Moderator: mgl_300
Бичлэгийн тоо 42,366
Олны сэтгэлийг сэртхийлгэсэн энэ хэрэг Сонгинохайрхан дүүрэгт уржигдар гарчээ. Нярай хүүхдээ хөх няц болтол нь зодож, улмаар хүнд гэмтэл учруулсан эцэг, эх ямар хүн болохыг өчигдөр сурвалжиллаа. Охиныг хүчирхийлсэн байж болзошгүй гэнэ Бяцхан охины аав, ээж Сонгинохайрхан дүүргийн XIX хорооны хоёрдугаар байрны орцонд жижүүр хийдэг юм байна. Аавыг нь Лхагвасүрэн, ээжийг нь Цоомоо гэдэг аж. Тэд 30 гаруй насны улс гэнэ. Гэтэл өөдсийн чинээ нялх үрдээ гар хүрч, зүй бус авир гаргасан нь архинаас үүджээ. Хоорондоо маргалдаж, согтуурхсан тэр уураа дөрөвхөн сартай охиндоо гарсан байна. Ээж нь хүүхдээ хана руу шидэж, харин аав нь хоёр хацрыг хөхөртөл нь алгадсан байх юм. Жижүүр эмэгтэй хүүхдээ тэвэрсээр СӨХ-ныхоо байранд уржигдар 16 цагийн орчимд орж иржээ. Тэрбээр “Хүүхдээ орон дээрээс унагчихлаа. Одоо яах уу” хэмээн СӨХ-ны ажилтнуудад тайлбарласан байна. Тэд хүүхдийн хоёр хацар хөхөрсөн байхыг хараад халамцуу эхийнх нь үгэнд итгэлгүй “Чи хүүхдээ зодсон юм биш үү. Орон дээрээс унахад ингэж хөхрөхгүй” гэсээр өлгийг нь задлахад живхтэй хэрнээ хөл нь даарчихсан, толгой нь халуу шатаж байжээ. Гэхдээ охины бие дээр ямар нэгэн шарх сорви харагдаагүй гэнэ. Харин түүний ээж Цоомоо “Би хүүхдээ зодоогүй ээ. Орон дээрээс уначихсан юм” хэмээн өөрийгөө зөвтгөсөөр байж. Ямартай ч СӨХ-ны ажилтнууд мөнгө цуглуулаад охиныг тэврэн бариачид очжээ. Тэр хавьдаа хүн ихээр цуглардаг бариач эмгэнээр охины толгойг бариулсан байна. Тэд “Хүүхдээ сайн хараарай. Архи битгий уугаарай” гэж захиад орц руу нь хүргэсэн аж. Ажлын цаг ч дуусч СӨХ-ны ажилтнууд гэр гэр рүүгээ харихаар болжээ. Ингэхдээ орцны жижүүрүүдийн ахлагч Пүрэвхүүд охиныг ажиглаж, бие нь тавгүйрхээд байвал эмнэлэгт очихыг зөвлөжээ. Гэтэл 18 цаг өнгөрч байхад Цоомоо “Хүүхэд маань татаад байна” гэж ахлагчаа дуудсан байна. Тухайн үед охины бие нь сулраад мөөмөө хөхөж чадахгүй, сүүгээрээ гулиган үе үе таталт өгчээ. Пүрэвхүү охиныг аваад ээжтэй нь хамт дүүргийнхээ Нэгдсэн эмнэлэгт очсон аж. Хүүхдийн эмч нар нярайд үзлэг хийхэд хамаг бие нь хөрчихсөн, 39 хэмийн халуунтай байсан гэнэ. Живхийг нь тайлахад бэлэг эрхтэнд өөрчлөлт орж, хавдаад хүрэн улаан өнгөтэй болсон байжээ. Энэ нь охиныг зүй бусаар оролдож, улмаар хүчирхийлсэн байж болзошгүй гэх таамгийг олон хүнд төрүүлжээ. Охины ээж тэдэнд үнэнээ хэлж, “Нөхөр маань зодчихсон юм” хэмээхэд эмч нар энэ тухай цагдаа нарт дуулгажээ. “Орцны жижүүр дөрвөн сартай хүүхдээ уйлаад дуугай болохгүй байхаар нь зодлоо” гэх дуудлага 102-т ирснээр охины эцэг Ц.