Moderator: mgl_300
Зөнбилэгч Дарья Миронова
Сайхан
жил гарч байна. Нэг ба гурвын тооны хослолыг каббалын сургаалд амжилт,
таатай нөхцөл байдал гэж үздэг. 1-ийн тоо нь та бидний “би”-гийн
билэгдэл, зорилгын хэрэгжилт, дур зоригийн илрэл. Харин 3-ыг агуу
гурвалжин гэдэг. Түүнд өнгөрсөн, одоо, ирээдүй зэрэг агуулагдаж байдаг.
Ирэх
жил 13 гэдэг тоо нь 2 ба 0-тэй хосолж байгаа нь азтай тохиол. Яагаад
гэвэл хувийн амьдралаа төвхнүүлж амжаагүй олон эмэгтэй 2013 онд хувь
заяаны гэнэтийн бэлэг хүлээн авна. Өөрөөр хэлбэл ганц бие хүүхнүүд хайр
дурлал, заяаны ханьтайгаа учрах болно.
Могой жил өөрөө эм сурвалжтай,
иймээс охид эмэгтэйчүүдэд ивээлээ илүүтэй хайрлана. Могой гэдэг амьтныг
ид шид, далдын хүчтэй гэж дорныхон биширдэг. Үнэхээр энэ амьтан мэргэн
ухаантай, овжин зальжин, цог золбоотой, бас “ардчилсан”. Харин энэ бүх
чанарыг агуулсан хүн 2013 онд урагш ахиж, албан тушаал ч дээшилнэ.
Үр
хүүхэдгүй хосуудад могой жил хишгээ хүртээнэ. Үр тогтоход хамгийн
таатай үе бол дөрөв, тавдугаар сар. Иймээс ирэх жил хүн амын өсөлт
мэдэгдэхүйц ажиглагдана.
Оны эхний хагаст олон хүн санхүүгийн
тогтворгүй, хүнд үеийг туулах магадлалтай. Харин оны сүүлийн хагас илүү
амжилттай, таатай байх болно.
Санхүүгийн салбарт өөрчлөлт, шинэчлэл
гарч, олон өндөр албан тушаалтан огцорно. Улстөр, цэргийн салбарт том
өөрчлөлт гарч, авлига, хээл хахууль, улсын хөрөнгө шамшигдуулсантай
холбоотой том дуулиан ар араасаа гарах байх.
Айсуй 2013 оноос айх хэрэггүй. Ямар ч гэсэн улиран одож буй 2012 оноос илүү дээр жил ирж байна.
Могой жилтнүүд 2013 оныг хамгийн азтай, үр бүтээлтэй өнгөрөөх болно. Ялангуяа хавар орой, намар эрт төрсөн хүмүүс.
Шинэ
жилийн үдэш та хурц тод бөгөөд алтлаг, мөнгөлөг гялалзсан хувцастай
2013 оноо угтаарай. Гэхдээ та могойн жинхэнэ арьсан хувцас, эд зүйлс
худалдан авах хэрэггүй. Могой өөртэй нь эн зэрэгцэхэд дургүй. Иймээс
таагүй үр дагавар дагуулж, таны мөрөөдөл, итгэл найдвар сүйрэх болно.
Харин
та ширээн дээрээ могойн дүрсийг тавихад гэмгүй. Мөн ширээгээ элсэн
эсвэл шар өнгийн бүтээлгээр бүтээвэл зохино. Харин хоол хүнсний тухайд
гахайн махан хоолоос татгалзаарай, яагаад гэвэл могой түүнд дургүй.
Бусад талаар ямар ч хоол, амттанаар ширээгээ дүүргэж болно.
Хэрэв
та ирж буй 2013 онд их мөнгөтэй, элбэг дэлбэг, азтай байя гэвэл ногоон
лаа ширээн дээрээ тавиарай. Гэрт байгаа хүний тоогоор авахаа мартаж
болохгүй.
Харин та хайр дурлалтайгаа учрахыг хүсвэл гал улаан өнгийн
лаа асаа. Эрүүл мэнддээ санаа тавьдаг хүмүүс цагаан лаатай шинэ оноо
угтаарай.
Би өөрөө жил бүр ийм нэгэн ёслол хийдэг. Тавган дээр уут
будаа асгаад өнгө өнгийн нийт 12 ширхэг лаа асаадаг. Цагийн зүү шөнө
дундыг зааж, 12 удаа хонх цохихыг хүлээнэ. Эхний хонх дуугарахад анхны
лаагаа асаа. Ингээд хонх цохих тоолонгоор нэг нэгээр нь лаа асаасаар 12
удаа цохиж дуусахад бүх лаа асах ёстой. Ингээд бүтэн жилийн мөчлөгт 12
хүслээ шивших юм. Миний бүх хүсэл үргэлж биелдэг. Таных ч бас тэгнэ гэж
найдаж байна. Хамгийн гол нь дандаа эерэг, өөдрөг хүсэл мөрөөдөл байх
ёстойг та нар хэлүүлэлтгүй ойлгосон байх. Жишээлбэл хэрэв он солигдох
мөчид бүх хүн нэгэн зэрэг улс орныхоо төлөө залбирвал тэр орон урагшаа
үсрэнгүй хөгжих нь гарцаагүй.
Харин нэг зүйлийг сэрэмжлүүлэхэд хэнд
ч, хэзээ ч муу зүйл хүсч болохгүй, үйлийн үрээр танд эргээд ирэх болно.
Та ёслолын дараа энэ бүхнээ гэртээ бүтэн жилийн турш хадгалаарай.
Могой
жилийн сахиус бол маргад эрдэнэ. Мөнгө дуудах, азын тэнгэрийг өөртөө
татахыг хүсвэл “муурын нүд” үнэт чулуу хэрэгтэй. Бүтэн жилийн турш
хамгаалах сахиус нь мөнгөн хүрээнд шигтгэсэн сарны чулуу юм.
ta buhendee az jargal husie^^~~^^