Эцэг эх асран хамгаалагч та бүхэн хүүхдийнхээ хөгжлийн түвшинг үнэлэхдээ түүний насанд тохирсон бүлэг үзүүлэлтүүдийг анхааралтай уншихыг зөвлөж байна. |
Хэрвээ хүүхэд насандаа тохирсон дээрх бүлэг үзүүлэлтүүдээс нэг буюу хэсэг бүлгийг хийж чадахгүй байвал эцэг эх, асран хамгаалагч та эрүүл мэндийн ажилтан, багш, сайн дурын идэвхтэнд хандаж зөвлөгөө аваарай. |
Нярай хүүхэд
Бие бялдрын хөгжил - Хөхөө хөхөж чадна. - Тайван унтана. - Түрүүлгэ нь харуулан хэвтүүлэхэд эрүүгээ бага зэрэг өргөнө. - Гарт нь бариулсан бүхнийг атгана.
Oюуны хөгжил - Ойрхон буюу 15-20 см-ын зайд байрлуулсан зүйлийг тогтоож харна. - Дуу чимээ гарсан зүг рүү толгойгоо эргүүлнэ. - Шээсэн, өвдсөн болон өөрт нь таагүй байгаа үед уйлна.
Hийгэмшихүйн хөгжил - Эхийгээ танина. - Бусдын анхаарлыг татах гэж уйлна. - Эцэг эхийнхээ хайр энхрийллийг мэднэ. |
1 сартай хүүхэд
Бие бялдрын хөгжил - Түрүүлгэ нь харуулж хэвтүүлэхэд түр хугацаанд толгойгоо өргөнө. - Толгойгоо өргөх гэж оролдоно.
Oюуны хөгжил - Хүний царай болон тод өнгийн зүйлсийг сонирхож харна. - Өөрөөс нь 20-30 см зайд байрлуулсан хөдөлж буй зүйлийг дагуулж харна. - Ганганана
Hийгэмшихүйн хөгжил - Эцэг эхийгээ өөрт нь хандан ярихад нүүр рүү нь харна. - Хайр энхрийлэл хүссэн болон ямар нэг хэрэгцээ шаардлагатай байгаагаа уйлж илэрхийлнэ. |
2 сартай хүүхэд
Бие бялдрын хөгжил - Түрүүлгэ нь харуулж хэвтүүлэхэд толгойгоо арай удаан хугацаагаар өргөнө. - Гартаа тааралдсан зүйлийг атгана.
Оюуны хөгжил - Түрүүлгэ нь харуулж хэвтүүлсэн үед удаан хөдөлж буй зүйлийг толгойгоо эргүүлэн дагуулан харна. - Дуу чимээ гарсан зүг рүү толгойгоо эргүүлэн харна. - Өглөө сэрмэгц тайван хэвтэж ганганана.
Нийгэмшихүйн хөгжил - Эх болон ойр дотны хүмүүсээ таньж инээмсэглэнэ - Анхаарал халамж хэрэгтэй болон хоол идэхийг хүссэн үедээ уйлна. |
3 сартай хүүхэд
Бие бялдрын хөгжил - Өвөр дээрээ тэврээд зогсооход толгойгоо сайн даана. - Хөдөлж буй зүйл рүү гараа сунгаж, барьж авахыг оролдоно.
Оюуны хөгжил - Хүний дуу хоолойг сонссон, түүний нүүр царай болон бусад зүйлийг харсан үедээ хоолойгоо татан дуугарч, толгой, гар, хөлөө хөдөлгөнө. - Дуу чимээ гарсан зүг рүү толгойгоо эргүүлж, түүнийг харцаараа хайна. - Хөгжим сонсоно. - Гараараа өөрийнхөө нүүр, нүд болон аманд хүрнэ.
Нийгэмшихүйн хөгжил - Эцэг эх болон ойр дотны хүмүүсээ таньж инээмсэглэнэ. - Эх нь орхиж явахад уйлна. - Анхаарал халамж хэрэгтэй болон хоол идэхийг хүссэн үед уйлна. |
4 сартай хүүхэд
Бие бялдрын хөгжил - Түрүүлгэ нь харуулж хэвтүүлэх болон гараараа түшин суулгахад толгойгоо бүрэн даана. - Хэвтэж байхдаа эргэж хөрвөөнө. - Хүүхдийг өвөр дээрээ тэврэхэд тэнцвэртэйгээр зогсоно.
Оюуны хөгжил - Халбагаар хооллоход амаа ангайна - Ойр орчимд нь гарсан дуу чимээ болон хөдөлгөөнийг сониучхан сонсох буюу ажиглана. - Гар хүрэх зайд байгаа зүйлийг барьж авна, үзэж сонирхоно. - Түүнтэй хандан ярихад хоолойгоо татаж, дуу авиа гарган ганганана. - Түүнтэй тоглоход инээнэ.
Нийгэмшихүйн хөгжил - Эх болон түүнийг хооллож буй хүн рүү харж инээмсэглэнэ - Эхийгээ хараад баяртай байгаагаа дуу гаргах болон сарвалзах, тийчлэх байдлаар илэрхийлнэ. - Усанд оруулахад хариу үйлдэл үзүүлнэ. (Нүд нь том болж, биеэ чангалан гараа дээш өргөнө) - Шээсэн болон өлссөн үедээ уйлна. |
5 сартай хүүхэд
Бие бялдрын хөгжил - Гараараа тулж цээж болон биеэ өргөнө. - Бусдын дэмжлэггүйгээр түр хугацаагаар сууна. - Суганаас нь тулж зогсооход толгой биеэ тэгш байлгана. - Доош харуулан хэвтүүлсэн үед мөлхөх оролдлого хийнэ.
