Moderator: mgl_300
Таны сэтгэл санаа ямар нэгэн зүйлд зовниж, бухимдаж, тархи толгой тань бүрэн амрахгүй, ажил үйлс тань тэр бүрий санаснаар бүтэхгүй болж, эргэн тойронд тань үл ойлголцох, үп итгэх, эргэлзэж тээнэгэлзэх, маргаан шуугиан салахгүй дагаад байгааг анзаарч эхэлсэн бол та стресст өртсөн байх магадлалтай тул яаран хэн нэгнийг буруутгах юмуу, эсвэл шийдвэр гаргах гэж яаралгүй, уужуу ухаанаар сайтар эргэцүүлэн тунгааж бодож үзээрэй.
Аливаа асуудлыг аль талаас нь харж, авч үзэж байгаагаас үр дүн нь ихээхэн хамааралтай болохыг та амьдралын туршлагаараа гадарлах байх.
Стресс гэж юу вэ?
Гадны ямар нэг тааламжгүй нөлөөллүүдийн улмаас, жишээлбэл,
- Мухардалд орох,
- Өвчлөх,
- Өрөнд орох,
- Сэтгэл санааны дарамт шахалтад өртөх,
- Осол гэмтэл,
-Байгалийн гамшигтай тулгарах гэх мэтээр таны бие сэтгэлд таагүй мэдрэмж төрж эхэлдэг бөгөөд үүнийг стресс гэж нэрлэдэг.
|
Та тайван амгалан байдлаа алдаж, таагүй байдалд ордог уу?
Жишээ нь,
-Сэтгэл зовних, түгшиж,
-Айж,
-Гутарч,
-Гомдож,
-Уурлаж,
-Өширхөж,
-Үзэн ядаж,
-Хардах... гэх мэт.
Эдгээрийг улам цааш нь ургуулан бодож, энэ байдлаасаа болж
-Өөрийгөө хянах чадвар алдагдаж,
-Байн байн бухимдаж уурлах,
-Уйлах,
-Хэт их шингэн уух,
-Их идэх,
-Тамхиа бүр л ойр ойрхон татах,
-Архийг ч мөн адил ойрхон ойрхон уугаад байх дуртай болсон бол,
-Эсвэл нойр ч хүрэхгүй,
-Хоол орохгүй болчихоод байгаа бол... стресстэй нөхөрлөж эхэлсэн нь тэр.
Их идэхгүй гэж бодсон хирнээ нэг мэдэхэд
-Их идчихдэг,
-Байн байн янз бүрийн юм идмээр санагдаад байдаг,
-Үүнтэй холбоотой биеийн жин нэмэгдэж, хөдлөхөөс ч дургүй хүрдэг,
-Эсвэл хүчлээд идэх хэрэгтэй гэж албадсан ч хоол идэх ямар ч дуршилгүй болж,
-Хүмүүстэй, найз нөхөдтэйгөө ч уулзаж харьцмааргүй, ганцаараа тайван баймаар санагдаад байх,
-Утсaaр ч ярьмааргүй,
-Гадагшаа ч гармааргүй,
-Үзвэр үзэхээс ч татгалзаж,
-Олны дунд байхаас цааргалаад байдаг болсноо ухаарч ойлгох хүртлээ энэ байдал үргэлжилдэг.
Харин өөрийгөө өөр болсныг мэдмэгцээ,
-Гадна үзэмжээ нэг л өдөр анзаармагцаа улам шаналж, ичиж зовж, стрессийн байдлаа гүнзгийрүүлж эхэлдэг.
Ингээд гарах гарцаа олохгүй төөрч эхэлдэг. Ийм үед сэтгэл засалч эмч нар цаад учир шалтгааныг нь олж, тайлбарлаж, стрессээс гарах гарцыг нь зааж зөвлөж өгдөг. Гэхдээ сэтгэл засалчид хандаж чадмааргүй бол дотнын найз нөхөд юмуу ойр дотнынхоо хүмүүстэй ярилцаж байхад ч байдал эрс дээрддэг.
Харин буруу зөвлөгч таарвал тусгүй л дээ.
Стресс юунаас, хаанаас, хэнээс болж үүсээд байна вэ?
Энгийн ард иргэдийг нийтээр нь стресст оруулдаг хүчин зүйлүүд гэж бий. Үүнд: -Дайн байлдаан,
-Зэвсэгт халдлага,
-Улс төрийн хараат байдал,
-Колончлол,
-Цагаачлал,
-Эдийн засгийн хямрал,
-Ядуурал,
-Ажилгүйдэл
Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!
Тэвчээр барагдаж, нөхөд чинь орхивч
Тэнгэр шиг бай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...
Хамгийн хайртай хүн чинь хаяж одсон ч
Хан тэнгэр нурчхаагүй цагт, бүү зов!
Гүтгэж, доромжилж бахаа ганц хангавч
Гүн тэнгэр хэмхрээгүй цагт, бүү ай!
Өвчин зовлонд нэрвэгдэж, тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март!
Яг л амьдрал чинь дуусаж, явах замгүй болсон ч
Яадгаан алдалгүй хүлээ, тэнгэр шиг бай!
Яруухан санаа мехөсдөж, хулгай зэлгийд өртсөн ч
Ядмагхан амьтдыг бүү тоо, тэнгэр шиг бай
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болох үйл бүтээ!...
Гаднаан ямагт бусдаас доорд бай, даруу бай
Гайхуулах хэрэггүй, дотроон тэнгэр мэт агуу бай!
Үг яриа хэрэггүй газарт харцаараа өгүүлж сур,
Үнэн худлыг ялгах аргагүй цагт бурхандаа залбир!
Өнөөдөр чамайг маргааш бусдыг хуурах хүмүүст
Өөр шигээ бүү итгэ, мөрийг хөөж чигийг барь!...
- Холбоотой бичлэг :
- http://www.mglclub.com/2312727/0cc/trackback
