Хувцасны загварын шийдэл содон бөгөөд биед эвтэйхэн байх нь материалын чанар болоод онцлогоос хамаарна.  Тэгвэл энэ намар, өвлийн хувцасны зонхилох материалаар   хамба хилэн, бөс даавуу, савхи, каракуль, торон материал мөн хиймэл арьс сонгогдоод байна. Та бид торон тэрлэг дээр ширүүн шубан хүрэм давхарлан өмссөн гэх зэрэг өөр өөр материалын сонирхолтой хослолыг загварын тайзнаас харж болох юм

За ингээд та бүхэндээ энэ намар, өвлийн хувцасны чиг хандлагыг, материалын талаарх мэдээллийг хүргэе.

Каракуль:
Каракуль нь энэ улирлын хувцасны хамгийн гол материал болж байгаа билээ. Загвар зохион  бүтээгчид  цүнх, гутал болон гоёлын бусад зүйлд каракулийг  өргөнөөр ашиглаж байна. Гэхдээ  хүрэм болон пальтонд ашиглах нь  илүү зохистой аж. Каракулийг хэрхэн сайн ашигласныг Бурберри Прорсумд харж болно. Тэндхийн цуглуулга нь чухамдаа энэхүү материалд үндэслэсэн мэт. Кристофер Бейли каракулийг  нисэгчийн хүрэмд ашиглахдаа  эмэгтэйлэг болгож, өндөр өсгийтэй гуталтай хослуулжээ. Каракуль болон ноолуурыг сонирхолтойгоор хослуулсан өөр цуглуулгыг Филип Лимд харж болно. Раг ба Боунд үзүүлсэн каракулан хүрэм нь ханцуйгүй хүрэмтэй адил харагдах нь сонирхолтой юм.



Үслэг эдлэл:
Энэ улирлын загварын чиг хандлага нь яах аргагүй  үслэг эдлэл болох шуба билээ.  Урьд өмнөх урамшуулж зоригжуулсан загвараас өөр, этгээд хачин гэмээр талдаа илүү болсон байна. Энэ нь үслэг эдлэл хээнцэр, нарийн чамин хийцэнд харьцангуй бага ордогоос болж эмэгтэй хүний энхрий ялдам дүр төрхийг илэрхийлэхдээ тааруу мэт байдагтай холбоотой байж магадгүй юм. ‘Chanel’-ийн загвар зохиогч Карл Лагерфелд синтетик үслэг эдлэлийг энэ намрын болон 2011 оны өвлийн загварын цуглуулгандаа оруулсан нь үүнтэй холбоотой биз ээ.

Энэ улирлын цуглуулгад үслэг гутал, үслэг банзал, үслэг өмд гээд толгойноос  хөл хүртэл дан үслэг загварын хувцас зонхилж байхыг та‘Chanel’-ийн загварын шоунаас  харж болно. Загвар зохиогч Кристофер Байлеи-н загвараас үслэг эдлэлээр маш өвөрмөц шийдэлтэй хийсэн, маш дулаахан, биед  нэн эвтэй харагдах хүрмийг харж болно. Харин Шоулерийн цуглуулгаас хувцасны загвар, хандлагын зарим талыг л харж болох бол Дерек Лам болон Майкел Корсын цуглуулгад үслэг хүрмийг өмд болон бэхэлгээ бүхий түрийтэй гуталтай  хослуулсан нь содон харагдаж  байна. Харин Петер Сам-ийн загваруудад үслэг эдлэлийг цэцгэн эсвэл шатрын хөлгөн хээ бүхий материал эсвэл тааран даавууны төрлүүдтэй хослуулсан байна.



Сүлжмэл  эдлэл:
Энэ улирлын загварт сүлжмэл хувцас чухал байр суурь эзэлж байгааг загварын ихэнх шоунаас  харах боломжтой.  Гэхдээ  гол анхаарах зүйл бол гоё сайхан харагдахын тулд   хэрхэн яаж хослуулах вэ гэдэгт байгаа юм.  Сүлжмэл хувцасыг  эмэгтэйлэг бөгөөд чамин хээнцэр харагдуулдаг  өндөр өсгийтэй гутал, нарийхан арьсан бүс зэрэгтэй хослуулан өмсөхөд асуудалгүй..
Яг тийм хувцасыг ‘Christian Dior’шоу-д үзүүлсний дагуу маш нарийн хийцтэй чифон даашинзтай хослуулан өмсвөл илүү романтик стильтэй  байх болно. Харин энгийн бөгөөд чийк харагдахад ‘Loewe’-ийн цуглуулгад үзүүлсний адил сүлжмэл даашинзыг нарийн бүс, шилэн трико дээр шовх өсгийтэй гуталтай хослуулан өмсөх нь зохимжтой. Сүлжмэл хувцасны загвар, хандлагыг мөн Miuccia Prada, Marc Jacobs, Michael Kors болон Chloй-гийн үзүүлбэрүүдээс харж болно



Xамба хилэн:
Тансаг материал болох хамба хилэн энэ намар, өвлийн хувцасны зайлшгүй материал болон хүч түрэн орж ирлээ. Эл материал ‘Dolce&Gabbana’-ын загваруудад үзүүлсэн цэмцгэр хээнцэр, эмэгтэйлэг бариувчтай даашинз мэтийн сонгодог хэлбэрээс авахуулаад  илүү хүчирхэг  мэдрэмж төрүүлэх зэрэг янз бүрийн зориулалтаар хэзээ ч ашиглагдах чадвартайгаа дахин нотолж байна.

Харин шулуун тайралттай энгийн хүрэм болон хослолын пиджакыг хээтэй өмд эсвэл богино өмд, үслэг түрийтэй гутлын хамт хослуулан өмсөх нь сонирхолтой бөгөөд спортлог харагдуулдагийг ' D&G '-гийн загвараас харж болох нь. Түүнчлэн энэхүү гайхалтай материалыг торон болон хамба хилэнгээр ирмэг нугалаа гарган хийсэн ханцуй бүхий богино даашинзанд ашигласан нь илүү дур татам сонирхолтой болгосныг ' Alexander Wang '-гийн загваруудаас харж болно.




Торон материал:
Энэ өвлийн загварт мөн торон материал чухал байр эзэлж байна. Торон материал нь эмэгтэй хүний энхрий ялдам дүр төрхийг илэрхийлэх үндэс суурь болж өгөхөөс гадна үслэг эдлэл, арьс, савхин  эдлэл, өвдөг хүрсэн арьсан түрийтэй гуталтай  ч таарч зохицож чаддаг онцлогтой юм