Лхагвасүрэнг дүүргийн цагдаагийн хэлтсийнхэн саатуулсан байна. Хүүхдээ аваад эмнэлгээс оргосон байна Дүүргийн эмч нар охиныг хүнд гэмтэл авсан учраас Гэмтэл согог, сэргээн засварлах клиник рүү очсон нь дээр гэжээ. Тэд 21.30 цаг гэхэд гэмтлийн эмнэлгийн Хүлээн авахад ирж, охныг оношлуулахаар рентген зураг авхуулсан байна. Гэтэл охин нуруу, нугасандаа хүнд гэмтэл авсан болохыг тогтоожээ. Ингээд түүнийг гэмтлийн эмнэлгийн Тархи, нуруу нугасны тасагт шилжүүлсэн аж. Харамсалтай нь Цоомоо өөрийнхөө гаднах төрхөөсөө ичиж, хүнд бэртсэн охиноо аваад эмнэлгээс оргожээ. Уржигдар 23 цагийн орчимд Цоомоо хүүхдээ тэврээд орцондоо ирэхэд нөхөр нь байхгүй байж. Тэрбээр тэндээ хоносныг СӨХ-ныхон мэдээд ихэд гайхан лавлахад “Би углаашгүй байсан болохоор санаа зовоод гараад ирлээ. Өнөөдөр очъё” гэжээ. СӨХ-ны ажилтнууд Цоомоогийн эгчтэй нь холбогдоод болсон явдлыг хэлж, хүүхдийг нь эмнэлэгт хүргэхийг шаардсан байна. Тэд өчигдөр 14 цаг гэхэд охиныг эмнэлэгт хүргэхээ хэлжээ. Охины биеийн байдлыг тодруулахаар 16 цагт гэмтлийн эмнэлэгт очиход байсангүй. Эмч, сувилагч нараас асуухад “Шөнө хүүхэдтэй эмэгтэй ирчхээд яваад өгсөн” гэснээс өөр хэлсэнгүй. Ямартай ч охины биеийн байдал тааруу, дуу ч гарахгүй байсан тухай өвчтөнүүд хэлсэн юм. Эцэг эх байх эрхийг нь хасъя Араатан амьтан ч үр, төлөө аюулаас хамгаалдаг байтал оюун ухаант хүн төрсөн үрдээ адгуусаас доор хандсан эцэг, эх хэн бэ. Охины аав Ц.Лхагвасүрэн гэгч нь олон жил траншейгаар тэнүүчилсэн нэгэн аж. Түүнийг “Махын атаман заазуур Лхагва” гэхээр тэндхийн хүнд гарууд анддаггүй гэнэ. Өдгөө 36 настай тэрбээр Цоомоотой танилцаж, анхныхаа үрийн зулайг үнэрлэжээ. Харин Цоомоо заазуур өөрөө ахимаг насны Лхагватай танилцсанаас хойш гэрээсээ дайжин гудамжаар хоног төөрүүлэх болсон байна. Түүний сургуулийн насны нэгэн хүү өвөө, эмээ дээрээ амьдардаг аж. Цоомоог гэрээсээ явахаас өмнө ар гэрийнхэн нь жил болгон сэтгэцийн эмчилгээнд явуулдаг байсан гэнэ. Лхагвасүрэн, Цоомоо жил гаруйн өмнө 21 дүгээр хорооллын “Од” СӨХ-д орцны жижүүр хийх болжээ. Өдөр шөнөгүй архи ууж, гудамжны тэнэмэлүүдийг цуглуулдаг тэдэнд оршин суугчид дургүйцэж эхэлсэн гэнэ. Тиймдээ ч тэд сар гаруйн дараа ажлаасаа гарчээ. Тухайн үед Цоомоо давхар биетэй болсон байж. Гэтэл саяхнаас тэд өлгийтэй хүүхдээ тэврэн хуучин ажиллаж байсан газраараа эргэлдэх болсонд СӨХ-ныхон нинжин сэтгэл гаргаж, ажилд нь буцаан авчээ. Ингэхдээ тэднээс дахин архи уухгүй гэсэн ам өчгийг нь авсан аж. Харамсалтай нь тэд ажилд орсныхоо маргаашаас архи ууж, хэд хэдэн удаа өгөөд нэмэргүй болохоор нь хоёр хоногийн өмнө ажлаас нь халчихсан байжээ. Харин очих газаргүй тэд жижүүрийнхээ байрыг чөлөөлж өгөхгүй, СӨХ-ны ажилтнуудыг харахаараа зугтан, өдөр нь гадуур тэнэж, оройдоо орцондоо хонодог байсан гэнэ. Өдрийн цагаар гадуур хог түүдэг, траншейны хүмүүстэй нийлэн архиддаг байна. Харин, учраа мэдэхгүй өлгийтэй охин тэнэмэлүүдийн гар дамжин өнждөг тухай тэндхийн оршин суугчид халаглаж байлаа. Энэ мэт төрсөн мах, цусныхаа тасархайг хайрлан хамгаалах үүргээ ухамсарладаггүй тэдний эцэг, эх байх эрхийг хасах манай улсын хууль бий. Гадны улс орнуудад иймэрхүү хүүхдийнхээ эрхийг өчүүхэн төдий зөрчсөн аав, ээжид төр төмөр нударгаа харуулдаг. Эцэг, эх байх эрхийг нь хасахаар барахгүй насаар нь шоронд суулгаж, цаазаар авах ял хүртэл ногдуулдаг хуультай. Харин манай улсад хүүхдийн эрх