Сайн байна уу би одоо 26 настай. Нөхөртэйгөө суугаад 1 жил болж байна. Өмнө би нэг залуутай хамт амьдардаг байсан. Тэр их архи ууж агсам тавьдаг гэр орондоо ирдэггүй хамгийн аймар нь намайг 6 сартай байхад архи ууж агсам тавьж зөндөө их зодоод хөргөгч мөргүүлж би ухаан алдаад хүүхдээ алдсан. Тэгээд тэр хүнээс арай гэж нэг юм салаад одоогийн нөхөртэйгөө учирсан. Энэ маань их сайн хүн. Гэхдээ энэ хүнд би өнгөрсөн амьдралаа нэгийг нь ч сөхөөгүй. Би өөр хүнд ярихыг ч хүсдэггүй. Зүгээр л мартахыг хичээдэг. Гэтэл саяхан хэд хоногийн өмнө нөхөртэйгөө нэг пабд хоол идэж байгаад хуучин амьдардаг байсан залуутайгаа таарчихсан. Нөгөө дэхь чинь бас л согтуу дуу нь чангарчихсан намайг хараад шууд хүрээд ирсэн. Тэгээд л яриа өдөөд лаг сүрхий дотно юм яриад салдаггүй. Нөхөр маань уурлаж чи авгай бид хоёрт саад болоод байна гэж хэлсэн чинь нөгөө архичин чинь бид хоёрын өмнөх амьдрал яаж унтдаг байсан намайг яаж тавьдаг байсан ямар сайхан байсан яаж харддаг байсан бас хүүхдээ ингээд алдчихсан гээд бүх юмаа ярьчихсан. Би дуугай болгох гээд дийлээгүй юу ч хэлэлгүй дуугай л зогссон. Нөхөр маань ч гэсэн юм хэлэхгүй сонсоод л байсан.

Харин гэртээ ирээд надтай огт юм яриагүй. Бүр одоог хүртэл. Гэрээс гардаггүй хүн шөнө орой ирээд л. Заримдаа хонохгүй. Ярилцъя гэхээр завгүй ажилтай гээд л гараад явчихна. Би бүр яахаа мэдэхээ байчихлаа. Магадгүй өөрийнх нь намайг төсөөлдөг байсан хүн нь их сайн эхнэр байсан байх л даа. Гэтэл би чинь өмнө нь алдаж явсан хүн. Түүний төсөөлж ч байгаагүй амьдралаар амьдарчихсан. Тэгээд тэрийгээ хэлээгүй болохоор өөрт нь хэцүү байгаан болов уу би яавад дээр вэ зөвлөөч хүмүүсээ…