Moderator: mgl_300
Бичлэгийн тоо 42,366
Дасгал хий. Стрессийн үед булчингууд агшиж "тагларах" нь бий. Иймд сэтгэлийн тайвширлыг олохын тулд бие бас амрах хэрэгтэй.
Хоёр. Хоолны дэглэм баримтал. Гутранги байдалд орсон зарим хүн юу ч идэхгүй байх эсвэл "стрессээ дарахын тулд" хэтрүүлэн идэх нь бий. Ингэвэл байдал бүр хүндэрч өвчилж болзошгүй. Аминдэм ихтэй хоолыг тохируулж идэх нь зөв.
Гурав. Сэтгэлийг тань юу зовоож байгааг цаасан дээр буулга. Гурав дахин уншаад шатаа. Одоо энэ асуудал таныг шаналгах ёсгүй. Харин шийдвэрлэх, урагш явах талаар л хичээл зүтгэл гарга.
Дөрөв: Өөрийн гадаад дүр төрхөө өөрчил. Энэ нь маш үр дүнтэй. Үс, хувцаслалт, цүнх зэрэг хуучин имижээ шинэчилж өөрчил.
Тав: Ашигтай зуршил, хэвшлийг бий болго. Жишээ нь хэт их унтдаг бол эрт босох, гэр орны ажлаа амжуулах гэх мэт сэргэг "эрт сэрдэг хүнд бурхан өгдөг" гэсэн үг бий. Өглөө хүний толгой, ажиллах чадвар илүү байдаг байна.
Зургаа: Асуудлыг бусадтай хуваалцаж сур. Ойр дотныхон, найз нөхөддөө энэ тухай ярь. Тэд ч танд туслахыг л хичээнэ. Бусдад ярьснаар сэтгэл онгойх, хямрал тайлагдах нь олонтаа. Харин дотроо хадгалаад, битүүхэн шаналаад байдаг хүмүүст стресс илүү хүнд тусдаг.
Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!
Тэвчээр барагдаж, нөхөд чинь орхивч
Тэнгэр шиг бай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...
Хамгийн хайртай хүн чинь хаяж одсон ч
Хан тэнгэр нурчхаагүй цагт, бүү зов!
Гүтгэж, доромжилж бахаа ганц хангавч
Гүн тэнгэр хэмхрээгүй цагт, бүү ай!
Өвчин зовлонд нэрвэгдэж, тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март!
Яг л амьдрал чинь дуусаж, явах замгүй болсон ч
Яадгаан алдалгүй хүлээ, тэнгэр шиг бай!
Яруухан санаа мехөсдөж, хулгай зэлгийд өртсөн ч
Ядмагхан амьтдыг бүү тоо, тэнгэр шиг бай
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болох үйл бүтээ!...
Гаднаан ямагт бусдаас доорд бай, даруу бай
Гайхуулах хэрэггүй, дотроон тэнгэр мэт агуу бай!
Үг яриа хэрэггүй газарт харцаараа өгүүлж сур,
Үнэн худлыг ялгах аргагүй цагт бурхандаа залбир!
Өнөөдөр чамайг маргааш бусдыг хуурах хүмүүст
Өөр шигээ бүү итгэ, мөрийг хөөж чигийг барь!...
- Холбоотой бичлэг :
- http://www.mglclub.com/2815711/d9b/trackback
