Moderator: mgl_300
Бичлэгийн тоо 42,366
Өөртөө тохиолдсон явдлыг бичих гэсэн юм. Ингэвэл дотор уужрах юм шиг санагдаад……….Би нэг газар хамт ажилладаг, гэхдээ урд нь таньдаггүй байсан нэг залуутай өнгөрсөн оны 10 р сард танилцаад уулзаж эхэлсэн юмаа. Тэр миний төсөөлдөгтэй адил сайхан залуу биш ч гэсэн надад сайн ханддаг, дээрээс нь миний найзуудад тэр их таалагддаг, найзууд маань ёстой ухаантай, даруухан сайн залуу чамд энэ хүн л хань болно гэнэ. Найзуудыгаа ингэж хэлээд байхаар нь нээрээ ч би сайн хүнийг цааш нь түлхчих вий
дээ гэсэн бодол хааяа төрдөг болж , сүүлдээ тэр надад таалагдаж эхэллээ. Тэгээд одоогоос 1 сар гарны өмнөх тэр нэг шөнө тэрэнтэй унтчихсан. Надад тэрний секс их таалагдсан. Бараг л анх удаа тэр хүнээс сексийн таашаал авч үзсэн гээд бод доо. Дахин уулзлаа , тэгээд унтлаа, дахиад л бөөн таашаал………………………..Өнгөрсөн 7 хоногийн эхээр жирэмсэн болсноо мэдлээ. Аймаар том шоконд орсон. Ойрын 2 жилд хүүхэдтэй болох бодол байгаагүй, тэгээд ч өөрийнхөө амьдралыг арай гэж авч яваа надад цагаа олж ирээгүй энэ хүүхэд баяр баясгалан биш гуниг харууслыг дагуулж авчирсан юм шиг санагдаж байлаа. Тэгээд хэд хоногийн өмнө өөрийнхөө би л лав хэзээ ч тийм юм хийлгэхгүй гэж боддог байсан нөгөө аборт гэдэг зүйлийг хийлгэсэн. Эмнэлэг руу хүүхдийн эцэгтэй цуг очсон л доо. Ээ бурхан минь тэр аборт гэдэг чинь ёстой хүсэх зүйл биш байна лээ. Жирэмсэн болсноо мэдээд 2 хоносныхоо дараа олон юм бодолгүй шууд л абортонд орчихсон юм.Угаасаа л хүсээгүй хүүхэд юм чинь авхуулчихвал бүх зүйл эргээд хэвэндээ орчихно гэж бодож байсан.Гэтэл сэтгэл минь нэг л сонин болчихоод байнаа. Нэг л эзгүйрээд сав л хийвэл тэр хүүхдийн тухай бодоод байх юм. Хөөрхий ээлжээ хүлээж хүлээж за одоо л би хүн болох нь гээд хичнээн баяртай надад ирсэн болоо. Тэгээд хүн болж чадалгүй буцаад явахдаа аав ээжийнхээ баяр баясал болоод хүн болохоор үлдэж байгаа хүүхдүүдэд мөн ч их атаархсан байх даа. Ингэж бодохоор л нулимс урсаад………….Анхны минь бяцхан үр минь даанч надад цагаа олж ирсэнгүй дээ. Яаж ийж байгаад гаргачихсан бол , ямар хөөрхөн амьтан байх байсан бол доо. Ядаж байхад тэр хүүхэд миний анхных шүү дээ. Миний биед ч гэсэн энэ аборт нь сайнгүй. Гандан гарч ном уншуулсан, тэглээ гээд сэтгэл минь дээрдсэн юм алга. Би ийм юм бодоод гуниглаад байх юм. Магадгүй зарим нэг хүнд энэ ямар тэнэг хүүхэн бэ гэсэн бодол орж ирэх л байх. Гэхдээ зарим нь ойлгох байх аа. Аав ээж, найз нартаа хэнд нь ч хэлээгүй. Тэр залуу надтай ийм юм ярьж миний сэтгэлийг онгойлгох нь бүү хэл , яаж энэнээс аятайхан салъя даа гэж дотроо бодож байгаа байх оо. Эцсийн эцэст энэ бүхэн миний тэнэглэл, түрхэн зуурын жаргалд толгой мэдүүлснээс л үүдсэн асуудал. Энэ сайтыг тэр залуу их уншдаг гэсэн. Магадгүй тэр энийг унших байх. Бас бид 2 нэг газар ажилладаг, тэр нэг өдөр нэг хүнд ам алдчихдаг , тэр нь цаашаа яриад л өө нөгөө тэр чинь тэрэнтэй айлгүйтэж ангалзаж яваад тэрнээсээ хүүхэдтэй болоод абортонд орсон гэсэн шүү гээл бөөн яриа гарах байх даа. Угаасаа л хүн хүнийхээ мууд дурлаж, муу муухайг нь сонсоод баярлаж байдаг юм чинь. Эмэгтэй хүн болж төрнө гэдэг хэцүү юм даа. Ажил дээрээ хичнээн мэрийгээд ч дээшээ гарахгүй, ганц нэг хүнтэй уулзсаныхаа төлөө янхан нэр авах шахна …………………….За за санаанд орсон зүйлээ ямар ч найруулгагүй биччихлээ. Угаасаа ч сэтгүүлч зохиолч биш, энэнээс илүү бичнэ ч гэж юу байхав
Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!
Тэвчээр барагдаж, нөхөд чинь орхивч
Тэнгэр шиг бай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...
Хамгийн хайртай хүн чинь хаяж одсон ч
Хан тэнгэр нурчхаагүй цагт, бүү зов!
Гүтгэж, доромжилж бахаа ганц хангавч
Гүн тэнгэр хэмхрээгүй цагт, бүү ай!
Өвчин зовлонд нэрвэгдэж, тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март!
Яг л амьдрал чинь дуусаж, явах замгүй болсон ч
Яадгаан алдалгүй хүлээ, тэнгэр шиг бай!
Яруухан санаа мехөсдөж, хулгай зэлгийд өртсөн ч
Ядмагхан амьтдыг бүү тоо, тэнгэр шиг бай
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болох үйл бүтээ!...
Гаднаан ямагт бусдаас доорд бай, даруу бай
Гайхуулах хэрэггүй, дотроон тэнгэр мэт агуу бай!
Үг яриа хэрэггүй газарт харцаараа өгүүлж сур,
Үнэн худлыг ялгах аргагүй цагт бурхандаа залбир!
Өнөөдөр чамайг маргааш бусдыг хуурах хүмүүст
Өөр шигээ бүү итгэ, мөрийг хөөж чигийг барь!...
- Холбоотой бичлэг :
- http://www.mglclub.com/2933533/d1b/trackback
elgemsuu bitgii hund hereggui iimerhuu sedeb oruulch bgaach
ЧИ ӨӨРИЙГӨӨ ХАЙРЛАХГҮЙ БОЛ ЧАМАЙГ ЭР ХҮН ХАЙРЛАХГҮЙ Ш ДЭЭ