Оюуны хөгжил - Барьж буй зүйлээ нэг гарнаасаа нөгөө гартаа шилжүүлнэ. - Эд зүйлсийг сонирхож гартаа атган, амандаа хийнэ. - Хөдөлж буй зүйлд анхаарал нь татагдана - Ба, ма, га, да гэх мэт авиа гаргана
Нийгэмшихүйн хөгжил - Толинд харахдаа дуртай байна. - Бусад хүмүүс түүнтэй ярихад гараа хөдөлгөж, дуу авиа гаргана. - Эцэг эх болон бусад хүн түүнтэй тоглоход чанга дуугарч инээнэ. |
6-8 сартай хүүхэд
Бие бялдрын хөгжил - Бусдын тусламжгүйгээр сууна. - Мөлхөнө. - Сууж байх үед нь гараас нь барихад татаж босно.
Оюуны хөгжил - Эд зүйлсийг илүү хөдөлгөөний идэвхтэйгээр барьж авна. - Хөлийн хуруунуудаа хөхөнө - Нэрээр нь дуудахад толгойгоо эргүүлэн харна. - Усаар тоглох дуртай байна, зарим эд зүйлсийг таньж эхлэнэ. - Дохио зангаа болон үйлдлүүдийг хийж сурна. - Аав, ээж гэх мэтийн зарим богино үетэй үгийг хэлнэ.
Нийгэмшихүйн хөгжил - Эцэг эх болон гэр бүлийнхээ бусад гишүүдийг танина. - Ах эгч нартайгаа тогох дуртай байна. - Танихгүй хүмүүсийг хараад айж гэрэвшинэ |
9-11 сартай хүүхэд
Бие бялдрын хөгжил - Юм түшин хажуулдаж явна, богино хугацаанд ганцаараа зогсоно. - Жижиг зүйлсийг эрхий болон олоовор хуруугаараа барьж сурна.
Оюуны хөгжил - Ямар нэгэн юм рүү хуруугаараа хатгах дуртай болно. - Хөгжмийн аяар биеэ хөдөлгөнө, найгана, цогино. - Хоёр үетэй богино үгнүүд хэлж сурна. - Бусдын зааврыг биелүүлнэ. (баяртай гээрэй гэхэд гараа даллана)
Нийгэмшихүйн хөгжил - Ах эгч нартайгаа тоглоно. - Хүнд илүү дасамтгай болно. |
12-14 сартай хүүхэд
Бие бялдрын хөгжил - Ганцаараа сууна, явган сууна. - Ганцаараа зогсоно, ганц хоёр алхана.
Оюуны хөгжил - Энгийн цөөн зааврыг дагаж биелүүлэ - Эд зүйлсийн бүтцийг ихэд сониучирхана. - Зарим үгсийг хэлж сурна. - Ойр зуурын харилцан яриаг ойлгож, 10-аад үгийн нөөцтэй байна.
Нийгэмшихүйн хөгжил - Дуу сонсоод биеэ хөдөлгөнө. - Ганцаараа тоглоно. - Бие дааш хооллохдоо дуртай байна. - Заримдаа санамсаргүйгээр болон үнсэхийг хүссэн үед аав, ээжийгээ үнсэнэ. |
15-17 сартай хүүхэд
Бие бялдрын хөгжил - Богино зайд гүйхийг оролдоно. - Хоёр гараараа бөмбөг шидэхдээ тэнцвэрээ хадгалж чадахгүй унана.
Оюуны хөгжил - Амаа ангай, хэлээ гарга зэрэг жирийн үйлдэлүүдийг хийнэ. - Биеийнээ эрхтнүүдийг мэддэг болно. - Богино дуу дуулах, шүлэг унших дуртай, 30-40 үг хэлдэг болно. - Мэддэг эд зүйлсийг нь асуухад хуруугаа заана.
Нийгэмшихүйн хөгжил - Бусад хүүхдүүдтэй хамт байхдаа ч гэсэн ганцаараа тоглоно. - Танил хүмүүстэйгээ харилцах дуртай байна. - Өөртөө анхаарал тавихыг шаардана. |
18-20 сартай хүүхэд
Бие бялдрын хөгжил - Тэнцвэр сайтай алхана, арагшаа болон хажуу тийш чөлөөтэй алхана. - Сайн гүйх боловч зогсох үедээ унана. - Сараачин зурна.
Оюуны хөгжил - Эд зүйлсийг хүнд шилжүүлэн өгч чадна. - Хүн болон эд зүйлсийг нэрээр нь нэрлэнэ, мэддэг үгнүүдээ хэлнэ. - Ямар нэгэн зүйл хаана байгааг асуусан үед хуруугаараа заана. - Үхэр дуурайж мөөрөх зэргээр мэддэг, эсвэл таалагдсан дуу авиагаа дуурайна.
Нийгэмшихүйн хөгжил - Эд юмсыг хөдөлгөх, байрлалыг нь шилжүүлэх дуртай болно. - Хийсэн зүйлийнхээ үр дүнд сонирхолтой байгаагаа харуулна. - Хувтасаа тайлах, өмсөхийг оролдоно. - Тэврэхэд хариуд нь бас тэврэнэ. - Өөртэй нь тоглосон үед инээнэ, ход ход инээнэ, ганганана. | |