Зарим судлаачийн нотолсноор эмэгтэй хүний үтрээний урд талын тодорхой хэсгийг цочрооход дур ханаж, шээсний сүвээс нь шингэн ялгардаг байна. Үүнийг эмэгтэйчүүдийн дур тавилт гэж нэрлэдэг. Энэ үзэгдлийг анх Эрнист Граффенберг гэдэг эмэгтэйчүүдийн эмч 1950 онд нээсэн бөгөөд энэ цэгийг түүний нэрээр нэрлэжээ. Жи-цэгийг үтрээний урд хананд умдагны яс, умайн хүзүү хоёрын дунд орчим байрладаг гэж үздэг. Жи-цэгийг олохдоо хоёр хуруугаараа үтрээний хэсгийг тэмтэрч, нэлээд чанга дарах хэрэгтэй аж. Жи-цэг дээр дарахад эхлээд шээс хүрч байгаа мэт мэдрэмж төрж, хэдэн секундын дараа энэ нь бэлгийн маш тааламжтай мэдрэмжээр солигддог ажээ. Цочролыг цааш нь үргэлжлүүлбэл дур ханаж, шээсний сүвээс шингэн ялгардаг байна. Ийнхүү ялгарсан шингэн найрлагаараа үндсэндээ үрийн шингэнтэй адилхан боловч эр бэлгийн эс агуулдаггүй байна. Харин хэмжээний хувьд янз бүр бөгөөд зарим эмэгтэй шээчихлээ ч гэж үзэхээр их хэмжээтэй ялгарах нь бий.
 
Судлаачдын үзэж байгаагаар шээсний сувгийн орчмын булчирхай энэ шингэнийг ялгаруулдаг бөгөөд үүнийг "эмэгтэй хүний түрүү булчирхай" ч гэж нэрлэх нь бий. Учир нь ялгаруулсан шингэнд нарийвчилсан химийн шинжилгээ хийхэд түрүү булчирхайн шүүрэлд агуулагддаг зарим бодис илэрсэн байна. Гэвч одоо ч гэсэн Жи-цэг болон үүнтэй холбоотой асуудлыг гүйцэд судлаагүй байна.
Тухайлбал, Жи-цэг цочирсноос дур ханах нь хэлүүгээр дур ханахаас физиологийн хувьд ялгаатай эсэх, Жи-цэг цочирч дур ханаж байгаа зарим тохиолдолд шингэн ялгардаггүй зэрэг гээд тодроогүй асуудал хэвээр байна. | 
