Moderator: mgl_300
Бүсгүй хүний гоолиг бие, эмэгтэйлэг байдлыг даашинз л хамгийн тод харуулж чаддаг. Анхны болзоо, ажил хэргийн уулзалт, оройн цэнгүүн гээд бүх орчинд таныг хамгийн сайхан харагдуулах шинэ оны даашинзны загварыг танилцуулъя.
ГЭГЭЭЛЭГ ӨНГӨЛӨГ СОНГОЛТ
Байгаль дэлхий өнгөө засаж зүйл бүрийн цэ цэг алагласан зуны улиралд гэгээлэг өнгөтэй хувцас өмсөх нь мэдээж. Харин даашинзаа тод өнгөтэй, богино хормойтой охидынх шиг загвартайгаас нь сонгож өмсөх нь тохиромжтой.
ТОРОН, СҮЛЖМЭЛ НИМГЭН ХУВЦАС
Загвар зохион бүтээгчид энэ улиралд зориулан сүлжмэл эдлэлээр хувцас урлаж байгаа аж. Мөн атлас гэх мэт намирсан, гулсамтгай материал ч тэдний анхаарлыг татаж буй. Давхар хормой, хосолмол загвар хүч түрэн орж ирсэн учраас хуниастай атласан даашинз, торон хүрэм, цэрэг загварын калпитай өмд, нуруу нь онгорхой цамц энэ зуны гоёл болох юм байна.
ЭТГЭЭД ГУТАЛ
“Гутал муут гурвын ард” гэж үг бий. Энэ зун гутлын хамгийн чөлөөт загвар моодонд оржээ. Сүлжмэл сөөхий, өндөр шилэн ултай сандааль, урд эсвэл ард тал нь онгорхой туфль, өсгийгүй углааш гээд энэ зун төрөл бүрийн загвартай гутал өмсөж болно. Гэхдээ дахин давтагдахгүй этгээд байдлыг л чухалчлаарай.
ХАР ӨНГӨТЭЙ, БОГИНО ДААШИНЗ
Хэзээд сонгодогт тооцогддог хар өнгийн, богино хормойтой даашинзнаас нэгийг аваад шүүгээндээ хийчихсэн байхад 2010 оны зуны гоёлын тал хэсгийг өөртөө бүрдүүлчихлээ гэж бодож болно. Даа шинз богино байхад л хангалттай. Учир нь хар өнгийг өөр ямар ч өнгөтэй хоршуулж болдог ба та зөвхөн гутал цүнх нийхээ загварт анхаарах шаардлагатай.
МӨРГҮЙ ДААШИНЗ
Сайхан мөр, цээжээ бусдад харуулж, зуны халуун өдрүүдийг халууцалгүй өнгөрүүлэхийг хү- сэж байгаа бол мөргүй даашинз сонгоорой. Улаан хивсний ёслол, үдэшлэг цэнгүүнд илүү тохирдог энэ загвар таныг олны анхаарлыг өөртөө татахад “туслаад” зогсохг үй, гоо үзэсгэлэнтэй гүнж мэт харагдуулах болно. Түүнчлэн огт мөргүй нь эвгүй бол нэг мөртэй даашинз өмсөж болох юм.
БИЕ НЭВТ ГЭРЭЛТҮҮЛСЭН ХУВЦАС ЭНЭ ОНЫ МООД
Сайхан биеэ бусдад гайхуу лахаас татгалздаггүй, өөрт өө итгэлтэй бүсгүйчүүдэд зориулсан нэвт гэрэлтсэн даашинз энэ жил моодонд оржээ. Торгомсог материалаар хийсэн бол илүү дэгжин харагдана. Мөн энд тэндээ нүхэлж, биеийн зарим хэсгийг ил гаргасан загвартай даашинз тачаангуй байдлыг илтгэхээс гадна сэрүү татуулсан мэдрэмж төрүүлэх болно.
ЦҮНХ ТОМ БАЙХ ТУСМАА ДЭГЖИН
Зуны улиралд гутал цүнх хос лох дүрэм зөрчигддөг. Энэ зун цүнх том байх тусмаа моодны байх болно. Тор шиг том хэрнээ хөн гөн даавуун материалтай цүнхээ гартаа ойртуулаарай. Ха рин жижиг цүнх барих бол аль болох тод өнгөтэйг сонгох хэрэгтэй. Даавуун цүнхээ жижиг хат гамлаар чимэглэвэл бусдаас өөр загварлаг байх болно.
БОГИНО ӨМДӨӨ ХАДГАЛААРАЙ
Өнгөрсөн жилээс моодонд орсон богино өмднүүдээрээ энэ зун гоёж болно. Гэхдээ хамгийн бариу загвартайгаас нь сонгоорой. Мөн тод өнгөтэй байх хэрэгтэй. Ийм загвартай өмдийг дизайнерууд 1950-иад оны загвар гэж тодорхойлдог юм билээ. Түүнчлэн эрчүүд бариу цамцаар, бүсгүйчүүд задгай энгэртэй, хэлхгэр, нимгэн даавуун цамц өмсөх нь энэ зуны төрх гэнэ. Сүүлийн үед залуус үндэсний хувцсыг орчин үеийн загвартай хослуулан гоёх болсон нь зөв сонголт аж.
ХАТАН МӨРТЭЙ ХҮРЭМ
Монгол эхнэр дээлийн мөр өндөрлөгтэй байдаг шиг орчин үеийн хүрэм хуниастай, өндөр мөртэй болсон нь шинэ зууны загвар юм байна. Бариу хэрнээ гүнзгий энгэртэй нимгэн гулсамтгай материалаар урласан хүрмээр хэдийд ч гоёж болно. Ханцуй нь богино