Moderator: mgl_300
Бичлэгийн тоо 42,366
Би одоо 25 хүрч байна өнгөрсөн хугацааг би зөвхөн сурах ажиллаахад л зориулсан гэхдээ үүндээ харамсдаггүй харин ч үүнийхээ ачаар тодорхой амжилтуудад хүрсэн. Одоогоор ажил дээрээ нэр хүндтэй сайн ажиллаж ирэх намар хүн бүгдийн л очхийг хүсдэг газарлуу докторт суралцахаар явах гэж байгаа. Хэдийгээр өнгөцхөн харахад миний амьдрал сайхан мэт боловч дотроо ямар нэгэн зүйлийг үгүйлэж явдаг. Би нэг ч удаа хүнтэй үерхэж байгаагүй эхлээд яагаад гэдгээ мэддэггүй байсан уг нь үерхэе найзлая гэсэн хүмүүс байсан даанч би нэгэнд нь ч боломж өгч байгаагүй. Өөрөөр хэлбэл эрэгтэй хүмүүстэй найзын хэмжээнд байж чаддаг ч илүү дотносох хандлага гаргах бүрт нь зайгаа барин зугтдаг байсныхаа учрыг саяхан л ойлгосон. Намайг 3-р ангид байхад хажуу айлын ах намайг хүчирхийлэхийг оролдсон гэхдээ аз болоход ээж орж ирж таараад би аврагдсан гэхүү дээ. Би тэр үед дөнгөж 10 настай жаахан охин байсан болхоор сексийн талаар ямар ч ойлголтгүй байж. Гаж донтой хүн л ийм жаахан хүүхдийг оролддог байх даа энэ явдлын дараа ээж намайг загнаад иймэрхүү явдал нь маш муу зүйл гэж ойлгуулсан.
Энэ явдлыг тэгсхийгээд мартсан ч насанд хүрсэн хойноо ямар муухай зүйл байсныг нь ойлгож жигшсэн. Эндээс эхлээд л би эрчүүдийг үзэн ядаж эхэлсэн байх харамсалтай нь үүнийг бүхэл амьдралийнхаа туршид үргэлжлэнэ гэж бодсонгүй. Уг нь би ингэж амьдрахыг хүсээгүй бусдын л адил сайн хүнтэй сууж хүүхдүүдтэйгээ сайхан амьдрана гэж боддог байсан. Найзуудынхаа ятгасанаар саяхан өөрийгөө хүчлэн байж нэг залуутай уулзаж байсан ч сайн хүнийг гомдоогоод л салсан даа. Цаашид юу болохыг хэлж мэдэхгүй л байна. Би үүнийг бичсэнээрээ хэн нэгнийг өөрийнхөө өмнөөс буруутгахыг оролдсонгүй зөвхөн эрчүүдийгээ хийж байгаа үйлдэлдээ хариуцлагатай байхгүй бол хожим нь ямар үр дагаварт хүрч болохыг бодож жаахан ч гэсэн ухамсартай хандаж байгаасай л гэж хүсэж байна.