Би нөхөр 2 хүүхэдтэй эмэгтэй. Би эрэгтэйчүүдийн талаар жаахан тодруулах гэсэн юм л даа. Учир нь заримдаа би ийм хүнтэй суучихсан юм болов уу эсвэл эрчүүд ийм байдаг юм болов уу гээд гайхаад байдаг юм л даа. За ингээд асуудалдаа ороё. Манай нөхөр уг нь сайн хүн л дээ, амьдралын төлөө чадах чинээгээрээ ажиллаж байна. Өглөөнөөс орой хүртэл, бараг амралтгүй л ажиллана, бид 3-г тэжээх гэж л тэр. Ингэж ажиллаж байгааг нь хараад би бахархдаг бас хайрладаг. Гэхдээ нэг зүйл намайг их гомдоох юмаа. Нөхөр маань өглөө гараад орой 22 цагийн үед орж ирнэ. Би ч өдөржингөө нөхрөө хүлээсэн болохоор ирэхэд нь их баярланаа. Даанч нөхөр маань ирээд хоолоо идэнгүүтээ шууд компьютэрээ асаагаад л суучихна. Заримдаа хоолоо компьютэрийнхээ өмнө иднэ. Би уг нь их гуйнаа, миний хөгшин жаахан юм ярь л даа, өдрийг яаж өнгөрөөв ажил төрөл ямар байв гээд асуунаа. Тэгэхээр онц сонин юмгүй ээ гэж хэлээд ком-руу явчихна. Ингээд бараг юм ярихгүй болохоор би их гомдох юмаа, тэгээд үүнээсээ болоод бид 2 их хэрэлдэнэ. Заримдаа миний уур гомдол хослоод ирэхээр нөхөртөө хэлнээ, за яршиг чамайг ингэж гуйж хэдэн уг сольж байснаас би нууц амраг олж аваад чамайг гуйхгүй ганцаардахгүй болно, чи ч гэсэн НУА-тай болж болноо, хүүхдүүдээ бодоод салахгүй хамт амьдарч байя гэж хэлнэ. Үүнээс болоод бөөн хэрүүл болно.

Би уг нь ингэж хэлмээргүй байна л даа, даанч их гомдоод ирэхээрээ уур хүрээд хэлчих юмаа. Уг нь нөхөр маань ажлаасаа ирээд надтай жаахан ярьж суувал миний толгойд ийм бодол орж ирэхгүй л дээ. Хэрүүлийн дараа хоюулаа эвлэрч нөхөр маань юм ярина гэж амлана, за тэгээд энэ нь эхний өдөр 5 мин юм ярьна, маргааш нь мартчихна. Би хэд хоног тэсэж байгаад дахиад л хэрүүл болно. Яавал нөхөр маань надтай жаахан юм ярьж хүүхдүүдтэйгээ тоглодог болох болоо? Би ийм хүнтэй суучихсан юм болов уу эсвэл эрчүүд ийм байдаг юм болов уу? Бас яавал толгойноосоо нууц амрагтай болоё гэсэн бодлоо устгаж ийм уг ярьдаггүй болох вэ? Уг нь надад ийм хүсэл байхгүй л дээ, уур хүрэхээр л ингэж бодогдоод байдаг юм. Би ч нөхөр хүүхдүүддээ хайртай л даа, нөхөр маань ч гэсэн бид нарт хайртай. Нөхөрт маань өөр хүүхэн байхгүй. Нөхөр маань дуу цөөтэй хүн биш, олон нийтийн газар бол их яриа хөөрөөтэй хүн. За тэгээд миний захидлыг уншиж буй хүмүүс болон зөвлөгөө өгөх хүмүүст баярлалаа. Нэг зүйл гуйхад зөвлөгөө өгөх хүмүүс хараалын үг битгий хэрэглээрэй