Эрчүүд маш энгийн хүмүүс. Хэрвээ хөөрхөн бүсгүй таарвал түүнтэй заавал уулзахыг хүсдэг. Тэгээд хэрвээ үнэхээр сонирхолтой, хөгжилтэй нэгэн байвал бүр ч илүү дотносохыг хүснэ. Эмэгтэйчүүдийг бодвол эрчүүд илүү хөнгөн, сэтгэлийн хөдөлгөөн ихтэй хүмүүс. Тэд халуухан янаг, бие хаа, дүр төрхийг нь илүү хардаг бол, харин эмэгтэйчүүд шал өөр нарийн шалгуурыг эрчүүдээс шаарддаг байна.

Биеэ даасан

Эмэгтэйчүүд бие даасан байдалд их дуртай. Тэд эрчүүдийг хир биеэ даасан, өөртөө хир арчаатай, аливаа асуудалд шийдвэр хэрхэн гаргаж байгааг, мөн санхүүгийн хувьд хир нарийн бас үрэлгэн байна вэ гэдгийг нь хамгийн эхлээд хардаг аж. Тэдэнд биеэ даасан залуучууд л таалагддаг. Тэгээд ч ер нь хэн нөхөр, найз залуугийнхаа ээж нь байхыг хүсэх билээ. Зөвхөн хэрэгцээгээ хангах хүсэлтэй эрчүүдээс илүү дотно харилцаа үүсгэж, түүндээ үнэнч хариуцлагатай хандаж чадах тийм л эр хүнд ихэнх эмэгтэйчүүд татагддаг.

Дүр төрх

Эрчүүдийг бодвол эмэгтэйчүүд илүү романтик бас галзуу сексийг хүсдэг гэнэ. Хэрэв үнэхээр жаргааж чадвал “матар”, “ сармагчин” шиг царайтай залуу байсан ч тэд үргэлж хамт байхыг л хүсдэг гэнэ .

Зан ааш

Ер нь бүдүүлэг, ичгүүргүй хүнтэй амьдрахыг хэн хүсэх билээ. Зан ааш сайтай хүн цаанаа л нэг нүдэнд дулаахан харагддаг шүү дээ. Бас өөдрөг үзэлтэй хүн өөрийн эргэн тойрныхоо хүмүүст эрч хүч, энерги бэлэглэж байдаг.

Харилцаа

Өөрийгөө зөв илэрхийлж , хүнийг сайн ойлгож чаддаг, хүсэл сонирхол, ер нь л бүх зүйлийг ний нуугүй ярьдаг тийм л эр хүнийг эмэгтэйчүүд үргэлж эрэн сурвалжилж байдаг байна. Заримдаа эмэгтэй хүнд өөрийг нь сонсох хэн нэгэн маш ихээр үгүйлэгддэг байна. Харин тэр үед эрчүүд тэдэнд халамж тавих хэрэгтэй. Магадгүй эрчүүдийн хувьд хов жив, элдэв янзын зүйл сонсоод суух нь хүнд даалгавар мэт санагдах байх л даа. Гэвч залуу та хайртай бүсгүйдээ өөрийгөө сонсох, ярих чадвартай гэдгээ мэдрүүлэх хэрэгтэй.

Дур хүсэл

Дур хүсэл бол эмэгтэй хүний үргэлж хайж байдаг зүйлийн нэг юм. Тэд эрчүүдтэй цаг хугацааг өнгөрөөхдөө баяр хөөртэй байхыг хүсэхээс гадна тэднээс гайхалтай, тачаангуй сексийг хамгийн ихээр хүсдэг гэнэ. Тиймээс залуу та бүсгүйдээ үнэхээр хайртай бол “би энэ дэлхийн хамгийн тачаангуй залуу” гэдгээ л харуулах хэрэгтэй.

Итгэл

Эрчүүдээс шаарддаг эмэгтэй хүний хамгийн гол зүйлийн нэг бол “Итгэл” юм. Хайртай бүсгүйдээ итгэл төрүүлэхийн тулд өөрөө өөртөө итгэлтэй байх ёстой шүү дээ. Хэрэв залуу та өөртөө итгэлтэй бол хэний ч өмнө бардам алхаж болно.