна.
*Өдрийнхөө ажлыг нарийн төлөвлөж сур. Долоо хоногийн дараа хийх ажлаар толгойгоо бүү гашилга.
*Арван ажлыг зэрэг хийнэ гэж бүү барьж ав. Түүний оронд таван минут суугаад бод. Өнөөдөр ямар ажил чухал болох, ямар ажлыг хойш тавих вэ гэдгээ тооцоол. Толгой дүүрэн бантан хутгачихвал юу ч бүтээж амжихгүй.
*Маш чухал ажлыг та ер нь барьж авч чадахгүй байгаа бол нэг, хоёр өдөр хойш тавь. Энэ ер нь тийм чухал ажил уу, хойшлуулж болох уу гэдгийг сайн бод. Магадгүй энэ талаар мартаж, өөр ашигтай зүйлээр ч оролдож болох юм
*Өөрийгөө шал дэмий бүү зовоо. Өчүүхэн жижиг зүйл, амьдралын элдэв аар саар зүйлд санаагаа бүү зовоо.
*Үзэн яддаг хүнд уураа гаргаж эрч хүчээ бүү доройтуул, уураа дарж сур.