хамгийн ихээр зөрчигдөж байгаагийн тод жишээг дээрхтэй адил олон хэргүүд гэрчилдэг. Жишээлбэл, өргөмөл аавын бэлгийн дарамтад есөн жил амьдарсан охины тухай өмнө бид мэдээлж байсан билээ. Хөөрхий охиныг бэлгийн хүчирхийлэлд өртөж байгааг өргөмөл ээж нь мэдсээр байж нэг ч үг дуугараагүй. Мөн таван настайдаа хойд эцэгтээ болон түүний дүүд хүчиндүүлсэн охин сэтгэцийн өөрчлөлттэй болжээ. Тэрбээр одоо долоон настай. Гэтэл ээж нь охиныхоо эрхийг хамгаалж хаана нь хандаагүй байна. Харин ч охиныг нь хүчирхийлсэн нөхөртэйгөө одоо болтол амьдарсаар байгаа аж. Саяхан гэхэд долоон настай хүү гурван настай дүүгээ дүрэлзсэн галаас аварч, Ерөнхийлөгчөөс “Шударга журам” медаль хүртсэн билээ. Хүүхдүүдийг ээж нь эзгүй гэрт орж унт гэчхээд өөрөө байшиндаа амарч байтал гал гарсан байдаг. Хүүхдүүдээ өсгөн, хүмүүжүүлэх үүрэгтэй тэр ээж хүүхдүүдийн унтаж байсан гэр шатаад дуусч байхад сэрсэн юм. Азаар хүү сэргэлэн тулдаа дүүтэйгээ дүрэлзсэн галаас эсэн мэнд гарч чаджээ. Гэтэл ээж нь ертөнцийн эзэндээ талархлаа гэж баярлаад л байсан. Ийнхүү монголд аав, ээжүүд үр хүүхдийнхээ өмнө үүрэх хариуцлагаа умартах явдал давтагдсаар байна. Энэ тал дээр хүүхдийн эрхийг хамгаалдаг байгууллагууд анхааралдаа авч, хуульдаа ч тод тусгаж өгөх хэрэгтэй. Хүмүүний хувь тавьланг зүүний үзүүрт нэг ширхэг арвай буудай тогтохтой зүйрлэдэг. Бурханаас заяасан тэрхүү аз жаргалаа эдэлж чадахгүй байгаа хүмүүсийн эцэг, эхийнх нь эрхийг хасч, улс хүүхдийг нь ивээлдээ авдаг болгоё. М.МӨНХЦЭЦЭГ
Нар шингэхэд гэгээн хайр жаргахгүй
Нас өтлөхөд нандин хайр уйдахгүй
Намар болоход ариун хайр гандахгүй
Нэг л насаараа мөнх хайр минь бөхөхгүй
Үүрд хайрлая чамайгаа
- Холбоотой бичлэг :
- http://www.mglclub.com/2530215/4ae/trackback
элий балай ийм мунхаг хүмүүсийг хорвоо яаж даадаг байнаа
eoooe ysn setgel emtermeer ym be tiim humuus yah gej huuhed gargadag baina aa muuhai humuus ve
buzar hun svg tsarailsan yumnuud ih zovoh tsag baijil taaraa tegj zovoh bsan uiliin urtei bsan huuhed yum bailguidee orovdmoor yum, bas huchin hiisniig bas tsaazlah huuli gargah heregteishd!! eh hvn bloh gej horood ircheed buzar yumnaas bolj bieree togluulna gdg........ uneheer aimaar zuil!!!!!!!!
Oroi unshichihaad untsan bodogdood noir hurehgui ih zovloo. Etseg eh baih erhiig ni shuud hasah heregtei.... evii gej.4 hun sartai shuudee yur ni hedtei ch bai huuhdiig uuruu uuriiguu hamgaalj chadahguig ni dalimduulaad iim hun bish etseg ehchuud iimerhuu buzar hereg ih hiij bainaaa...Tsaazaar avsan ch yadiiin be?..... mash hatuu huulitai boloh yumsan.
arai ch dee, 4n nas bish 4hon sartai ulaan nyalzrai amitniig yaj tegj gemttel ni zodoj chaddag bainaa, araatnaas door avirtai bolj dee hunii chanar, eh hun ingeheer chin etseg ni ch yaj hairlavav dee, aimshigtai.....ter jaahan amitniig ulsiin hamgaalaltand avaad eh etseg nertei 2 araatniig ni huuliin deedeer
shiitgeh heregtei!
shuud alah heregtei ene hvn hvn bish ee tamlaj alah heregtei
