Хүний амьдралд юу эс тохиолдох билээ. Хэдий амьдрал тань бүтэлгүйтэж, нөхрөөсөө салсан ч гэсэн хэзээ нэг өдөр экс нөхөртэйгөө санаандгүй тааралдах ч юм уу аль эсвэл амьдрал ахуйн ямар нэгэн шаардлагаар уулзалдах үе гарч ирж болох юм. Үүнийг үгүйсгэх аргагүй юм. Зарим хосууд салсан хойноо ч бэлгийн харьцаанд орсон хэвээр байдаг нь нууц биш юм. Ийм үед харин бүсгүй хүн юуг анхаарах вэ.

Эмэгтэй хүн хуучин нөхөртэйгөө уулзах үедээ юуг хийж болохгүй вэ?
- Занаж зүхэх,
- Ёжтой хорон муу үгээр дайрч давшлах,
- Муухай зан аяг гаргаж аашлах,
- Өрөвдөлтэй харагдах,
- Бие муу байгаа хэмээн шалтаг заах,
- Арчаагүй сул дорой байдал гаргах,
- Эд материалын туслалцаа хүсэх,
- Хэрэв хуучин нөхрийн чинь зүгээс тиймэрхүү хандлага дохио өгөөгүй тохиолдолд түүнийг тэвэрч, үнсэх гэж оролдсоны хэрэггүй.
- Хуучин нөхөртэйгөө холбоотой асуудал тэр дундаа одоогийн амьдралынх нь талаар сонирхож асуух хэрэггүй. Энэ нь түүнд одоо ч гэсэн өөрийг нь мартаж чадаагүй байгаа мэт сэтгэгдэл төрүүлэх болно.
- Та хоёрын амьдрал бүтэлгүйтсэнд харамсаж явдгаа түүнд хэлэх хэрэггүй. Харин ч эсрэгээр юу ч болоогүй бас юу ч тохиолдоогүй мэт царай гаргах хэрэгтэй.
- Түүнээс салж явах үедээ дахин уулзаж, ярилцах талаар ам нээсний хэрэггүй юм шүү.

Эмэгтэй хүн хуучин нөхөртэйгөө уулзах үедээ юуг хийж болох вэ?
- Найрсаг тааламжтай хандах,
- Эелдэг зөөлөн үгээр харьцах,
- Сэргэлэн цовоо, эрч хүчтэй харагдах,
- Аз жаргалтай байгаа мэт сэтгэгдэл түүнд төрүүлэх,
- Амьдрал ахуйнхаа талаар ярихдаа бүх юм болж бүтэж байгаа мэт ярих,
- Шинэ найз залуутай болж байгаа тухайгаа ярих хэрэгтэй. Учир нь таныг гэсэн хүн байдаг юм байна гэдгийг тэр мэдрэх ёстой,
- Салахдаа түүнд сайн сайхан зүйл, ажлын амжилт хүсээрэй.
- Хуучин нөхрийнхөө биед нь биш харин гарт нь зөөлөн хүрч болно